Abhi Thehro

Abhi Thehro..
Main Khuwabon K Safer Pe Hon..
Mujhe Tum Neend Se Bedaar Hone Do..
Abhi Such Mut Kaho Mujh Se..
Mujhe Ruswaion K Dar..
Hamesha Dukh He Daite Hain..
Faqt Ik Hijar Ka MAUSAM..
Hamesha Raas Aata Hai..
Kabhi Dilshad Lamhon Se..
Chura Lon Main Khushi K Pal..
To Barson Beet Jate Hain..
Mujhe Aabad Hone Mein..
Kabhi Anjaan Raston Per..
Meri Aankhen Chalen Tanha..
Kabhi Saaya Mera Apni Jagha He Chohr Jata Hai..
Agerche Waqt K Chehre Pe Salwat Dal Gai Hogi..
Kabhi Jazbon Ki Jolani Arooj Baam Rehti Hai..
K Jab Palkon Ki Kheti Bhi..
Ugaye Fasl Ashkon Ki..
Muraden Hijar K Qadmon Pe Ser Rakh K Bilakti Hain..
Zara Pocho Meri Khaloot Se Ye Aabad Kaise Hain?
Abhi Beetey Marasam Yaad Ki Aankhon Mein Thehre Hain..
Abhi To Dhoop Bhi Dewaar K Shanon Se Sarki Hai..
Ta'aluq K Jazbon Per Sunehri Shaam Utri Hai..
Abhi Thehro......!
Hamare Sard Jazbon K Pigalne Tak..
Naye Khuwahish Ki Sarhad Per Purane CHAND Dhalne Tak.........!!!