Poetry by Taqwa Sohail

 

اب کہ کوئی اُمید، کوئی گُماں بھی نہیں ہے

کسی کے لوٹ آنے کا کوئی اِمکاں بھی نہیں ہے

 

شبِ ظُلمت سے نکالا مجھے چراغ کی لَو نے

اب مجھ پر تو سورج کا کوئی احساں بھی نہیں ہے

 

اُس کا طرزِ تخاطب تو مجھے اچھا نہیں لگتا

پر اُس سے گفتگو مجھ پر کچھ گراں بھی نہیں ہے

 

کوئی رختِ سفر ، ہم سفر ، قافلہ تو دور

میرے پاس تو منزل کا کوئی نشاں بھی نہیں ہے

 

کھینچوں گا خود کو خود ہی میں تختۂ دار پر

مجرم ہوں میں ایسا جو پشیماں بھی نہیں ہے

 

از قلم     تقویٰ سہیل چدھڑ

**************