Kuch khud Bhi the afsurda se

Kuch khud Bhi the afsurda se
Kuch woh Bhi hum se Rooth gae

Kuch khud hi zakhm Kay aadi the
Kuch sheeshay Haath se choot gae

Kuch khud bhi the Hassas Buhot
Kuch apne muqaddar Rooth gae

Kuch unko Jhoot se nafrat thi
Kuch hum say bolay Jhoot gae

Kuch logo ne Uksaaya unhain
Kuch apne muqaddar Phoot gae

Kuch khud itne Mohtat na the
Kuch log bhi Hum ko Loot gae

Kuch Talkh Haqeeqat itni thi
Ke Khuwab Hi Sare Toot Gae