Poetry by M Hashmi

 

میں نے چن لیا اس کو پورا جہان وار کر

 

اس نے جہان پا لیا مجھے ٹھکرا کر

 

وہ صرف میری محبت کا نہیں ہر چیز کا منکر نکلا

 

میں نے واسطے ڈالے تھے اس کو ایمان کے بھی

 

ایم ہاشمی

٭٭٭٭٭٭٭٭٭٭

 

Mehk uthy gulistan phir se her janib baharan ho Ghazal by Muhammad Salman

مہک اٹھے گُلِستاں پھر سے ہر جانب بہاراں ہو

دلِ مُسلم میں خوابیدہ وہ چنگاری چراغاں ہو

 

لگاؤ ایسی ضربیں کہ لرز اٹھے دلِ باطل

اُجالا ہو ہر اک جانب چراغِ حق فروزاں ہو

 

پڑھو اجداد کے قصے لکھو تقدیر نسلوں کی

رکھو تم یاد ماضی کو کہ مُستقبل دَرَخشاں ہو

 

جواں پیدا ہوں پھر ایسے، جہاں میں عدل جو لائیں

کہ جن کے دم سے تاباں پھر یہ مِہر و ماہ و دوراں ہو

 

خزاں کے وار سے لرزاں نہ ہو اب گُلشنِ ایماں

اُمیدوں کی رَوِش پھر سے ہر اک دل میں شَبِستاں ہو

 

جہاں میں پھر درِ حَق پر جَبِینِ شوق جُھک جائے

ہر اک دل میں یقینِ رب کا دریا موجِ اَفشاں ہو

 

نظر میں جلوہِ حق ہو زباں پر ذکرِ مولا ہو

جُھکے سر پھر درِ حق پر دلوں میں نامِ یَزداں ہو

 

✍️ ۔ محمد سلمان

**************

Us ko kya tu ne humnawa paya ghazal by Areeba Gul

اس کو کیا تو نے ہم نوا پایا

وہ ملا تو سمجھ خدا پایا

وہ ملا تجھ کو خوش نصیبی تیری

میں نے پر اس کو بے وفا پایا

میرے دل میں تو ایک درد تھا وہ

تو نے اس کو درد آشنا پایا ؟

تجھ سے وہ عشق کرتا ہے سچ میں

اس لیے تو نے باوفا پایا

اس کا مطلب ہے میں کھلونا تھی

اس نے بس مجھ کو راستہ پایا

اس سے میں عشق اب بھی کرتی ہوں

میں نے اب خود کو بے صدا پایا ۔۔۔۔

*************