شاعرہ: تسلیم شہزادی نازؔ
------
(نظم; دسمبر چلا گیا… جنوری
کا پہلا دن)
دسمبر
چلا گیا ہے
اپنے
ساتھ
بے
شمار کہانیاں،
ادھورے
خواب،
اور
بہت سی خاموش آہیں
لے
کر…
آج
جنوری کا پہلا دن ہے
نئی
صبح، نیا احساس،
نیا
سورج،
نئی
امیدوں کا وعدہ لیے،
دروازہ
کھٹکھٹا رہا ہے...
چلو
آج ایک عہد کرتے ہیں
کہ
گزرے کل کو،
دل
کے کسی نرم گوشے میں رکھ دیں
اور
آگے بڑھ جائیں
ہلکے
قدموں کے ساتھ...
چلو
پرانے شکوے،
وقت
کے حوالے کر دیں،
وہ
زخم جو برسوں سے،
روح
پر بوجھ بنے ہیں،
آہستہ
آہستہ بھرنے دیں...
نئے
سپنے بُن لیں،
سچائی
کے دھاگوں سے،
محبت
کے رنگوں سے
اور
وفا
کے قرینوں سے...
چلو
وعدہ کریں
کہ
دل کو نفرت سے خالی رکھیں گے
اور
معافی کو اپنی طاقت بنائیں گے
کہ
معاف کرنا
سب
سے بڑی جیت ہوتی ہے...
ایسی
بستی بسائیں،
جہاں
دل امیر ہوں،
نیتیں
صاف ہوں،
اور
رشتے
مفاد سے آزاد ہوں...
جہاں
کوئی تنہا نہ ہو،
جہاں
ہر درد سنا جائے،
اور
ہر
آنکھ میں،
کسی
کے ہونے کا یقین ہو...
نہ
وہ بستی کسی نقشے میں ہو،
نہ
کسی کتاب میں لکھی ہو،
بس
دلوں میں آباد ہو،
خاموش
مگر سچی...
آؤ!
اس
جنوری کے پہلے دن،
ایک
نیا آغاز کریں،
خود
سے،
اپنوں
سے،
اور
زندگی سے
کہ
شاید
یہی
نیا سال نازؔ،
ہمیں
وہ انسان بنا دے،
جو
ہم ہمیشہ بننا چاہتے تھے…!!! 🌙
٭٭٭٭٭٭٭٭٭٭٭٭٭
