Der kitni lagti hai Ghazal by Raahah

مل کر بچھڑنے میں دیر کتنی لگتی ہے

وقت کے گزرنے میں دیر کتنی لگتی ہے

 

لہجے بدلنے میں دیر کتنی لگتی ہے

زخموں کے رسنے میں دیر کتنی لگتی ہے

 

زباں سے لفظ نکلنے میں دیر کتنی لگتی ہے

روح چھلنی ہونے میں دیر کتنی لگتی ہے

 

خواب تو بہت دیکھے جاگتی ان  آنکھوں سے

پر خواب ٹوٹ جانے میں دیر کتنی لگتی ہے

 

قہقہوں میں چھپے غم کو بس چھپا ہی رہنے دو

کہ آنکھوں کے برسنے میں دیر کتنی لگتی ہے

 

ہم خاموش ہیں تو ہمیں خاموش رہنے دو

آئینہ دکھانے میں دیر کتنی لگتی ہے

 

یہ کہنا تو بہت آسان ہے، عمر بھر ساتھ چلنا ہے

پر راستہ بدلنے میں دیر کتنی لگتی ہے

 

کسی کے وعدوں کا اب کیا کریں اعتبار

کہ وعدے سے مکرنے میں دیر کتنی لگتی ہے

 

بھروسہ نہیں ہے اک پل کا، نفرتوں سے کیا حاصل؟

کہ جسم سے روح نکلنے میں دیر کتنی لگتی ہے

 

✍🏻 راحة