رخصت ہوا تو آنکھ ملا کر نہیں گیا
وہ کیوں گیا ہے یہ بھی بتا کر نہیں گیا
وہ یوں گیا کہ بادِ صبا یاد آگئی
احساس تک بھی ہم کو دلا کر نہیں گیا
یوں لگ رہا ہے جیسے ابھی لوٹ آئے گا
جاتے ہوئے چراغ بجھا کر نہیں گیا
بس اک لکیر کھینچ گیا درمیان میں
دیوار راستے میں بنا کر نہیں گیا
شاید وہ مل ہی جائے مگر جستجو ہے شرط
وہ اپنے نقشِ پا تو مٹا کر نہیں گیا
گھر میں ہے آج تک وہی خوشبو بسی ہوئی
لگتا ہے یوں کہ جیسے وہ آکر نہیں گیا
تب تک تو پھول جیسی ہی تازہ تھی اس کی یاد
جب تک وہ پتیوں کو جدا کر نہیں گیا
رہنے دیا نہ اس نے کسی کام کا مجھے
اور خاک میں بھی مجھ کو ملا کر نہیں گیا
ویسی ہی بے طلب ہے ابھی میری زندگی
وہ خار وخس میں آگ لگا کر نہیں گیا
شہزاد یہ گلہ ہی رہا اس کی ذات سے
جاتے ہوئے وہ کوئی گلہ کر نہیں گیا
شہزاد احمد
Abhi Kuch Din Mujhe Meri
Mohabbat Aazmane Do
Mujhe Khamosh Rehne Do
Suna Hai Ishq Saccha Ho To
Khamoshi Lahu Ban Kar
Ragon Main Naach Uthti Hai
Zara Us Ki Ragon Main
Khamoshi Ko Jhoom Jane Do
Abhi Kuch Din Mujhe Meri
Mohabbat Aazmane Do
Usay Main Kyun Bataon
Main Ne Us Ko Kitna Chaha Hai
Bataya Jhoot Jata Hai
Ke Sacchi Baat Ki Khushboo
To Khud Mehsoos Hoti Hai
Meri Baaten, Meri Sochen
Usay Khud Jaan Jane Do
Abhi Kuch Din Mujhe Meri
Mohabbat Aazmane Do
