Ashar

کھلی زمینوں میں جب بھی سرسوں کے پھول مہکیں
تم ایسی رت میں سدا مرا انتظار کرنا
جو لوگ چاہیں تو پھر تمہیں یاد بھی نہ آئیں
کبھی کبھی تم مجھے بھی ان میں شمار کرنا
"محسنؔ نقوی"

Macha deti hain halchal sham dhaly he teri yadden

مچا دیتی ھیں ہلچل شام ڈھلتے ہی تیری یادیں,

دلٍ نادان_____کا تجھ کو بھلانے کا ارادہ تھا..!!

( محسن نقوی)

Ye or bat hai k wo nibha na saka Mohsin

 

یہ اور بات ہے کہ وہ نبھا نہ سکا محسن

مگر جو کیے تھے اس نے وہ وعدے غضب کے تھے

Ur jaen gay tasveer kay rangon k trh hain

اڑ جائیں گے تصویر کے رنگوں کی طرح ہیں
ھم وقت کی ٹہنی پہ پرندوں کی طرح ہیں

تم شاخ پہ کھلتے ہوئے پھولوں کی طرح ہو
ہم ریت پہ لکھے ہوئے حرفوں کی طرح ہیں

اک عمر ترستے ہیں کسی ایک خوشی کو
ہم لوگ بھی بنجر سی زمینوں کی طرح ہیں

دنیا کے لیےٴ کچھ بھی سہی تیرے لیےٴ ہم
مخلص صدا ماوٴں کی دعاوٴں کی طرح ہیں

تاریخ کی نظروں میں ھم اک عمر سے محسن
اسکول سے بھاگے ہوئے بچے کیطرح ہیں

Wird e Tanhai

(دِلِ زیر لب - وردِ تنہائی )
۔۔۔۔۔
وہ بے حد خاص تھا لیکن مثالِ عام رہتا تھا
بہت ہنس مکھ سا بیلی تھا، بڑا دِلبر سا انساں تھا
مری ہر بات سے واقف،مرے حالات سے واقف
مری ہر بات کو سُنتا تسلی اور توجہ سے
بہت اپنائیت سے پھر وہ اچھے مشورے دیتا
مری بے ربط باتوں کو وہی ترتیب دیتا تھا
زمانے میں نبھانے کامجھے وہ حوصلہ دیتا
اُسے جب بھی کبھی دیکھا ، ہمیشہ مسکراتا تھا
عجب انسان تھا جو سخت مشکل میں بھی ہنستا تھا
کبھی بھی اپنے بارے میں کسی کو نہ بتاتا تھا
ہاں! تنہائی میں زیرِ لب وہ شاید گنگناتا تھا
مرے دریافت کرنے پر، وہ ہنس کر ٹال دیتا تھا
وہ پُر اسرار سا انساں، نجانے اِس طرح کیوں تھا
مگرجیسا بھی تھا لیکن، مجھے اُس کی ضرورت تھی
ضرورت تھی کہ الفت تھی یا پھر شاید محبت تھی
۔۔۔
پھر اِک دِن سردیوں کی شام میں ہم ساتھ تھے کچھ پل
الاؤ کی تپش بھی تھی مگر خنکی بلا کی تھی
وہ آنکھیں موند کر، چادر لیے، تکیے پہ سر رکھے
مجھے سُن کر، تسلی دے کے جانے کی اجازت دی
مگر اُس پل، وہاں رُک کر ، مرا دِل تھا ، اُسے دیکھوں
مرا دِل تھا اُسے کہہ دوں، مرے جذبوں سے ناواقف!
مری سوچوں سے بہرہ ور! مری چاہت سے ناواقف!
اے میرے مہرباں، محسن! مجھے تم سے محبت ہے!
۔۔۔
فضا خاموش تھی، خنکی، تپش ، مسحور سا منظر!
یہاں دھڑکن کی شورش، اور وہاں مدھر سی سرگوشی!!!
وہی مدہوش کرتی گنگناہٹ، "وردِ تنہائی"!!!
"مری سوچوں ناواقف، مرے جذبوں سے ناواقف
جسے میرا پتہ نہ تھا، مجھے اُس سے محبت تھی"
۔۔۔

IK chehra jo mery khawab saja deta tha

ایک چہرہ، جو میرے خواب سجا دیتا ھے 

 مجھکو میریے ہی خیالوں میں صدا دیتا ھے

 

 وہ میرا کون ھے معلوم نہیں ھے، لیکن"
جب بھی ملتا ھے وہ پہلو میں جگہ دیتا ھے

میں جو اندر سے کبھی ٹوٹ کے بکھروں "
وہ مجھکو تھامنے کیلیے ہاتھ بڑھا دیتا ھے

 

  میں جو تنہا کبھی چُپکے سے بھی رونا چاہوں"
وہ دل کے دروازے کی زنجیر ھلا دیتا ھے

اُس کی قُربت میں ھے کیا بات نجانے "محسن"
ایک لمحے کیلئے صدیوں کو بھلا دیتا ھے

Junoon Main Shauq Ki Gehraiyon Se Darta Raha

Junoon Main Shauq Ki Gehraiyon Se Darta Raha

Main Apni ZaaT Ki Sachaiyon Se Darta Raha

Mohabton Se Shanasa Huwa Main Jis Din Se

Phir Us K Baad Shanasaiyon Se Darta Raha

Wo Chahta Tha K Tanha Miloon To Baat Kre

Main Kya Krun K Main Tanhaiyon Se Darta Raha

Mein Regzaar Tha Mujh Main Basay Thay Sanaatay

Isi Liye To Main Shehnaiyon Se Darta Raha

Main Apne Baap Ka Yousuf Tha is Liye Mohsin

Sakoon Se So Na Saka Bhaiyon Se Darta Raha

میں لغزشوں سے اٹے راستے پہ_____چل نکلا

 

میں لغزشوں سے اٹے راستے پہ_____چل نکلا

تجھے گنوا کے مجھے پھر کہاں سنبھلنا تھا

( محسن نقوی)

اک دیا دل میں جلانا بھی بجھا بھی دینا

اک دیا دل میں جلانا بھی بجھا بھی دینا

یاد کرنا بھی اسے روز بھلا بھی دینا

خط بھی لکھنا اسے مایوس بھی رہنا اس سے

جرم کرنا بھی مگر خود کو سزا بھی دینا

مجھ کو رسموں کا تکلف بھی گوارہ لیکن

جی میں‌آئے تو یہ دیوار گرا بھی دینا

کیا کہوں یہ مری چاہت ہے کہ نفرت اس کی

نام لکھنا بھی مرا لکھ کے مٹا بھی دینا

صورت نقش قدم دشت میں رہنا محسن

اپنے ہونے سے نہ ہونے کا پتہ بھی دینا

بھری بہار میں اب کے عجیب پھول کھلے

بھری بہار میں اب کے عجیب پھول کھلے

نہ اپنے زخم ہی مہکے ، نہ دل کے چاک سلے

کہاں تلک کوئی ڈھونڈے مسافروں کا سراغ

بچھڑنے والوں کا کیا ہے ، ملے ملے نہ ملے

عجیب قحط کا موسم تھا اب کے بستی میں

کیے ہیں بانجھ زمینوں سے بارشوں نے گِلے

یہ حادثہ سرِ ساحل رُلا گیا سب کو

بھنور میں ڈوبنے والوں کے ہاتھ بھی نہ ملے

سناں کی نوک، کبھی شاخِ دار پہ محسن

سخنوروں کو ملے ہیں مشقتوں کے صلے

وہ جو اک شہر ہے پانی کے کنارے محسن

وہ جو اک شہر ہے پانی کے کنارے محسن
اپنے اطراف میں دلدل نہیں ہونے دیتا "

  محسن نقوی

مٹا رہی تھی مجھے طرزِ اِنتہا اُس کی

مٹا رہی تھی مجھے طرزِ اِنتہا اُس کی
کبھی نہ کُھل سکی مُجھ پر کوئی ادا اُس کی

 

نہ میں نے کوئی صدا اُس کو دی ، نہ وہ لوٹا
میری اناء کے مُقابِل رہی انا اُس کی

 

اُسے خِراجِ محبت ادا کرُونگا ضرور
زرا میں یاد تو کر لُوں کـوئی وفا اُس کی

 

وہ چند لوگ جو میری طرف تھے، کیا کرتے ؟
اُدھر تو ایک خُدائی تھی ہمنوااُس کی

 

نجانے کِتنی محبت تھی اُس کی نفرت میں
کئی دُعاؤں سے بہتر تھی بد دُعا اُس کی

 

اُسے جُدا ہوۓ برسوں گُزر گۓ محسن
مگر ہے نقش دِل و جاں پہ ہر ادا اُس کی

مُحسن نقوی

Terey Ekhlaass Say Mohabbat Ki Hai

Terey Ekhlaass Say Mohabbat Ki Hai

Terey Ehssaas Say Mohabbat Ki Hai

Tu Merey Pass Nahin Hai Phir Bhi

Teri Yaad Say Mohabbat Ki Hai

Kabhi Tu Nay Bhi Mujhay Yaad Kya Ho Ga

Main Nay Un Lamhaat Say Mohabbat Ki Hai

Jin Main Ho Sirf Teri Aur Meri Baatain

Main Nay Un Auqaat Say Mohabbat Ki Hai

Aur Jo Mahekay Ho Sirf Teri Hi Mohabbat Say

Main Nay Un Jazbaat Say Mohabaat Ki Hai

Tujh Say Milna Tu Ab Khuwaab Sa Lagta Hai ???

Mohsin Nay Terey Intezaar Say Mohabbat Ki Hai

بچھڑ کے تجھ سے یہ سوچوں کہ دل کہاں جائے

بچھڑ کے تجھ سے یہ سوچوں کہ دل کہاں جائے
سحر اداس کرئے، شام رائیگاں جائے

 

زمیں بدر جو ہوئے ہو تو میرے ہمسفرو
چلے چلو کہ جہاں تک یہ آسماں جائے

 

تمام شہر میں پھیلی ہوئی ہے تنہائی
یہ دل جواں سہی مگر کہاں کہاں جائے

 

جلوں تو یوں کہ ازل جگمگا اٹھے مجھ سے
بجھوں تو یوں کہ ابد تک دھواں جائے

 

ابھی تو دل سے نکل کر زبان تک آئی ہے
کسے خبر کہ کہاں کہاں تک یہ داستاں جائے

 

قدم قدم پہ ہے زنداں روش روش پہ صلیب
کوئی تو ہو کہ جو اب بہر امتحاں جائے

 

بچھڑ چلا ہے تو میری دعا بھی لیتا جا

وہاں وہاں مجھے پائے، جہاں جہاں جائے

 

میں اپنے گھر کی طرف جا رہا ہوں یوں محسن
کہ جیسے لٹ کے کسی بن میں کا رواں جائے !

منزلیں تیرے علاوہ بھی ہیں لیکن.

منزلیں تیرے علاوہ بھی ہیں لیکن.

 زندگی اور کسی راہ پر چلنا ہی نہیں چاہتی..

تم "دوسری" ہو

سنا ہے زمیں پر
وہی لوگ ملتے ہیں جن کو
کبھی آسمانوں کے اُس پار
روحوں کے میلے میں
اک دوسرے کی محبت ملی ہو
مگر تم
کہ میرے لیے نفرتوں کے اندھیروں میں
ہنستی ہوئی روشنی ہو
لہو میں رچی ہو
رگوں میں بسی ہو
ہمیشہ سکوتِ شبِ غم میں آواز ِ جاں بن کے
چاروں طرف گونجتی ہو
اگر آسمانوں کے اس پار
روحوں کے میلے میں بھی مل چکی ہو
تو پھر اس زمیں پر
مری چاہتوں کے کھلے موسموں سے گریزاں
مری دھوپ چھاوں سے کیوں اجنبی ہو
کتابوں میں لکھی ہوئی
اور کانوں سنی
ساری باتیں غلط ہیں
کہ تم "دوسری" ہو
محسن نقوی

اگر بچھڑنا ٹھہر گیا ہے

اگر بچھڑنا ٹھہر گیا ہے
اگر بچھڑنا ٹھہر گیا ہے
تو میرے خوابوں سمیت اپنی اداس آنکھیں
بھلا کے جاؤ
کہ جب بھی ملنا پڑے کسی سے
  کسی شناسا کہ اجنبی سے تو یوں نہ ہو
تم چھپا نہ پاؤ
تمام ماضی
تمام سچ کے لہو میں تر ناتمام وعدے
کہ اجنبی دوستوں سے ملتے ہوۓ
خود اپنی اداس آنکھوں میں
بولتے سچ کو دفن کرنا
بہت ہی مشکل ہے
اپنے ماضی
کے سچ پہ
"اظہار معذرت "
اور معذرت
اعتراف جرم و سزا سے بھی
کڑا عمل ہے
" جو تم سے شاید کبھی نہ ہو گا "
-
محسن نقوی

تمام شب یُونہی دیکھیں گی سُوئے در آنکھیں

تمام شب یُونہی دیکھیں گی سُوئے در آنکھیں
تجھے گنوا کے نہ سوئیں گی عمر بھر آنکھیں

 

طلوعِ صبح سے پہلے ہی بجھ نہ جائیں کہیں

 یہ دشتِ شب میں ستاروں کی ہمسفر آنکھیں

 

ستم یہ کم تو نہیں دلگرفتگی کے لیے !
میں شہر بھر میں اکیلا، اِدھر اُدھر آنکھیں

 

شمار اُسکی سخاوت کا کیا کریں کہ وہ شخص
چراغ بانٹتا پھرِتا ہے چھین کر آنکھیں

 

وہ پاس تھا تو زمانے کو دیکھتی ہی نہ تھیں
بچھڑ گیا تو ہُوئیں پھر سے در بدر آنکھیں

 

ابھی کہاں تجھے پہچاننے کی ضد کیجئے!
ابھی تو خود سے بھی ٹھہری ہیں بےخبر آنکھیں

 

میں اپنے اشک بچاؤں گا کس طرح محسن ؟
زمانہ سنگ بکف ہے تو شیشہ گر انکھیں

اب کے تو اسطرح سے یاد آیا

اب کے تو اسطرح سے یاد آیا
جس طرح دشت میں گھنے سائے

جیسے دھندلے سے آئینے کے نقوش
جیسے صدیوں کی بات یاد آئے

محسن نقوی

.

آنکھ میں بے کراں ملال کی شام

آنکھ میں بے کراں ملال کی شام

دیکھنا ، عـــشق کے زوال کی شام

 

 میری قسمت ہے تیرے ہجر کا دن

میری حسرت تیرے وصال کی شام

 

دہکی دہکی تیرے جمال کی صُبح

مہکی مہکی میرے خیال کی شام

 

روپ صدیوں کی دوپہر پہ محیط

اوڑھنی ہے کہ ماہ و سال کی شام

 

پھر وہی در وہی صدا "محسنؔ"

پھر وہی میں ــ وہی سوال کی شام

 

محسن نقوی