Suno jin se muhabbat ho Unhen azad kerty hain

ﺳﻨﻮ

 ﺟﻦ ﺳﮯ ﻣﺤﺒﺖ ﮨﻮ ﺍﻧﮩﯿﮟ ﺁﺯﺍﺩ ﮐﺮﺗﮯﮨﯿﮟ

ﻗﻔﺲ ﺳﮯ، ﺁﺭﺯﻭﺋﮯ ﻃﻠﺐ ﺳﮯ. ﺳﮯ ﻣﺤﺒﺖ ﮨﻮ

ﻭﮦ ﺟﮕﻨﻮ ﮨﻮﮞ،ﭘﺮﻧﺪﮮ ﮨﻮﮞ ﮐﮧ ﺍﻧﺴﺎﮞ ﮨﻮﮞ

ﺍﻧﮩﯿﮟ ﭘﮭﺮ ﻣﭩﮭﯿﻮﮞ ﺳﮯ ،ﺍﻭﺭ ﻗﻔﺲ ﺳﮯ

ﺁﺭﺯﻭﺋﮯ ﻃﻠﺐ ﺳﮯ ﺁﺯﺍﺩ ﮐﺮﺗﮯ ﮨﯿﮟ

ﺍﻧﮩﯿﮟ ﻗﯿﺪﯼ ﺑﻨﺎﺗﮯ ﮨﯿﮟ ﻧﮧ ﮨﯽ ﻣﻘﯿﺪ ﮐﺮﺗﮯﮨﯿﮟ

ﻣﺤﺒﺖ ﻧﺎﻡ ﮨﮯ ﻧﻔﺮﺕ ﮐﯽ ﺑﻨﺪﺵ ﺳﮯ ﺭﮨﺎﮨﻮﻧﺎ

ﻣﺤﺒﺖ ﻧﺎﻡ ﮨﮯ ﺩﻝ ﮐﮯ ﻗﻔﺲ ﺳﮯ ﺁﺭﺯﻭ ﺁﺯﺍﺩ ﮐﺮﺩﯾﻨﺎ

ﺗﻮ ﭘﮭﺮ ﺍﯾﺴﺎ ﮐﺮﻭ ﺗﻢ ﺑﮭﯽﭘﺮﻧﺪﻭﮞ ﮐﻮ ﺭﮨﺎ ﮐﺮﺩﻭ

ﺍﻭﺭ ﻣﭩﮭﯽ ﮐﮭﻮﻝ ﮐﺮﻧﻨﮭﮯ ﺳﮯ ﺟﮕﻨﻮﮐﻮﺍﮌﺍﮈﺍﻟﻮ

ﺭﮨﺎ ﺍﻧﺴﺎﻥﻭﮦ ﺑﮯﭼﺎﺭﮦ

ﺭﮨﺎ ﮨﻮﮐﺮ ﺑﮭﯽ ﻗﯿﺪﯼ ﮨﮯ

ﮐﺮﺏ ﮐﺎ،ﺭﻧﺞ ﻭ ﺍﻟﻢ ﮐﺎ، ﺭﻭﺯﮔﺎﺭ ﺯﻧﺪﮔﯽﮐﺎ،ﺍﻭﺭﺟﺒﺮ ﮐﺎ،

ﻭﮦ ﺻﺪﯾﻮﮞ ﺳﮯ ﮐﺌﯽ ﺟﯿﻠﻮﮞ ،

ﮐﺌﯽﻗﻔﺴﻮﮞ ﮐﺎ ﻗﯿﺪﯼ ﮨﮯ

ﺗﻤﮩﺎﺭﯼ ﻗﯿﺪ ﺳﮯ ﺁﺯﺍﺩ ﮨﺮ ﮐﺮ ﺑﮭﯽ ﮐﮩﺎﮞﺟﺎﺋﮯ؟

ﻣﮕﺮ ﯾﮧ ﮨﮯ ﮐﮧ ﺍﮎ ﮐﮭﮍﮐﯽ ﮨﯽ ﺳﮩﯽ

ﮐﮭﻞ ﺗﻮ ﺟﺎﺋﮯ ﮔﯽ

ﭼﻠﻮ ﺗﮭﻮﮌﯼ ﺳﮩﯽ

ﺗﺎﺯﮦ ﮨﻮﺍ ﻣﻞ ﺗﻮ ﺟﺎﺋﮯ ﮔﯽ

ﺳﻨﻮ ﺟﻦ ﺳﮯ ﻣﺤﺒﺖ ﮨﻮ ﺍﻧﮩﯿﮟ ﺁﺯﺍﺩ ﮐﺮﺗﮯﮨﯿﮟ

ﻗﻔﺲ ﺳﮯ، ﺁﺭﺯﻭﺋﮯ ﻃﻠﺐ ﺳﮯ.

 

Khul gaey hain bhar k rasty

کُھل گئے ہیں بہار کے رستے

ایک دِلکش دیار کے رستے

ہم بھی پہنچے کسی حقیقت تک

اِک مُسلسل خُمار کے رستے

منزلِ عِشق کی حدوں پر ہیں

دائمی اِنتظار کے رستے

اُس کے ہونے سے یہ سفر بھی ہے

سارے رستے ہیں یار کے رستے

جانے کِس شہر کو مُنؔیر گئے

اپنی بستی کے پار کے رستے

مُنؔیر نیازی

پوچھا صدف تو آنکھ جھکا کر دکھا دیا​

 

پوچھا صدف تو آنکھ جھکا کر دکھا دیا​

پوچھا گوہر تو اشک بہا کر دکھا دیا​

​

پوچھا کہ اتنے پھول بہاروں میں کس طرح​

اس نے عدیم خود کو ہنسا کر دکھا دیا​

​

پوچھا کہ شب کو چاند نکلتا ہے کس طرح​

رخ سے نقاب اس نے ہٹا کر دکھا دیا​

​

پوچھا کہ آفتاب کو چھاؤں کبھی ملی​

بالوں کو اس نے رخ پہ گرا کر دکھا دیا​

​

پوچھا کہاں سے آئی دھنک آسمان پر​

آنچل ہوا میں اس اڑا کر دکھا دیا​

​

پوچھا کے حوض شب میں کیا غسل نور بھی​

تب اس نے چاندنی میں نہا کر دکھا دیا​

​

پوچھا کہ مجھ کو وعدہ شکن کہہ دیا ہے کیوں​

اس نے عدیم خط میرا لا کر دکھا دیا

 

 عدیم ہاشمی​

مجھے تم یاد آتے ہو۔۔۔۔

مجھے تم یاد آتے ہو۔۔۔۔
بہت زیادہ نہیں لیکن۔۔۔۔۔۔
خوشی میں اور غم میں
بارشوں میں بھیگتے اور سردیوں کی دھوپ میں بیٹھے
پرانی ڈائری کے حاشیوں میں ،
تمہارے کھلکھلاہٹ سے بھرے
جملوں کو پڑھ کر مسکراتے
اور تمہارے کارڈز کو
ہر بار اک نئی ترتیب سے رکھتے
جنم دن پر
ہر اک تہوار پر
سچ میں ۔۔۔
مجھے تم یاد آتے ہو
بہت زیادہ نہیں لیکن
مری ہر سوچ میں دھڑکن میں
سانسوں کے تسلسل میں
مجھے بھولے ہوئے ساتھی
مجھے تم یاد آتے ہو۔۔۔۔۔۔

عاطف سعید

کوئی حد نہیں ہے کمال کی

کوئی حد نہیں ہے کمال کی
کوئی حد نہیں ہے جمال کی

 

وہی قرب و دور کی منزلیں
وہی شام خواب و خیال کی

 

نہ مجھے ہی اس کا پتہ کوئی
نہ اسے خبر مِرے حال کی

 

یہ جواب میری صدا کا ہے
کہ صدا ہے اس کے سوال کی

 

یہ نمازِ عصر کا وقت ہے
یہ گھڑی ہے دن کے زوال کی

 

وہ قیامتیں جو گزر گئیں
تھیں امانتیں کئی سال کی

 

ہے منیر تیری نگاہ میں
کوئی بات گہرے ملال کی

۔۔۔۔۔۔۔۔
منیر نیازی

میں تجھے محسوس کرنا چاہتی ہوں

مجھ کو اپنے آپ سے بچھڑے ہوئے

کتنے زمانے ہوگئے ہیں

سُرمئی شاموں کے پہرے میں

طلب کی ریت پر تنہائی ننگے پیر چلتی ہے

تو میرا دل وصالِ معنی سے بچھڑے ہوئے

اک حرفِ تنہا کی طرح بجھ جاتا ہے

میری سحر سے رات

جب سرگوشیاں کرتی ہے

تو کوئی بھی اک لبریز لمحہ جسم سے باہر نہیں آتا

نہ ہونٹوں پر کوئی بوسہ

مرے احوال کی تمہید باندھتا ہے

یہی ہوتا ہے میری آرزو کے سب سِرے

حسرت کی تاروں میں اُلجھ کر

میرے اندر سانس تو لیتے ہیں

لیکن تیرے دل سے میرے دل تک

فاصلوں کی وہ جو

اک دیوار حائل ہے

وہ جوں کی توں ہمارے درمیاں

موجود رہتی ہے

وہ تنہائی وہ برسوں کی خموشی

(جوگماں کی دھند میں لپٹی ہوئی ہے)

میرا سایہ بن کے میرے ساتھ رہتی ہے

دلِ خاموش اس سب سلسلے سے تھک گیا ہے

اس سے پہلے لاتعلق اور لمبی تلخیوں کی

یہ کہانی زرد پڑ جائے

یہ چُپ دیمک کی مانند

زندگی کو چاٹ جائے

میں یقیں کےساتھ

تجھ کو اور تیری روح کو

محسوس کرنا چاہتی ہوں

رات دن خوشبو کی مانند

تیری چاہت اور سنگت میں مہکنا چاہتی ہوں۔۔۔

عشق کرو تو یہ بھی سوچو عرض سوال سے پہلے

عشق کرو تو یہ بھی سوچو عرض سوال سے پہلے

ہجر کی پُوری رات آتی ہے صبحِ وصال سے پہلے

دِل کا کیا ہے دِل نے کتنے منظر دیکھے لیکن

آنکھیں پاگل ہو جاتی ہیں ایک خیال سے پہلے

کس نے ریت اُڑائی شب میں آنکھوں کھول کے رکھیں

کوئی مثال تو ہو ناں اس کی مثال سے پہلے

کارِ محبت ایک سفر ہے اِس میں آ جاتا ہے

ایک زوال آثار سا رستہ بابِ کمال سے پہلے

عشق میں ریشم جیسے وعدوں اور خوابوں کا رستہ

جتنا ممکن ہو طے کر لیں گر دِ ملال سے پہلے

جسے خود سے ہی نہیں فرصتیں،جسے دھیان اپنے جمال کا

جسے خود سے ہی نہیں فرصتیں،جسے دھیان اپنے جمال کا

اسے کیا خبر مرے شوق کی،اسے کیا پتا مرے حال کا

مرے کوچہ گرد نے لوٹ کر مرے دل پہ اشک گرا دیا

اسے ایک پل نے مٹا دیا جو حساب تھا مہ و سال کا

تجھے شوق دید غروب ہے،مری آنکھ دیکھ بھری ہوئی

کہیں تیرے ہجر کی تیرگی کہیں رنگ میرے ملال کا

شب انتظار وہ مہ لقا،جونہی میرے سامنے آگیا

مجھے کوئی ہوش نہیں رہا،نہ جواب کا نہ سوال کا

کبھی حال ہجر کہا نہیں،وہ ملا تو لفظ ملا نہیں

کہیں گفتگو ہی میں کھو گیا،جو معاملہ تھا وصال کا

جسے وقت جان غزل کہے،جو چلے تو شام کھڑی رہے

وہی میرے لفظ کا رنگ ہے،وہی روپ میرے خیال کا

شہزاد نیر

تم سپنوں کی تعبیر پِیا

مرے پیروں میں زنجیر پِیا

اب نین بہاویں نیر پِیا
اے شاہ مرے اک بار تو آ
تو وارث، میں جاگیر پِیا
تم سپنوں کی تعبیر پِیا

بے نام ہوئی، گم نام ہوئی
کیوں چاہت کا انجام ہوئی
مرا مان رہے، مجھے نام ملے
اک بار کرو تحریر پِیا
تم سپنوں کی تعبیر پِیا

کب زلف کے گنجل سلجھیں گے
کب نیناں تم سے الجھیں گے
کب تم ساون میں آؤ گے
کب بدلے گی تقدیر پِیا
تم سپنوں کی تعبیر پِیا

سب تیر جگر کے پار گئے
مجھے سیدے کھیڑے مار گئے
آ رانجھے آ کر تھام مجھے
تری گھائل ہو گئی ہیر پِیا
تم سپنوں کی تعبیر پِیا

میں جل جل ہجر میں راکھ ہوئی
میں کندن ہو کر خاک ہوئی
اب درشن دو، آزاد کرو
اب معاف کرو تقصیر پِیا
تم سپنوں کی تعبیر پیا

کب زین اداسی بولے گی
کب بھید تمہارا کھولے گی
کب دیپ بجھیں ان آنکھوں کے
تم مت کرنا تاخیر پِیا
تم سپنوں کی تعبیر پِیا
-
زین شکیل
کتاب: سن سانسوں کے سلطان پیا

 

ﻣﺮﮮ ﺍﺟﻨﺒﯽ ﻣﺮﮮ ﺍﺷﻨﺎ

ﯾﮧ ﻣﺮﺍ ﺳﻔﺮ
ﻧﮩﯿﮟ ﻣﺨﺘﺼﺮ
ﻣﺮﮮ ﺍﺟﻨﺒﯽ ﻣﺮﮮ ﺍﺷﻨﺎ
ﻣﺮﮮ ﺑﮯ ﺧﺒﺮ
ﯾﮩﺎﮞ ﮬﺮ ﻗﺪﻡ ﭘﮧ ﮬﯿﮟﻭﺣﺸﺘﯿﮟ
ﯾﮩﺎﮞ ﺳﺎﻧﺲ ﺳﺎﻧﺲ ﻣﯿﮟ ﺧﺎﺭ ﮬﯿﮟ
ﺗﯿﺮﯼ ﺳﺮﺩ ﻣﮩﺮﯼ ﻭ ﺑﮯ ﺭﺧﯽ ﮐﮯ
ﮬﺰﺍﺭﻭﮞ ﺗﯿﺮ ﺯﮨﺮ ﺑﺠﮭﮯ
ﺟﻮ ﺟﮕﺮ ﺳﮯ ﺭﻭﺡ ﮐﮯ ﭘﺎﺭ ﮬﯿﮟ
ﻣﺮﺍ ﺑﺲ ﻧﮩﯿﮟ ﮐﮯ ﭘﻠﭧ ﺳﮑﻮﮞ
ﮐﺴﯽ ﻣﻮﮌ ﭘﺮ
ﮐﭽﮫ ﭘﻞ! ﮐﻮ ﺭﮎ ﮐﮯ ﮬﯽ ﺳﻮﭺ ﻟﻮﮞ
ﺗﺠﮭﮯ ﺟﺰﺏ ﺩﻝ ﺳﮯ ﭘﮑﺎﺭ ﻟﻮﮞ
ﺗﺠﮭﮯ ﺩﻭﺭ ﺟﺎﻧﮯ ﺳﮯ ﺭﻭﮎ ﻟﻮﮞ
ﺗﺠﮭﮯ ﺍﭘﻨﮯ ﺩﻝ ﮐﮯ ﺗﻤﺎﻡ ﺭﻧﮓ
ﺣﺴﯿﻦ ﺟﺬﺑﮯﺧﻠﻮﺹ ﭘﻞ
ﺟﻮ ﺍﻣﺎﻧﺘﺎﻣﺮﮮ ﭘﺎﺱ ﮬﯿﮟ
ﺳﺐﺍﯾﮏ ﺑﺎﺭ ﮬﯽ ﺳﻮﻧﭗ ﺩﻭﮞ
ﭘﺮ ﮐﯿﺎ ﮐﺮﻭﮞ
ﺗﺮﯼ ﺫﺍﺕ ﺳﮯ ﻣﺮﯼ ﺫﺍﺕ ﺗﮏ
ﯾﮧ ﻣﺮﺍ ﺳﻔﺮﻧﮩﯿﮟ ﻣﺨﺘﺼﺮ

Ghar se nikle toh ho socha bhi kidhar jaaoge,

 

Ghar se nikle toh ho socha bhi kidhar jaaoge,

har taraf tez hawaayen hain bikhar jaaoge.

Itna aasaan nahin lafzon pe bharosa karna,

ghar ki dehleez pukaaregi jidhar jaaoge.

Shaam hote hi simat jaayenge saare raste,

behte dariya se jahan hoge thehar jaaoge.

Har naye shehar mein kuchh raaten kadi hoti hain,

chhat se deewaren juda hongi toh dar jaaoge.

Pehle har cheez nazar aayegi bemaani si,

aur phir apni hi nazar se utar jaaoge. !!

تم "دوسری" ہو

سنا ہے زمیں پر
وہی لوگ ملتے ہیں جن کو
کبھی آسمانوں کے اُس پار
روحوں کے میلے میں
اک دوسرے کی محبت ملی ہو
مگر تم
کہ میرے لیے نفرتوں کے اندھیروں میں
ہنستی ہوئی روشنی ہو
لہو میں رچی ہو
رگوں میں بسی ہو
ہمیشہ سکوتِ شبِ غم میں آواز ِ جاں بن کے
چاروں طرف گونجتی ہو
اگر آسمانوں کے اس پار
روحوں کے میلے میں بھی مل چکی ہو
تو پھر اس زمیں پر
مری چاہتوں کے کھلے موسموں سے گریزاں
مری دھوپ چھاوں سے کیوں اجنبی ہو
کتابوں میں لکھی ہوئی
اور کانوں سنی
ساری باتیں غلط ہیں
کہ تم "دوسری" ہو
محسن نقوی

اگر کبھی میری یاد آئے

اگر کبھی میری یاد آئے
تو چاند راتوں کی نرم دلگیر روشنی میں
کسی ستارے کو دیکھ لینا
اگر وہ نخل فلک سے اڑ کر تمہارے قدموں میں آ گرے تو
یہ جان لینا وہ استعارہ تھا میرے دل کا
اگر نہ آئے------
مگر یہ ممکن ھی کس طرح ھے تم کسی پر نگاہ ڈالو
تو اس کی دیوار جاں نہ ٹوٹے
وہ اپنی ھستی نہ بھول جائے
اگر کبھی میری یاد آئے
گریز کرتی ھوا کی لہروں پہ ھاتھ رکھنا
میں خوشبوؤں میں تمہیں ملوں گا
مجھے گلابوں کی پتیوں میں تلاش کرنا
میں اوس قطروں کے آئینوں میں تمہیں ملوں گا
اگر ستاروں میں اوس قطروں میں خوشبوؤں میں
نہ پاؤ مجھ کو
تو اپنے قدموں میں دیکھ لینا
میں گرد ھوتی مسافتوں میں تمہیں ملوں گا
کہیں پہ روشن چراغ دیکھو تو سوچ لینا
کہ ھر پتنگے کے ساتھ میں بھی بکھر چکا ھوں
تم اپنے ھاتھوں سے ان پتنگوں کی خاک دریا میں ڈال دینا
میں خاک بن کر سمندروں میں سفر کروں گا
کسی نہ دیکھے ھوئے جزیرے پہ رک کے تم کو
صدائیں دوں گا
سمندروں کے سفر پہ نکلو تو
اس جزیرے پہ بھی اترنا................ !

امجد اسلام امجد

کوئی کفر کفارہ کرو نی اڑیوں،

کوئی کفر کفارہ کرو نی اڑیوں،
میری جان کفر دی کملی ہوئی،
میرا رانجھن لگا جوگ سرہانے،
میری اکھی رو رو انی ہوئی،

میرا کعبہ مندر مندر ہویا،
میں تے حج وی یار دی راہ ڈبوئی
میرا ورد طواف وی ہور ہی ہویا،
میری روح وی کوکدی عشقاں کوئی،

میرے ورد الٹ، میرے وکھ وظیفے،
میں عشق سباق دی اجڑی ہوئی،
میرے ہور دھمال میرا لوک تماشا،
میری جان جے نچ نچ جھلی ہوئی،

میرا رانجھن رٹھیا میرے اونوں سجدے،
مینوں رب دی خیر خبر نا کوئی،
میرا ہور قران میری نوی نماز،
میرا یار سوا ہن پیر نہ کوئی،

منوں فیر نہ آکھیوں کافر مشرک،
میرے دل دماغ تے قبضہ کوئی،
مینوں رب وی جیڑا آن مناوے،
میں یار بنا نہ راضی ہوئی،

غالب کمال

کلّیوں کا تبسّم ہو، کہ تم ہو، کہ صَبا ہو

کلّیوں کا تبسّم ہو، کہ تم ہو، کہ صَبا ہو

اِس رات کے سنّاٹے میں، کوئی تو صدا ہو

 

یُوں جسم مہکتا ہے ہَوائے گُلِ تر سے !

جیسے کوئی پہلوُ سے ابھی اُٹھ کے گیا ہو

 

دُنیا ہَمہ تن گوش ہے، آہستہ سے بولو

کچھ اور قریب آؤ ، کوئی سُن نہ رہا ہو

 

یہ رنگ، یہ اندازِ نوازش تو وہی ہے

شاید کہ کہیں پہلے بھی توُ مجھ سے مِلا ہو

 

یوں رات کو ہوتا ہے گُماں دِل کی صدا پر

جیسے کوئی دِیوار سے سر پھوڑ رہا ہو

 

دُنیا کو خبر کیا ہے مِرے ذوقِ نظر کی

تم میرے لیے رنگ ہو، خوشبو ہو، ضیا ہو

 

یُوں تیری نِگاہوں میں اثر ڈُھونڈ رہا ہُوں

جیسے کہ تجھے دِل کے دَھڑکنے کا پتا ہو

 

اِس درجہ محبّت میں تغافل نہیں اچھّا

ہم بھی جو کبھی تم سے گُریزاں ہوں تو کیا ہو

 

ہم خاک کے ذرّوں میں ہیں اختر بھی، گُہر بھی

تم بامِ فلک سے، کبھی اُترو تو پتا ہو

 

اختر ہوشیارپوری

سُن سانسوں کے سلطان پیا

مری تھم تھم جاوے سانس پیا

مری آنکھ کو ساون راس پیا

 

تجھے سن سن دل میں ہوک اٹھے

ترا لہجہ بہت اداس پیا

ترے پیر کی خاک بنا ڈالوں

مرے تن پر جتنا ماس پیا

تُو ظاہر بھی، تُو باطن بھی

ترا ہر جانب احساس پیا

تری نگری کتنی دور سجن

مری جندڑی بہت اداس پیا

میں چاکر تیری ازلوں سے

تُو افضل، خاص الخاص پیا

مجھے سارے درد قبول سجن

مجھے تیری ہستی راس پیا

زین شکیل

مجھ میں وہ تابِ ضبطِ شکایت کہاں ہے اب

مجھ میں وہ تابِ ضبطِ شکایت کہاں ہے اب

چھیڑو نہ تم کہ میرے بھی منہ میں زباں ہے اب

وہ دن گئے کہ حوصلۂ ضبطِ راز تھا

چہرے سے اپنے شورشِ پنہاں عیاں ہے اب

جس دل کو قیدِ ہستئ دنیا سے ننگ تھا

وہ دل اسیرِ حلقۂ زلفِ بتاں ہے اب

آنے لگا جب اُس کی تمنا میں کچھ مزا

کہتے ہیں لوگ جان کا اس میں زیاں ہے اب

لغزش نہ ہو بلا ہے حسینوں کا التفات

اے دل سنبھل وہ دشمنِ دیں مہرباں ہے اب

اک جرعۂ شراب نے سب کچھ بھلا دیا

ہم ہیں اور آستانۂ پیرِ مغاں ہے اب

ہے وقتِ نزع اور وہ آیا نہیں ہنوز

ہاں جذبِ دل مدد کہ دمِ امتحاں ہے اب

ہے دل غمِ جہاں سے سبکدوش ان دنوں

سر پڑتا سوجھتا کوئی بارِ گراں ہے اب

حالی تم اور ملازمتِ پیرِ مے فروش

وہ علمِ دیں کدھر ہے وہ تقویٰ کہاں ہے اب

(خواجہ الطاف حسین حالی)

راحتِ دل متاعِ جاں ہے تو

راحتِ دل متاعِ جاں ہے تو
اے غمِ دوست جاوداں ہے تو

آنسوؤں پر بھی تیرا سایہ ہے
دھوپ کے سر پر سائباں ہے تو

دل تری دسترس میں کیوں نہ رہے
اس زمیں پر تو آسماں ہے تو
شامِ شہر اداس کے والی
اے مرے مہرباں کہاں ہے تو
سایۂ ابرِ رائیگاں ہوں میں
موجِ بحرِ بیکراں ہے تو
میں تہہِ دست و گرد پیرہن
لال و الماس کی دکاں ہے تو
لمحہ بھر مل کے روٹھنے والے
زندگی بھر کی داستاں ہے تو
کفر و ایماں کے فاصلوں کی قسم
اے متاعِ یقین گماں ہے تو
تیرا اقرار ہے نفی میری
میرے اثبات کا جہاں ہے تو
جو مقدر سنوار دیتے ہیں
ان ستاروں کی کہکشاں ہے تو
بے نشاں بے نشاں خیام میرے
کارواں کارواں رواں ہے تو
جلتے رہنا چراغ آخرِ شب
اپنے محسن کا رازداں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محسن نقوی