کوئی کفر کفارہ کرو نی اڑیوں،
میری جان کفر دی کملی ہوئی،
میرا رانجھن لگا جوگ سرہانے،
میری اکھی رو رو انی ہوئی،
میرا کعبہ مندر مندر ہویا،
میں تے حج وی یار دی راہ ڈبوئی
میرا ورد طواف وی ہور ہی ہویا،
میری روح وی کوکدی عشقاں کوئی،
میرے ورد الٹ، میرے وکھ وظیفے،
میں عشق سباق دی اجڑی ہوئی،
میرے ہور دھمال میرا لوک تماشا،
میری جان جے نچ نچ جھلی ہوئی،
میرا رانجھن رٹھیا میرے اونوں سجدے،
مینوں رب دی خیر خبر نا کوئی،
میرا ہور قران میری نوی نماز،
میرا یار سوا ہن پیر نہ کوئی،
منوں فیر نہ آکھیوں کافر مشرک،
میرے دل دماغ تے قبضہ کوئی،
مینوں رب وی جیڑا آن مناوے،
میں یار بنا نہ راضی ہوئی،
غالب کمال
No comments:
Post a Comment