یہ سلسلہ ھی محبت کا ایک سراب لگے

میرے بدن پہ تیرے وصل کے گلاب لگے

یہ میری آنکھوں میں ، کس رُت میں , کیسے خواب لگے ؟

 

تمہارے ملنے کا مل کر بھی کب یقیں آیا

یہ سلسلہ ھی محبت کا ایک سراب لگے

 

نہ پُورا سوچ سکوں ، چھو سکوں ، نہ پڑھ پاؤں

کبھی وہ چاند ، کبھی گُل ، کبھی کتاب لگے

 

نہیں ملا تھا تو برسوں گزر گئے یوں ھی

پر اب تو اس کے بنا ھر گھڑی ، عذاب لگے

 

ھمیں تو اچھا ھی لگتا رھے گا وہ ، حیدر

بلا سے ھم اُسے اچھے لگے ، خراب لگے