Mere charagar Ghazal by Rushna Akhter

میرے چارہ گر

 

دردِ دل کی اب خبر لو میرے چارہ گر

 

حال پر میرے نظر ہو میرے چارہ گر

 

​زخم کی گہرائیوں کو تم ہی سمجھو گے یہاں

 

درد سے اب چشم تر ہو میرے چارہ گر

 

​راستے کٹتے نہیں ہیں اب اکیلے ذوق میں

 

ساتھ تمہارا ہم سفر ہو میرے چارہ گر

 

​مصلحت کی دھوپ نے جھلسا دیا ہے روح کو

 

ابر کا کوئی اثر ہو میرے چارہ گر

 

​خاک ہو جائیں نہ ہم اس ہجر کی دہلیز پر

 

زندگی کی اب سحر ہو میرے چارہ گر

 

رشنا اختر

**************

Kabhi zahir kabhi badal mein chupa hai Ghazal by Rushna Akhter

کبھی ظاہر، کبھی بادل میں چھپا ہے دیکھنا

 

چاند پھر تاروں کے جھرمٹ میں ہنسا ہے دیکھنا

 

​ریت کے ٹیلوں پہ جیسے نور کی چادر گری

 

رات کا آنچل فضا میں کھل گیا ہے دیکھنا

 

​پھر سبک بادل کے ٹکڑے دوڑتے ہیں چاند پر

 

اک حسیں پردہ ہوا نے تان دیا ہے دیکھنا

 

​روٹھ کر بادل سے وہ نکلا ہے باہر اس طرح

 

جس طرح کوئی اچانک مسکرایا ہے دیکھنا

 

​کھیل یہ آنکھ مچولی کا چلے گا رات بھر

 

آسماں پہ عکسِ الفت ڈھل رہا ہے دیکھنا

 

​روشنی کی لہر ٹھہری ہے فضا کے ہاتھ پر

 

چاندنی کا جادو ہر سو بکھرا ہے دیکھنا

****************

Poetry by Tasleem Shahzadi Naz

شاعرہ:  تسلیم شہزادی نازؔ

 

تیری وفاٶں کے طلبگار نہ رہے اب ہم نازؔ

کہ بےوفاٶں میں رہ کر ہم وفا سے بےزار ہو گٸے

٭٭٭٭٭٭٭٭٭٭

شاعرہ:  تسلیم شہزادی نازؔ

 

تیری وفاٶں کے بہت طلبگار ہیں ہم

مان لو کہ تیری چاہت کے حقدار ہیں ہم

ہم سے دور جانے کی بات کبھی نہ کرنا نازؔ

تم کیا جانو کہ تیری قربت کے کتنے حُبدار ہیں ہم

٭٭٭٭٭٭٭٭٭

شاعرہ:  تسلیم شہزادی نازؔ

 

اُن سے پہلی نظر کا ٹکراٶ کچھ یوں ہوا نازؔ

کہ ہم دیکھتے رہ گٸے ہاتھ سے جانا دل کا

٭٭٭٭٭٭٭٭٭٭٭٭٭

شاعرہ:  تسلیم شہزادی نازؔ

 

اُن کے چہرے پر پڑنے والی پہلی نگاہ کا حال نہ پوچھ اے نازؔ

ہم دل سے گٸے، دل ہم سے گیا اور دل یہ دھڑکنا بھول گیا

٭٭٭٭٭٭

کبھی ظاہر، کبھی بادل میں چھپا ہے دیکھنا

چاند پھر تاروں کے جھرمٹ میں ہنسا ہے دیکھنا

​ریت کے ٹیلوں پہ جیسے نور کی چادر گری

رات کا آنچل فضا میں کھل گیا ہے دیکھنا

​پھر سبک بادل کے ٹکڑے دوڑتے ہیں چاند پر

اک حسیں پردہ ہوا نے تان دیا ہے دیکھنا

​روٹھ کر بادل سے وہ نکلا ہے باہر اس طرح

جس طرح کوئی اچانک مسکرایا ہے دیکھنا

​کھیل یہ آنکھ مچولی کا چلے گا رات بھر

آسماں پہ عکسِ الفت ڈھل رہا ہے دیکھنا

​روشنی کی لہر ٹھہری ہے فضا کے ہاتھ پر

چاندنی کا جادو ہر سو بکھرا ہے دیکھنا

***************

Ao sunaun tum ko ek kahani Poetry by Hafiza Shabana Nawaz

آؤ سناؤں تم کو بادل کی اک کہانی

گرجا نہیں مگر ،برسا ہے خوب پانی

 

آنگن میں آؤ دیکھو رم جھم برس رہی ہے

مٹی کی خاص خوشبو ہر سو مہک رہی ہے

 

 

ننھی ننھی کلیاں سر سبز ہو رہی ہیں

گرد وغبار ان سے ہر بار دھل رہی ہیں

 

آتی ہے اتنی پیاری آواز اس کی مجھ تک

لگتا ہے جیسے قدرت مجھ کو پکارتی ہے

 

میں جب بھی اپنا تن من موڑوں اسی کی جانب

لگتا ہے ساری بارش مجھ پر برس رہی ہے

 

Hafiza Shabana Nawaz

٭٭٭٭٭٭٭٭٭٭٭٭

Ghazal by Afaq Khan

کچھ ارمانوں کا خون ہوا تھا ،کچھ ہم بھی کمزور تھے

کچھ تیری جدائی رسم دنیا تھی ،کچھ اپنوں کے بھی زور تھے

کچھ ،ع،کا مزہ اپنا تھا ،کچھ،ش،کے عجب موڑ تھے

کچھ ،ق،مگن تھی دنیا میں ، کچھ ،عشق، کے اپنے طور تھے

کچھ چھاؤں کا سایہ گرم تھا، کچھ انگاروں کے بھی دور تھے

کچھ برسات کا موسم غم میں تھا ،کچھ اداس ہمارے مور تھے

کچھ رات کی تاریکی اپنی تھی ،کچھ دن کے اُجالے اور تھے

کچھ عجب چپ تھی زندگی بھی ،کچھ موت کے الگ شور تھے

کچھ اسے دیکھنے کی خواہش باقی تھی ،کچھ ملنے کے بہانے روز تھے

کچھ آ فاق کی ڈوری بندھی تھی ،کچھ دھاگوں کے عجب جوڑ تھے

 

نام، آ فاق خان

Naat by Rushna Akhter

نعت شریف

مدحتِ خیر الورٰی وردِ زباں رہنے دیا

 

دل کو مَیں نے شہرِ طیبہ کا مکاں رہنے دیا

 

اُن کے روضے کی سنہری جالیوں کے سامنے

 

حسرتوں کو مَیں نے محوِ بیاں رہنے دیا

 

اُن کی چوکھٹ کے سوا اب اور جائے گی کہاں

 

خود کو مَیں نے بے زمیں و آسماں رہنے دیا

 

ذکرِ شاہِ دو جہاں سے بزم روشن ہو گئی

 

مَیں نے ہر سُو رحمتوں کا اک سماں رہنے دیا

 

یا نبی! رکھیے بھرم محشر میں اِس ناچیز کا

 

عشق کو مَیں نے متاعِ دو جہاں رہنے دیا

 

از قلم :  رشنا اختر

٭٭٭٭٭٭٭٭