Baad Muddat Usey Dekha, Logo

Baad Muddat Usey Dekha, Logo

Wo Zara Bhi Nahi Badla, Logo

Khush Na Tha Mujh Se Bichar Kar Wo Bhi

Us Ke Chehre Par Likha Tha, Logo

Us Ki Aankhen Bhi Kahe Deti Theen

Raat Bhar Wo Bhi Na Soya, Logo

Ajnabi Ban Ke Jo Guzra Hai Abhi

Tha Kisi Waqt Mai Apna, Logo

Dost To Khair Koi Kis Ka Hai

Us Ne Dushman Bhi Na Samjha Logo

Raat Wo Dard Mere Dil Mai Uthaa

Subha Tak Chain Na Aaya, Logo

Pyaas Sehraaon Ki Phir Taiz Hui

Abr Phir Toot Ke Barsa, Logo


(Parveen Shakir)