محبّت ایک عجب اُلجھا اُلجھا تجربہ ھے

محبّت ایک عجب اُلجھا اُلجھا تجربہ ھے

کبھی یہ زُعم ـــــــ وہ میرا ھے، صرف میرا ھے

کبھی یہ سوچ، وہ اوروں سے سرگراں تو نہیں

کِسی کے پاس، کِسی بزم میں، کہیں نہ کہیں

مِرے خیال سے بیگانہ، اپنے آپ میں مست

وہ اِک مجسمہء حُسن بن کے بیٹھا ھے

وہ میرے ایسے ھزاروں سے رُوشناس بھی ھے

مگر، نہ جانے، جُنوں کا یہ کیسا مرحلہ ھے

کہ اِس فریبِ تخیّل میں مُبتلا ھُوں میں

وہ مُجھ سے دُور بھی ھے، اور میرے پاس بھی ھے

وہ مُجھ کو بُھول کے، میرے لیے اُداس بھی ھے

غرض یہ وھم و یقیں کا عجیب سلسلہ ھے