Dard itna hai k har rag mein hai mahshar barpa

Khwab ki tarah bikhar jane ko ji chahta hai

aisi tanhai k mar jane ko ji chahta hai

ghar ki wehshat se larzta hun magar jane kyon

sham hoti hai to ghar jane ko ji chahta hai

dub jaun to koi mauj nishan tak na bataye

aisi nadi mein utar jane ko ji chahta hai

kabhi mil jaye to raste ki thakan jag pare

aisi manzil se guzar jane ko ji chahta hai

wahi paiman jo kabhi ji ko khush aya tha bahut

usi paiman se mukar jane ko ji chahta hai

zabt ka ahad bhi hai shauq ka paiman bhi hai

ahad-o-paimaan se guzar janay ko ji chahta hai

dard itna hai k har rag mein hai mahshar barpa

aur sukuun aisa k mar jaane ko ji chahta hai