Main Ik Shayer Se Muhabbat Karti Hoon

"Main Ik Shayer Se Muhabbat Karti Hoon"

Uss k Yeh Alfaz Mujh Par Kisi Bomb Ki Tarah Giray

Aur Main Hairaan o Preshan Sirf Itna Hi Keh Saka....Magar? ?

Vo Meri Bokhlayii Hoyi Shakal Dekh Kar Khilkha Kar Hans Di

Aur Kehnay Lagi

Magar Kya....???

Yehi Na k Main To Tum Se Muhabbat Karti Hoon

So Vo To Paglay Main Karti Hoon,Aur Hamesha Karti Rahon Gi

Main Sach Much Ab b UsKi Baat Ka Matlub Nahi Samjh Saka Tha

Aur Mery Chehray Par Aatay Jatay Rang Dekh Kar

Vo Mehfooz Ho Rahi Thi

Phir Khamoshi Ka Qufl Kholtay Hoye Vo Boli

Main Chahti Hoon

Jisay Main Chahtii Hon,Vo Ik Shayer Ho

Mery Dil Mein Yeh Ajab Si 

Shadeed Se Shadeed Tar Hoti Ik Khuwahish Hay

Jo Tum Se Aaj Keh Di

Main Kuch Dair khamosh Raha 

Aur Phir Qehqaha Laga Kar Hans Diya

Yeh Soch Kar k Main Kya Samjh Raha Tha Aur Nikla Kya

Ab Hairan Honay Ki Bari Uss Ki Thi

Boli.."Tum Hasay Kiun"?

Main Ne Baat Taltay Hoye Kaha...Aisy Hi,

Aaj Tum Bohat Pyarii Lag Rahi Ho

Vo Khoyii Hoyi Nazroon Se Mujhay Dekhtay Hoye Boli

Yeh To Tum Roz Hi Kehtay Ho

Aur Kuch Samjh Na Aya To Main b Khamosh Ho Gaya

Aur Phir Yeh Khamoshi Phailti Hi Gayi

Aur Phir Yehi Khamoshi Meri Zindagi Mein Toofan Layi

Jab Uss Ne Mujh Se Kaha

Suno Jaan! Tum Shayer Ban Jao"

Aur Main Usay Sirf Takta Hi Reh Gaya

Phir Hairangi Se Bola

Main Kaisy Shayer Ban Sakta Hoon,Pagal Ho Gayi Ho Kya?

"Kiun....Kiun Nahi Ban Saktay"

Itna Acha To Boltay Ho

Bas Thori Si Koshish Karo To Achi Khasi Shayiri b Karnay Lago

Hayeee Kitna Maza Aye Ga Jab Main Sab Se Kahoon Gi

k Mera Mehboob Aik Shayer Hay

Plz Meri Khatir Ban Jao Na

Tumhein Meri Qasam

Magar Pagli Janti Ho Na k Shayer Kya Hota Hay

Lahu Ugalta Hay...Dard Sehta Hay...Aansoo Peeta Hay

Aur Kuch Nahi Bas Jeeta Hay

Tum Kya Samjhti Ho k

Daad Wasool Karnay k Liye Likhta Hay Shayer?

SunNey Walay To Daad Detay Hain

Wah Wah Kartay Hain

Kuch Ehtraam Detay Hain

Kuch Hamdardi Jatatey Hain 

Aur Phir Wapis Gharon Ko Chalay Jatay Hain

Aur Peechay Reh Jata Hay Shayer...Tanha Aur Akaila

Shayer k Ander Kuch Toot Raha Hota Hay,Kuch Choot Raha Hota Hay

Koi Loot Raha Hota Hay

Uss Dard Ko...Haan Usi Dard Ko Jisay Vo

Lafzoon Mein Dhaal Kar Shairon Ki Shakal Deta Hay

Uss Dard Ko Koi Mehsoos Nahi Karta

Aur Vo Akaila Hi Tarapta Rehta Hay

Tarapta Rehta Hay....

Aur Tum Chahti Ho k Meri Zindagi b wesi Hi Ho Jaye

Ufff....ALLAH Bachaye Aisi Zindagi Se

Please Jaan!"Aisi Baatein Mat Karo"

Plzzzz Plzzz"Yeh Kaisi Muhabbat Hay Tumhari?"

Jo Meri Itni Si Khuwahish b Poori Nahi Kar Pa Rahi

Tumhein Meri Qasam!

Par Tum Meri Baat b To Suno Na Jaan

Tum Bohat Bholi Ho

Shayer Aisy Hi Nahi Ban Jata Koi

Iss k Liye Bara Hosla Chahiye Hota Hay

Jab Tak Koi Chot Khayi Na ho....Koi Dard Paala Na Ho

Koi Mehboob Harjayii Na Ho....Koi Darya Bahaya Na ho

Shayer Nahi Bana Ja Sakta

Aur Meri Muhabbat Adhoori Nahi Hay

Mera Mehboob Koi Harjayii Nahi Hay

Main Ne Koi Chot Khayi Nahi Hay

To Main Kaisy Shayer Ban Jaon,Iss Liye Tum Plz

Iss Chapter Ko Yehin Pe Close Kar Do

Abhi Bohat Kaam Baki Hain

Ab Uss k Pass Koi Jawaz Nahi Tha

Isi Liye Vo Yeh sab Sun Kar Sirf"Acha"Hi Keh Saki

Aur Khamosh Ho Gayi

Hum Kafi Dair Yunhi Chaltay Rahay

Par Aaj Pehli Baar Sab Kuch Ajeeb Ajeeb Lag Raha Tha

Halan k....Vohi Pattay,Vohi Hawayein

Vohi Phool,Vohi Shabnami Qubayein

Vohi Dagar,Vohi Raahein

Magar Yeh Sab Kuch Aaj Ajeeb Lag Raha Tha

Kiun k Vo Khamosh Thi

Aur Main Yehi Soch Raha Tha

k Kaisi Ajab Si Khuwahish Thi Iss Pagli Ki

Aur Phir Kuch Din Baad Uss Ki E Mail Aayi

Jaan Se Pyarey !

Muhabbat Rooh Ka Rishta Hay Yeh Tumhi Ne Kaha Tha 

Main Tumhary Elawa

Kisi Aur Ko Chah Kar b Na Chah Sakoon Gi

Yeh b Sach Hay...Magar Main Kya Karoon

Main Chahti Hoon....Jisay Main Chahtii Hon

Uska Yani Tumhara Naam Ho,Log Tumhara Hi Zikr Karein

Tum Ek Shayer Ho,Shayer e Waqt Kehlao

To Mera Sir Fakhar Se Buland Ho jaye Ga

Main Keh Sakoon Gi k Dekho,Yeh Meri Muhabbat Hay

Aglay Maah....Meri Shadi Hay

Tum Mujh Se Aur Main Tum Se Ab Koi Raabta Nahi Rakhay Ge

Hamari Roohein To Ek Doosray Mein Sama Chuki Hain

To Phir Humein Kya Parwah...Kahin b Rahein Hum Tum

Muhabbat To Muhabbat Hay

Tum Mery Raho Ge Aur Main Tumhari

Dekho Jaan!"Yun Samjh Lo"

Hamari Muhabbat Ka Yeh Imtehan Hay

Ab Koi Bahana Nahi Chalay Ga

Tumhein Chot Ho Chuki Hay

Tumhari b Mehbooba Tumhein Chor k Ja Chuki Hay

Ab To Saari Conditions Hain Na

Ab To Tum Shayer Ban Saktay Ho Na

Hain Na?..To Bas Tumhein Meri Qasam!

Ab Inkar Mat Karna,Bas Shayer BanNa

So, Aaj Main Ik Shayer Hoon

Lahu Ugalta Hoon...Dard Sehta Hoon...Aansoo Peeta Hoon

Aur Kuch Nahi Bas Jeeta Hoon...!!!