Hawa Thami Thi Zaroor Lekin

Hawa Thami Thi Zaroor Lekin,

Wo Shaam Jesy Sisak Rahi Thi

K Zard Patton Ko Aandhiyun Ne Ajeeb Qissa Suna Dia Tha

K Jis Ko Sun Kar Tamam Pattay

Sisak Rahe Thy

Bilak Rahe Thy

Janae Kis Sanyhey K Ghum Main

Shajar Jaron Se Utar Chuke Thy

Bohat Talasha Tha Hum Ne Tumko

Har Aik Rasta, Har Aik Waadi

Har Aik Parbat, Har Aik Ghaati

Kahin Se Teri Khabar Na Ayi

To Ye Keh K Hum Ne Dil Ko Tala

Hawa Thame Gi To Daikh Lain Gy

Hum Us K Raston Ko Dhoond Lain Gy

Magar Hamari Ye Khush Khayali

Jo Hum Ko Barbaad Kar Gaye Thi

Hawa Thami Thi Zaroor Lekin

Bari Hi Mud'dat Guzar Chuki Thi

Hamare Balon K Jungalon Main

Safaid Chandi Utar Chuki Thi

Falak Pe Taray Nahi Rahy Thy

Gulaab Pyare Nahi Rahy Thy

Wo Jin Se Basti Thi Dil Ki Basti

Wo Loog Saare Nahi Rahe Thy

Ye Almiya Sab Se Baalatar Thy

K Hum Tumhare Nahi Rahe Thy

K Tum Hamare Nahi Rahy thy

Hawa Thami Thi Zaroor Lekin

Bari Hi Mud'dat Guzar Chuki Thi