Ibn e mariyam howa kary koi....
Mery dukh ki dawa kary koi...
Shara'a o aaein par madar sahi....
Aisy qaatil ka kya kary koi ?
Chaal, jaisy karri kamaan ka teer....
Dil me aisy k jaaa kary koi..
Baat par waaan zabaan kat.ti hai....
Wo kahen or sunaa kary koi..
Bak raha hon junoon me kya kya kuch..
Kuch naa samjhy Khuda kary koi..
Naa suno, gar bura kahy koi..
Naa kaho, gar bura kary koi..
Rok lo, gar ghalat chaly koi..
Bakhsh do, gar khata kary koi..
Kon hai, jo nahi hai hajat mand...?
Kes ki hajat rawwa kary koi...
Kya kiaa khizar ny sikandar sy...
Ab kesy rehnuma kary koi..
Jab tawaqu hi uth gai Ghalib....!
Kyon kisi ka gilla kary koi.?
No comments:
Post a Comment