affiliate marketing Famous Urdu Poetry: Sadullah Shah
Showing posts with label Sadullah Shah. Show all posts
Showing posts with label Sadullah Shah. Show all posts

Monday, 22 January 2018

Jahan bujh gaey thy chragh

جہاں بجھ گئے تھے چراغ سب وہاں داغ دل کے جلے تھے پھر
جہاں آکے پاؤں کٹے مرے، وہاں نقشِ پا بھی چلے تھے پھر

مرے رہنما کا تھا فیصلہ، مرا جسم جاں سے جُدا ہُوا
یہی خوب تھا کہ اسی نے ہی سرِ دار ہاتھ ملے تھے پھر

مجھے آسمان پہ سُکون تھا، یہ زمین میرا جنون تھا
یہی کیا کہ پھر مجھے خوف تھا، سبھی آسماں کے تلے تھے پھر

جو ملا مجھے وہ خفا ہوا، یہ تھا معجزہ ترے پیار کا
جو تھے خوش ہوئے مجھے دیکھ کر، ترے پاس جا کے جلے تھے پھر

مرے پاس میرا خیال تھا، مرا سوچنا بھی کمال تھا
مری آنکھ نے مرے اشک بھی کفِ آستیں پہ ملے تھے پھر

مرے دل کی بات ہی اور تھی، مری کائنات ہی اور تھی
وہ جو جگنوؤں کی طرح تھے سب شبِ تیرگی میں پلے تھے پھر

وہ عجیب سا کوئی کھیل تھا، جہاں دھوپ چھاؤں کا میل تھا
تھے جو مہر و ماہ وہ بچ گئے، گو وہ روز و شب میں ڈھلے تھے پھر

سعداللہ شاہ

Sunday, 24 April 2016

آنکھیں سیپیاں ہی تو ہوتی ہیں


آنکھیں سیپیاں ہی تو ہوتی ہیں

یہ بھی تو اشک لے کر

دل کی گہرائی میں ڈوب جاتی ہیں


سعد اللہ شاہ



کاش


میری دنیا کاش تک محدود ہے

لفظ کاش۔۔۔ اک ایسا پرندہ ہے

جو آکاش تک

اپنے شہپر پھیلاتا ہے

اور میری زمینِ خواہش پر

اپنا سایہ رکھتا ہے


سعد اللہ شاہ