affiliate marketing Famous Urdu Poetry: Urdu Poetry by Daagh Dehlavi
Showing posts with label Urdu Poetry by Daagh Dehlavi. Show all posts
Showing posts with label Urdu Poetry by Daagh Dehlavi. Show all posts

Friday, 10 January 2014

Tujh Ko Lipat Parein Gay Yeh Diwaney Aadmi Hein

زاہد نہ کہہ بری کہ یہ مستانے آدمی ہیں
    تجھ کو لپٹ پڑیں گے یہ دیوانے آدمی ہیں
   
    غیروں کی دوستی پر کیوں اعتماد کیجے
    یہ دشمنی کریں گے بیگانے آدمی ہیں
   
    جو آدمی پہ گزری وہ اک سوا تمہارے
    کیا جی لگا کے سنتے افسانے آدمی ہیں
   
    کیا چور ہیں جو ہم کو درباں تمہارا ٹوکے
    کہہ دو کہ یہ تو جانے پہچانے آدمی ہیں
   
    مے بوند بھر پلا کر کیا ہنس رہا ہے ساقی
    بھر بھر کے پیتے آخر پیمانے آدمی ہیں
   
    تم نے ہمارے دل میں گھر کر لیا تو کیا ہے
    آباد کرتے آخر ویرانے آدمی ہیں
   
    جب داورِ قیامت پوچھے گا تم پہ رکھ کر
    کہہ دیں گے صاف ہم تو بیگانے آدمی ہیں
   
    ناصح سے کوئی کہہ دے کیجے کلام ایسا
    حضرت کو تاکہ کوئی یہ جانے آدمی ہیں
   
    میں وہ بشر کہ مجھ سے ہر آدمی کو نفرت
    تم شمع وہ کہ تم پر پروانے آدمی ہیں
   
    محفل بھری ہوئی ہے سودائیوں سے لیکن
    اس غیرتِ پری پر پروانے آدمی ہیں
   
    شاباش داغ تجھ کو کیا تیغِ عشق کھائی
   ....جی کرتے ہیں وہی جو مردانے آدمی ہیں 


Zahid Na Keh Buri Keh Yeh Mastaney Aadmi Hein
Tujh Ko Lipat Parein Gay Yeh Diwaney  Aadmi Hein

Gairon Ki Dosti Par Kiun Aitmaad Kijiye
Yeh Dushmani Karen Gay Baiganey  Aadmi Hein

Jo Aadmi Par Guzari Woh Ik Siwa Tumhare
Kia G Laga K Suntey Afsaney  Aadmi Hein

Kia Chour Hein Jo Humko Darbaa’n Tumhara Tokay
Keh Do Keh Yeh Tou Janay Pehchaney  Aadmi Hein

Maiy Boond Bhar Pila Kar Kia Hans Raha Hai Saqi
Bhar Bhar K Peetay Aakhri Paimaney  Aadmi Hein

Tum Ne Hamare Dil Mein Ghar Kar Liya Tou Kia Hai
Aabaad Kartay Aakhir Veeraney  Aadmi Hein

Jab Dawar-e-Qayamat Poochey Ga Tum Pay Rakh Kar
Keh Dein Gay Saaf Hum Tou Baiganey  Aadmi Hein

Nasah Se Koi Keh Day Kijiye Kalaam Aisa
Hazrat Ko Taa'Keh Koi Yeh Janay  Aadmi Hein

Mein Woh Bashar Keh Mujhse Har Aadmi Ko Nafrat
Tum Shmma Woh Keh Tum Par Parwaney Aadmi Hein

Mehfil Bhari Hui Hai Sodaiyon Se Lekin
Us Gairat-e-Pari Par Parwaney Aadmi Hein

Shabash Daag Tujhko Kia Taigh-e-Ishq Khaai
G Kartey Hein Wohi Jo Mardaney Aadmi Hein....

Kabhi Falak Ko Parra Dil Jalon Se Kaam Nahi


    کبھی فلک کو پڑا دل جلوں سے کام نہیں
    اگر نہ آگ لگا دوں تو داغ نام نہیں

    وفورِ یاس نے یاں کام ہے تمام کیا
    زبانِ یار سے نکلی تھی نا تمام نہیں
  
    وہ کاش وصل کے انکار پر ہی قائم ہوں
    مگر انہیں تو کسی بات پر قیام نہیں

    الہٰی تو نے حسینوں کو کیوں کیا پیدا
    کچھ ان کی ذات سے دنیا کا انتظام نہیں

    سنائی جاتی ہیں در پردہ گالیاں مجھ کو
    جو میں کہوں، تو کہیں، آپ سے کلام نہیں

    وہ آئیں گے شبِ وعدہ، یقیں نہیں اے دل
    چراغ گھی کے جلاؤں ، یہ ایسی شام نہیں

    سوائے جور و جفا، ماورائے بغض و دغا
    بتوں کے واسطے دنیا میں کوئی کام نہیں

    دباؤ کیا ہے سنے، وہ جو آپ کی باتیں
  .. ..رئیس زادہ ہے داغ، آپ کا غلام نہیں

Kabhi Falak Ko Parra Dil Jalon Se Kaam Nahi
Agar Na Aag Laga Doon Tou Daag Naam Nahi

Wafoor-e-Yaas Ne Yaan Kaam Hai Tamam Kia
Zayan-e-Yaar Se Nikli Thi Na Tamam Nahi

Woh Kash Visl K Inkaar Par He Qayaam Hon
Magar Uneh Tou Kisi Baat Par Qayaam Nahi

Elaahi Tu Ne Haseeno Ko Kiun Kia Paida
Kuch Inki Zaat Se Dunya Ka Intazaam Nahi

Sunai Jati Hein Dar-Parda Galiyan Mujh Ko
Jo Mein Kahon, Tou Kaheen, Aap Se Kalaam Nahi

Woh Aaen Gay Shab-e-Wada, Yaqeen Nahi Ay Dil
Charaag Ghee K Jalaon , Yeh Aisi Shaam Nahi

Siwaey Joro Jafa, Maaveraey Bugz-O-Daga
Buton K Wastey Dunya Mein Koi Kaam Nahi

Daba'o  Kia Hai Sunay, Woh Jo Apki Batein
Rais Zada'h Hai Daag, Aapka Ghulaam Nahi... ..