Jo meri ankhon se khawab dekho To ek bhi shab na so sako ge

Jo meri ankhon se khawab dekho To ek bhi shab na so sako ge
K Laakh chaho na hans sako ge Hazar chaho na ro sako ge
K Khawab kia hain azaab hain yeh Mere dukhon ki kitaab hain ye
Rafaqaten un ki choot-ti hain Mohabbaten un ki rooth-ti hain
Panapti hain un main wehshaten si Aziyaten un main phoot-ti hain
Ghamon ki bandish main khawab mere Dukhon ki barish main khawab mere
Ubal raha hai dukhon ka laawa Zameen aatish hain khawab mere
Khayal saaray jhulas gaye hain
Sulagti khawahish hain khawab mere Ukharti saansen hain zindagi ki
Jo meri ankhon se khawab dekho To ik shab bhi na so sako ge