Na Jane Dhoondtay Ho Kya Meri Weeran Aankhon Me

Na Jane Dhoondtay Ho Kya Meri Weeran Aankhon Me.

Chupa Rakhay Hum Ne To Kai Toofaan Aankhon Me.

Kahan Wo Shokhiyan Pehlay Si,Ab Kuch Bhi Nahein Baqi.

Chalay Aaye Ho Tum Kya Khojnay In Be-jaan Aankhon Me.

Kisi Ka Haath Le kar Haath Mein Jab Tum Mile Hum Se.

To Kaise Toot K Bikhra Tha Mera Maan Aankhon Me.

Na Samjho Chup Hain To Tum Se Koi Shikwa Nahi Baqi.

Hum Apne Dard Ki Rakhte nahi Pehchaan Aankhon Me.

Milay The Baad Muddat K Humain Tum Ajnabi Ban Kar.
To Kaise Dard Na Uthta Meri Hairaan Aankhon Me.

Nahi Ab Phir Se Koi Raabta Rakhne Se Kuch Haasil.

K Ab Dafna Diye Hum Ne Sabhi Armaan Aankhon Me.