مجھ کو معلوم نہیں ہجر کے قاتل لمحے

مجھ کو معلوم نہیں ہجر کے قاتل لمحے

تو نے کس آگ میں جل جل کے گذارے ہوں گے

کبھی لفظوں میں تھکن تو نے سمیٹی ہو گی

کبھی کاغذ پہ فقط اشک اتارے ہوں گے

یہ بھی ممکن ہے کہ گذرا ہو ا لمحہ لمحہ

جس کو میں آج بھی سینے سے لگا رکھتا ہوں

تیرے نزدیک فقط یاد کی پر چھائی ہو

دور کی جیسے تری اس سے شنا سائی ہو

جس طرح دھوپ دسمبر کی دریچے سے لگی

بے ارادہ کہیں آنگن میں اتر آئی ہو

جیسے محفل میں کسی شخص کی تنہائی ہو

عاطف سعیدؔ

Zindagi k rahon m kuch muqam aty hain

زندگی کی راہوں میں
کچھ مقام آتے ہیں
لوگ روٹھ جاتے ہیں
ساتھ چھوٹ جاتے ہیں
زندگی کے سب ہی پل
بے مراد لگتے ہیں
دن اداس لگتے ہیں
چار سو اندھیرا جب
خوب بڑھنے لگتا ہے
اور دل یہ کرتا ہے
زندگی کے یہ لمحے
اب تمام ہو جائیں
بہت جی لئے ہیں ہم
اب سکوں سے سو جائیں
تب کہیں سے اک تارا
نور کا ابھرتا ہے
مضطرب سے اس دل کو
پھر گماں گزرتا ہے
جس نے زندگی دی ہے
جس نے غم، خوشی دی ہے
اس کے لطف سے بڑھ کے
غم کیا ہم نے پائے ہیں ؟؟؟
گردش زمانہ سے
پھر کیوں تنگ آئے ہیں ؟
زندگی کی راہوں میں
شکر کی جو منزل کا
راستہ ملے تم کو
اس پہ مطمئن ہو کے
تم قدم بڑھاؤ تو
زندگی کا ہر لمحہ
رب کے نام کر ڈالو

مسرت جبین

Mujhay bhool ja by Anee Asad

مجھے بھول جا 

مجھے بھول جا 

یہ  ہی کہا تھا 

تو نے کبھی 

مجھے محبّت کے حصار میں 

گم کیا تھا تو نے کبھی 

تجھے ایسا لگا میں بھول گئ 

اور راہ میں نے بدل ہی لی 

یہ تیرا ہی گمان تھا 

کے راہ سے  ھوں میں بھٹک گئ. 

میری آرزو میری جستجو 

تیری روح سے تیری ذات تک 

میری زندگی ہے یہیں کہیں 

تیری راہ میں رکی ہوئی 

میں بھول نہ سکی تجھے 

میں ھوں اب بھی وہیں کھڑی ہوئی 

جہاں تو نے مجھ سے 

کہا تھا یہ بھی کبھی 

مجھے بھول جا 

مجھے بھول جا 

عینی اسد