Haqeeqaton k kitab by Imama Fakhir

 جب حقیقتوں کی کتاب لکھنا
میری اداسیوں کا نصاب لکھنا

میں نے دیکھے ہر روز نئے چہرے
ایک چہرہ اور ہزار نقاب لکھنا

ملاقاتوں کا سلسلہ عجب چل نکلا
فرشتے ملتے رہے بے حجاب لکھنا

سزا کا علم، تھی عنایتوں کی خبر بھی
سو گناہ کرتے گئے بے حساب لکھنا

تم ہی تم ہو، تمہی تم ہو سخن میں
سو غزل کی داد میں لا جواب لکھنا

ہم سے جو بسر ہوئی ہے فاخرہ
زندگی نہیں اسے تم سراب لکھنا

از
          امامہ فاخرہ

Muhabbat by Imama Fakhira

ہوا کی زد میں
اک شمع جلائی ہے
پروانہ کیوں نہ جلے پھر
موت جو کھینچ لائی ہے
یہ محبت ہی تو ہے۔۔
بہت بچایا دامن
بہت چھڑایا پیچھا
اس سے تو نہیں مگر اس کی
خوشبو سے شناسائی ہے
یہ محبت ہی تو ہے۔۔
جان جائے، تو جان سے جائے
جیت کر بھی جو ہار جائے
سزا یہ کافی ہے
بغاوت رنگ لائی ہے
یہ محبت ہی تو ہے۔۔
دیوانے کا کیا ہے
جان ہی وارے جائے
زلف جو چہرے پہ تیرے
باد صبا نے اڑائی ہے
یہ محبت ہی تو ہے۔۔
تمہارے مسکرانے سے
اجالا جو ہوتا ہے
یہ چمکتے ستارے دیکھنے
چاندنی بھی اتر آئی ہے
یہ محبت ہی تو ہے۔۔
جگنو جو آج کل اداس رہتا ہے
کبھی بہت دور دور
کبھی پاس رہتا ہے
تتلیوں نے کھوج یہ لگائی ہے
یہ محبت ہی تو یے۔۔

                            از
                          امامہ فاخرہ

Acha lagta hay by Imama Fakhir

وہ جب یوں مسکرائے تو اچھا لگتا ہے

وہ جو دل کو جلائے تو اچھا لگتا ہے

ایسا نہیں کہ وہ میرے بس میں نہیں ہے

مگر وہ خود چل کر آئے تو اچھا لگتا ہے

سوال ہو، جواب ہو اور پھر لا جواب ہو

نظر جمائے،جما کر ہٹائے تو اچھا لگتا ہے

یوں تو ساز سے شغف نہیں ہے مگر

جو گیت وہ گنگنائے تو اچھا لگتا ہے

بھٹکتے ہوئے جب منزل بھی دکھائی نہ دے 

ایسے میں رستہ کوئی دکھائے تو اچھا لگتا ہے

شاعرہ

          امامہ فاخرہ

Mohabbaton ka hisab kon de ga by Imama Fakhira

ان بے ثمر محبتوں کا حساب کون دےگا

میرے ان کہے سوالوں کے جواب کون دے گا

تلخئ ایام کی تپش جلاتی ہے مجھ کو

میرے آنگن میں سایہءسحاب کون دے گا

پھوٹتے ہی کچلے جاتے ہیں،مسلے جاتے ہیں

میرے چمن کے پھولوں کو شباب کون دے گا

عشق ہو،سوز ہو،ہو نہ ہو یہی ہو مگر

خاموش محبت کے نغمہ کو رباب  کون دے گا

جان کر انجان رہے،وہ بدگمان رہے فاخرہ~

ان بے ریا چاہتوں کا حساب کون دے گا

از

امامہ فاخرہ