Mehk uthy gulistan phir se her janib baharan ho Ghazal by Muhammad Salman

مہک اٹھے گُلِستاں پھر سے ہر جانب بہاراں ہو

دلِ مُسلم میں خوابیدہ وہ چنگاری چراغاں ہو

 

لگاؤ ایسی ضربیں کہ لرز اٹھے دلِ باطل

اُجالا ہو ہر اک جانب چراغِ حق فروزاں ہو

 

پڑھو اجداد کے قصے لکھو تقدیر نسلوں کی

رکھو تم یاد ماضی کو کہ مُستقبل دَرَخشاں ہو

 

جواں پیدا ہوں پھر ایسے، جہاں میں عدل جو لائیں

کہ جن کے دم سے تاباں پھر یہ مِہر و ماہ و دوراں ہو

 

خزاں کے وار سے لرزاں نہ ہو اب گُلشنِ ایماں

اُمیدوں کی رَوِش پھر سے ہر اک دل میں شَبِستاں ہو

 

جہاں میں پھر درِ حَق پر جَبِینِ شوق جُھک جائے

ہر اک دل میں یقینِ رب کا دریا موجِ اَفشاں ہو

 

نظر میں جلوہِ حق ہو زباں پر ذکرِ مولا ہو

جُھکے سر پھر درِ حق پر دلوں میں نامِ یَزداں ہو

 

✍️ ۔ محمد سلمان

**************

Ghazal by Muhammad Salman

رویوں سے نہ لہجوں سے نہ پُر تاثیر باتوں سے

یہاں پہچان بنتی ہے تو پیسوں اور اثاثوں سے

 

نہ اخلاصِ تعلُّق سے نہ ہی اُلْفت کے نعروں سے

یہاں قیمت ہے لوگوں کی فقط اونچے نصابوں سے

 

وفا، اخلاق، سچائی نہیں ہے اہمیت ان کی

تعلُّق بن رہا ہے بنگلوں سے اور کاروں سے

 

نہ صورت سے نہ سیرت سے نہ اخلاقِ جمیلہ سے

یہاں توقیر جمتی ہے فقط اونچی جنابوں سے

 

نہ ہمدردی، نہ قربانی، نہ خدمت کے وسیلوں سے

یہاں عظمت بھی ملتی ہے تو محفل کے خطابوں سے

 

یہاں اخلاق ہارے ہیں، یہاں کردار ہارے ہیں

یہاں معیار ہوتا ہے تو سونے کے سرابوں سے

 

🖊️ محمد سلمان

**************