Hum Woh Be-dard Hain

Hum Woh Be-dard Hain
Khwab Ganwa Kar Bhi Jinhein Neend Aa Jaati Hai
Soch Soch Kar Bhi Jin Ke Zehnon Ko Kuch Nahin Hota
Toot Phoot Kar Bhi Jin Ke Dil Dharrhakna Yaad Rakhtey Hain

Hum Woh Be-dard Hain
Ke Jin Ke Aansoo
Aankhon Ka Rasta Bhool Jaatey Hain
Toot Kar Roney Ki Koshish Mein Jo
Baat-be-Baat Muskuratey Hain
Sham Say Pehley Mar Jaaney Ki Khwahish Mein Jo Jeetey Hain
Jeetey Hi Chaley Jaatey Hain.!!