Ik din shararatan us k kamre me ja kar

Ik din shararatan us k kamre me ja kar.

Diwar pe likhe kuch huroof parhna chahe.

Ja baja hath se bani tasveeron ko samjhna chaha.

Kahin sukhay gulab ki patiya thin.

Kahin takiya ansuon se nam tha.

Phir kitabon se, aisi kitab mere hath lagi.

Jis k safha-e-awal pe mera naam tha.

Kuch lafz likhay the, mera hath laraz utha.

Chehra pasine se tar tha.

Meri sada mere kanon min gonjne lagi.

Mujhe khabar bhi nhi.

K wo khamosh sa shakhs.

Mujhe es qadar chahta tha....!