Vote by Afifa Daud

میرے شہر کی فصیلوں پر

شور ہے اب نعروں کا

وہ نعرے جو کہ زینت ہیں

ہر ایک چوک چوراہے کی

اب سجتا یہاں پنڈال ہے

پنڈال بھی بیچ بازار میں

اور اونچے لمبے چبوترے پر

اب چیختا کوئی حکمران ہے

حکمران جو دعویٰ گر بھی ہے

قوم کی غلامی کا

دہراتا اک فرمان ہے

فرمان جو بہت پرانا ہے

مگر پھر الیکشن کا زمانہ ہے

وہ جو کرسی کا دیوانہ ہے

گزرے اقتدار کا فسانہ ہے

وہ لمبی تان کے سویا تھا

اور ووٹر ہر صبح رویا تھا

اب نیند اسی کی روٹھ گئی

کرسی جو ہے چھوٹ گئی

اب چاشنی گھولے لہجے میں

پھر سے آن موجود ہے وہ

غرض کا اشارہ ہے

اک مہر کاوہ مارا ہے

مہر جو کہ امرت ہے

اقتدار کے ایوانوں کا

کچا رستہ، گندا پانی

ثمر اس کے احسانوں کا

یہ جو دکھتا اب فقیر ہے

عاجز ناتواں حقیر ہے

جوش سے بھرپور یہ

لفظ جو ہے بول رہا

یاد کرو ذرا پچھلا برس

جب اسی سجے پنڈال کے بیچ

یونہی شدت سے بولا تھا

جب ہر سو الیکشن کا رولا تھا

ان لفظوں کے گواہ وہ لوگ

جو اب تم میں نہیں رہے

موت جن کو نگل گئی

حیاتی پل بھر میں بکھر گئی

کوئی اندھی گولی کا

نشانہ بن کے گزرا ہے

کوئی گمنام بستر پر

تڑپ تڑپ کر بکھرا ہے

تب نیند ان کو پیاری تھی

عیش سے ان کی یاری تھی

سڑک کنارے روتی ماں کی

جھولی چند سکوں کی سوالی تھی

تب یہ سب تھے سو رہے

دکھی لوگ تھے تب رو رہے

سوال میرا اب ہے یہ۔۔۔۔۔۔

کیوں میرا ووٹ تمھارا ہو؟؟؟؟

کون اپنے لفظوں کا رکھوالا ہو؟؟؟

 

✍🏻 عفیفہ داؤد

****************