بام پر آنے لگے وه سامنا ہونے لگاBam par aaney lage woh samna hone laga by Hasrat Mohani

بام پر آنے لگے وه سامنا ہونے لگا
اب تو اظہارِ محبت برملا ہونے لگا

عشق سے پهر خطره ترکِ وفا ہونے لگا
پهر فریبِ حسن سرگرمِ ادا ہونے لگا 

کیا کہا میں نے جو نا حق تم خفا ہونے لگے 
کچھ سنا بهی یا کہ یونہیں فیصلا ہونے لگا

اب غریبوں پر بهی ساقی کی نظر پڑنے لگی
باده پس خورده ہم کو بهی عطا ہونے لگا 

میری رسوائی سے شکوه ہے یہ ان کے حُسن کو 
اب جسے دیکهو وه مرا مُبتلا ہونے لگا

یاد پهر اس بے وفا کی ہر گهڑی رہنے لگی
پهر اس کا تزکره صبح و مسا ہونے لگا

کچھ نہ پوچهو حال کیا تها خاطرِ بیتاب کا
ان سے جب مجبور ہو کر میں جُدا ہونے لگا

شوق کی بیتابیاں حد سے گزر جانے لگیں
وصل کی شب وا جو وه بندِ قبا ہونے لگا

کثرتِ امید بهی عیش آفریں ہونے لگی
انتظارِ یار بهی راحت فزا ہونے لگا

غیر سے مل کر انہیں ناحق ہوا میرا خیال
مجھ سے کیا مطلب بهلا میں کیوں خفا ہونے لگا

قیدِ غم سے تیرے جاں آزاد کیوں ہونے لگی 
دامِ گیسو سے تیرے دل کیوں رہا ہونے لگا

کیا ہوا حسرت وه تیرا ادعاے ضبطِ غم!
دوہی دن میں رنج فرقت کا گلا ہونے لگا

Qahar hai mot hai qaza hai ishq

قہر ہے موت ہے قضا ہے عشق

سچ تو يہ ہے بری بلا ہے عشق

اثر غم ذرا بتا دينا

وہ بہت پوچھتے ہيں کيا ہے عشق

آفت جاں ہے کوئی پردہ نشيں

مرے دل ميں آ چھپا ہے عشق

کس ملاحت سرشت کو چاہا

تلخ کامی پہ با مزا ہے عشق

ہم کو ترجيح تم پہ ہے يعني

دل رہا حسن و جاں رہا عشق

ديکھ حالت مری کہيں کافر

نام دوزخ کا کيوں دھرا ہے عشق

ديکھیے کس جگہ ڈبو دے گا

ميری کشتی کا نا خدا ہے عشق

آپ مجھ سے نباہيں گے سچ ہے

با وفا حسن بے وفا ہے عشق

قيس و فرہاد وامق و مومن

مر گئے سب ہی کيا وبا ہے عشق