mohabbat khubsurat hai

mohabbat khubsurat hai

mohabbat main agarchay dil ki aankhen
mudaton palken jhapakna bhool jaati hain

magar

in ratjagon k surkh doray

neel-gun sanwlahaten or abruon ki raaz daari b

ajab ek husn paida krti jati hai

mohabbat main agarchay dharkanen apna chalan tak chor jati hain

magar

sangeet aisi dharkanon ki thaap or sargam ko tarasta hai

mohabbat main agarchay by-khyaali dil ko boht tarpayey takhti hai

magar

dil ki tarap he zindagi ko pathron ki zindagi sy mukhtalif krti hai

dunya main agarchay

aankh sy ojhal huwi lgti hai dunya ek mohabbat k siwaa

laykin

baseerat ki kaiii benaeyan or khirkiaan khulti chali jaati hain

baatin main mohabbat main agarchay aansuon ko surkh hotay pal nahi lgta

magar

ye surkhiyaan kitnay gulistaan, chaand, taaray or zameen-o-aasmaan rangeen krti hai

mohabbat main judai dhoop k aangan main palti hai

agarchay phir b saari umer khwabon or duaon sy kabi thandak nahi jaati

mujay maaloom hai tum to mohabbat k mukhtalif ho magar jaanaan!!!

daleelen to daleelain hain

mohabbat in daleelon ki kahaan mohtaaj hoti hai

MOHABBAT KHOOBSOORAT HAI…