بے وفا تھا تو نہیں وہ، مگر ایسا بھی ہوا

بے وفا تھا تو نہیں وہ، مگر ایسا بھی ہوا
وہ جو اپنا تھا بہت، اور کسی کا بھی ہوا

تیری خوشبو بھی ترے زخم میں ملفوف ملی

تجھ سے گھائل بھی ہوا اور میں اچھا بھی ہوا

راہ دے دی ترے بادل کو گزرنے کے لئے
ورنہ یہ دل تو تری پیاس میں صحرا بھی ہوا

کاشف رضا

Har shakhs pareshan sa hairan sa lage hai

ہرشخص پریشان سا حیراں سا لگے ہے

سائے کو بھی دیکھوں تو گریزاں سا لگے ہے

کیا آس تھی دل کو کہ ابھی تک نہیں ٹوٹی

جھونکا بھی ہوا کا ہمیں مہماں سا لگے ہے

خوشبو کا یہ انداز بہاروں میں نہیں تھا

پردے میں صبا کے کوئی ارماں سا لگے ہے

سونپی گئی ہر دولتِ بے دار اسی کو

یہ دل جو ہمیں آج بھی ناداں سا لگے ہے

آنچل کا جو تھا رنگ وہ پلکوں پہ رچا ہے

صحرا مری آنکھوں کو گلستاں سا لگے ہے

پندار نے ہر بار نیا دیپ جلایا

جو چوٹ بھی کھائی ہے وہ احساں سا لگے ہے

ہر عہد نے لکّھی ہے مرے غم کی کہانی

ہر شہر مرے خواب کا عنواں سا لگے ہے

تجھ کو بھی ادا جراؑتِ گفتار ملی ہے

تو بھی تو مجھے حرفِ پریشاں سا لگے ہے

Dil Ishq mein be payaan , Soda ho to aisa ho

ﺩﻝ ﻋﺸﻖ ﻣﯿﮟ ﺑﮯ ﭘﺎﯾﺎﮞ، ﺳﻮﺩﺍ ﮨﻮ ﺗﻮ ﺍﯾﺴﺎ ﮨﻮ

ﺩﺭﯾﺎ ﮨﻮ ﺗﻮ ﺍﯾﺴﺎ ﮨﻮ، ﺻﺤﺮﺍ ﮨﻮ ﺗﻮ ﺍﯾﺴﺎ ﮨﻮ

ﮨﻢ ﺳﮯ ﻧﮩﯿﮟ ﺭﺷﺘﮧ ﺑﮭﯽ، ﮨﻢ ﺳﮯ ﻧﮩﯿﮟ ﻣﻠﺘﺎ ﺑﮭﯽ

ﮨﮯ ﭘﺎﺱ ﻭﮦ ﺑﯿﭩﮭﺎ ﺑﮭﯽ، ﺩﮬﻮﮐﮧ ﮨﻮ ﺗﻮ ﺍﯾﺴﺎ ﮨﻮ

ﺩﺭﯾﺎ ﺑﮧ ﺣﺒﺎﺏ ﺍﻧﺪﺭ، ﻃﻮﻓﺎﮞ ﺑﮧ ﺳﺤﺎﺏ ﺍﻧﺪﺭ

ﻣﺤﺸﺮ ﺑﮧ ﺣﺠﺎﺏ ﺍﻧﺪﺭ، ﮨﻮﻧﺎ ﮨﻮ ﺗﻮ ﺍﯾﺴﺎ ﮨﻮ

ﻭﮦ ﺑﮭﯽ ﺭﮨﺎ ﺑﯿﮕﺎﻧﮧ، ﮨﻢ ﻧﮯ ﺑﮭﯽ ﻧﮧ ﭘﮩﭽﺎﻧﺎ

ﮨﺎﮞ، ﺍﮮ ﺩﻝِ ﺩﯾﻮﺍﻧﮧ، ﺍﭘﻨﺎ ﮨﻮ ﺗﻮ ﺍﯾﺴﺎ ﮨﻮ

ﮨﻢ ﻧﮯ ﯾﮩﯽ ﻣﺎﻧﮕﺎ ﺗﮭﺎ، ﺍُﺱ ﻧﮯ ﯾﮩﯽ ﺑﺨﺸﺎ ﮨﮯ

ﺑﻨﺪﮦ ﮨﻮ ﺗﻮ ﺍﯾﺴﺎ ﮨﻮ، ﺩﺍﺗﺎ ﮨﻮ ﺗﻮ ﺍﯾﺴﺎ ﮨﻮ

ﺍِﺱ ﺩﻭﺭ ﻣﯿﮟ ﮐﯿﺎ ﮐﯿﺎ ﮨﮯ، ﺭﺳﻮﺍﺋﯽ ﺑﮭﯽ، ﻟﺬّﺕ ﺑﮭﯽ

ﮐﺎﻧﭩﺎ ﮨﻮ ﺗﻮ ﺍﯾﺴﺎ ﮨﻮ، ﭼُﺒﮭﺘﺎ ﮨﻮ ﺗﻮ ﺍﯾﺴﺎ ﮨﻮ

ﺍﮮ ﻗﯿﺲ ﺟﻨﻮﮞ ﭘﯿﺸﮧ، ﺍﻧﺸﺎﺀ ﮐﻮ ﮐﺒﮭﯽ ﺩﯾﮑﮭﺎ

ﻭﺣﺸﯽ ﮨﻮ ﺗﻮ ﺍﯾﺴﺎ ﮨﻮ، ﺭﺳﻮﺍ ﮨﻮ ﺗﻮ ﺍﯾﺴﺎ ﮨﻮ