تم بہت خاص ہو

 

تم میری روح کی آواز ہو

 
تم بہت خاص ہو

______
جستجو میں تھی تیری تمنا کب سے

 
اک خوشبو میں لپٹا راز ہو

 
تم بہت خاص ہو

_______
تیری ہر بات پہ دل دھڑک جاتا ہے

 
تم میری ذات کا آغاز ہو

 
تم بہت خاص ہو

_______
تمہارے دم سے ہے ستاروں میں گردشوں کو دوام

 
کہکشاؤں کا اک انداز ہو

 
تم بہت خاص ہو

________
تمہارے لفظ میری سوچ میں سمائے ہیں

 
روح کا دلفریب ساز ہو

 
تم بہت خاص ہو

________
ماورا ماورا ہو پھر بھی دل میں بستے ہو

 
اک حقیقت بھرا مجاز ہو

بے وفا تھا تو نہیں وہ، مگر ایسا بھی ہوا

بے وفا تھا تو نہیں وہ، مگر ایسا بھی ہوا
وہ جو اپنا تھا بہت، اور کسی کا بھی ہوا

تیری خوشبو بھی ترے زخم میں ملفوف ملی

تجھ سے گھائل بھی ہوا اور میں اچھا بھی ہوا

راہ دے دی ترے بادل کو گزرنے کے لئے
ورنہ یہ دل تو تری پیاس میں صحرا بھی ہوا

کاشف رضا

وقت کے الجھے الجھے دھاگے

وقت کے الجھے الجھے دھاگے

 جب دل توڑ کے چل دیں گے
پگڈنڈی پر پیلے پتے تم کو تنہا دیکھیں گے
پیڑوں کے سینے پر لکھے، نام بھی ہو جائیں تحلیل،
اور ہوا بھی سمت کو اپنی کر جائے تبدیل
بھینی بھینی خوشبو ہم کو، ہر اک گام پکارے گی،
کرکے یخ بستہ جب ہم کو، برف اس پار سدھارے گی
دھوپ صداؤں کے سکے،
جب کانوں میں کھنکائے گی،
بارش، مسکانوں کے موتی،

 پتھر پر جب پھوڑے گی
اور برستی بوندوں کے دھاروں پر دھارے جوڑے گی
گرم گرم، انگاروں جیسے، آنسو آنکھ سے ابلیں گے،
دل کے ارماں، اک مدت کے بعد تڑپ کر نکلیں گے
جب احساس کی دنیا میں پھر، اور نہ گھنگھرو چھنکیں گے
صرف خموشی گونجے گی تب؟
آنے والے موسم کی،
کھڑکی پر دستک بھی نہ ہوگی،
کوئی سریلی رم جھم کی
شام کے سناٹے میں بدن پر،
عکس تمہارا جھولے گا
یادوں کا لمس ٹٹولے گا،
گھور اداسی چُھو لے گا
اونچی اونچی باتوں سے تم، 

خاموشی میں شور کرو گے
گیت پرانے سن کر،

 ٹھنڈی سانسیں بھر کر، بور کرو گے
اس پل شب کی تنہائی میں۔۔۔
اپنے دل کو شاد کرو گے
بولو۔۔۔

مجھ کو یاد کرو گے؟؟؟

محبّت آزمانے دو

ابھی کچھ دن مجھے
میری محبّت آزمانے دو ..
مجھے خاموش رہنے دو ..
سنا ہے عشق سچا ہو تو
خاموشی لہو بن کر ..
رگوں میں ناچ اٹھتی ہے ..
ذرا اس کی رگوں میں
خاموشی کو جھوم جانے دو ..
ابھی کچھ دن مجھے
میری محبّت آزمانے دو ..
اسے میں کیوں بتاؤں
میں نے اس کو کتنا چاہا ہے .. .
بتایا جھوٹ جاتا ہے ..
کہ سچی بات کی خوشبو تو
خود محسوس ہوتی ہے ..
میری باتیں ..
میری سوچیں ..
اسے خود جان جانے دو ..
ابھی کچھ دن مجھے
میری محبّت آزمانے دو ..
اگر وہ عشق کے احساس کو
پہچان نہ پائے..!
مجھے بھی جان نہ پائے..
تو پھر ایسا کرو اے دل ..
خود ہی گمنام ہوجاؤ ..
مگر اس بےخبر کو زندگی بھر مسکرانے دو

محبت کس کو کہتے ہیں

  آؤ ہم تمکو بتائیں
محبت کس کو کہتے ہیں
کسی کو دیکھتے ہی دھڑکنوں میں سر بکھر جائیں
چمک آنکھوں کی بڑھ جائے
کسی کی یاد میں شام و سحر کا فرق مٹ جائے
سلگتے رات کٹ جائے
تصور سے کسی کے چاندنی راتیں مہک اٹھیں
کسی کا ایک جملہ قوت گویائی بن جائے
کسی کی اک نگاہ شوخ ہی بینائی بن جائے
کسی کے بن جب اپنا آپ اور سب کچھ ادھورا ہو
نہ سورج میں تپش باقی رہے نہ چاند پورا ہو
کسی کو دیکھ کے اکثر دھڑکنا بھول جائے دل
ٹھر جائے جو اس رخ پہ پلٹنا بھول جائے دل
کسی کی دید کی خاطر جبیں سجدے میں جھک جائے
نظر وہ آئے تو بے ساختہ کہہ دے زباں
" اے کاش .... مولا وقت رک جائے "
کوئی خوشبو ہو گل ہو یا کوئی رنگ حنا ہو تو
کڑکتی دھوپ میں کوئی ابر یا سایہ گھنا ہو تو
کسی کی آواز میں روح بھی محو دعا ہو تو
کسی کا ساتھ اپنی ابتداء اور انتہا ہو تو
کوئی خود درد ہو ، ہمدرد ہو اور خود دوا بھی ہو
کسی کا ہاتھ جب اپنے لیے دست شفا بھی ہو
پھر ایسے میں
یہ سب احساس ، ساری کیفیتیں اور سلسلے مل کر
انوکھی شے بناتے ہیں
جسے کہتے بھی ہیں
سنتے بھی ہیں
اور سب سناتے ہیں
محبت
جس کو کہتے ہیں

ﺗُـﻤﮩﺎﺭﮮ ﺳﺎﺗﮭ ﻧﮯ ﺟﺎﻧﺎﮞ ﻣﺠﮭﮯ ' ﺗﺨﻠﯿﻖ' ﺑﺨﺸﯽ ﺗﮭﯽ

ﺗُـﻤﮩﺎﺭﮮ ﺳﺎﺗﮭ ﻧﮯ ﺟﺎﻧﺎﮞ
ﻣﺠﮭﮯ ' ﺗﺨﻠﯿﻖ' ﺑﺨﺸﯽ ﺗﮭﯽ
ﻣﯿﺮﮮ ﺍﻟﻔﺎﻅ ﮐﻮ ﺗﺮﺗﯿﺐ
ﺗﺨﯿّﻞ ﮐﻮ ﺑﮩﺖ ﺳﮯ ﺧﻮﺍﺏ
-
ﮐﮧ ﻣﯿﮟ ﺗﻮ ﮐﺸﻒ ﺳﮯ، ﭘﻞ ﺑﮭﺮ ﻣﯿﮟ ﻭﺍﻗﻒ ﮨﻮ ﮔﺌﯽ ﺟﯿﺴﮯ
 ﻣﯿﮟ ﻧﮯ ﻭﺟﺪﺍﻥ ﭘﺎﯾﺎ ﺗﮭﺎ،
ﺑﮩﺖ ﺳﮯ ﺭﻧﮓ ﻣﯿﺮﯼ ﺳﻮﭺ ﻣﯿﮟ ﯾﻮﮞ ﺑﮭﺮ ﮔﺌﮯ ﺗﮭﮯ ﮐﮧ ...

 ﺳﺘﺎﺭﮮ
ﭘﮭﻠﺠﮍﯼ
ﺟﮕﻨﻮ
ﺑﮩﺎﺭﯾﮟ، ﺳﺐ ﻟﮕﮯ ﭘﮭﯿﮑﮯ
-
ﻣﮕﺮ ﺟﺐ ﺳﮯ ﮔﺌﮯ ﮨﻮ ﺗﻢ
ﻣﺠﮭﮯ ﮐﭽﮫ ﺍﯾﺴﺎ ﻟﮕﺘﺎ ﮨﮯ
ﮐﮧ ﺟﯿﺴﮯ ﺩﻭﭘﮩﺮ ﻣﯿﮟ ﮔﮩﻦ ﻟﮓ ﺟﺎﺗﺎ ﮨﮯ ﺳﻮﺭﺝ ﮐﻮ
ﺍﭼﺎﻧﮏ ﺭﺍﺕ ﮨﻮﺗﯽ ﮨﮯ
ﭘﺮﻧﺪﮮ ﺳﮩﻢ ﺟﺎﺗﮯ ﮨﯿﮟ
ﮐﭽﮫ ﺍﯾﺴﺎ ﺧﻮﺩ ﺳﮯ ﮐﮩﺘﮯ ﮨﯿﮟ
" ﺍﺑﮭﯽ ﺗﻮ ﺩﺍﻧﮧ ﭼﮕﻨﺎ ﺗﮭﺎ"
" ﺍﺑﮭﯽ ﺗﻮ ﮔﮭﺮ ﺑﻨﺎﻧﺎ ﺗﮭﺎ "
" ﯾﮧ ﯾﮑﺪﻡ ﺷﺎﻡ ﮐﯿﻮﮞ ﺁﺋﯽ؟ "
-
ﮐﺴﯽ ﺳﮩﻤﮯ ﮨﻮﺋﮯ ﻃﺎﺋﺮ ﮐﯽ ﻣﺎﻧﻨﺪ ﻣﯿﮟ ﺑﮭﯽ ﺑﯿﭩﮭﯽ ﮨﻮﮞ ...

 ﮐﮩﺎﮞ ﺟﺎﺋﻮﮞ؟؟؟
ﻣﯿﮟ ﮐﯿﺎ ﺳﻮﭼﻮﮞ؟؟؟
-
ﺗﺨﯿّﻞ ﺑﺎﻧﺠﮫ ﮨﻮ ﺟﺲ ﮐﺎ
ﺑﮭﻼ ﻭﮦ ﮐﺲ ﻃﺮﺡ ﺳﻮﭼﮯ؟؟؟

سنو جاناں

سنو جاناں

تمہیں اک بات بتلاؤں؟

ہمیشہ یوں ہوا ہے کہ

جن کی سنگت میں رہ کر

سکون محسوس کرتی ہوں

جن کے ساتھ چل کر میں

خوشی محسوس کرتی ہوں

میں جن سے پیار کرتی ہوں

جن پہ اعتبار کرتی ہوں

وہ مجھ کو چھوڑ جاتے ہیں

میری امیدیں سب سپنے

میری امیدیں سب سپنے

وہ پل میں توڑ جاتے ہیں

سنو جاناں

اب تم بھی پاس رہتے ہو

تم بھی ساتھ چلتے ہو

تم سے بھی پیار کرتی ہوں

تم پہ اعتبار کرتی ہوں

مگر جاناں

ذرا سا روٹھ جاتے ہو تو

یقیں سا ہونے لگتا ہے

کہ تم بھی چھوڑ جاؤ گے

میری امیدیں سب سپنے

تم پل میں توڑ جاؤ گے

سنو جاناں

ہمیشہ یوں ہوا ہے نا

مگر اب کے سوچا ہے

روا یت توڑ دوں گی میں

کہ

تمہارے چھوڑنے سے پہلے ہی

تم کو چھوڑ دوں گی میں۔۔۔۔۔۔۔۔۔۔۔۔۔!!!

سب کچھ نام تمھارے

آج یہ سب کچھ نام تمھارے

ساحل

ریت

سمندر

لہریں

بستی

دوستی

صحرا

دریا

خوشبو

موسم

پھول

دریچے

بادل

سورج

چاند

ستارے

آج یہ سب کچھ نام تمھارے

خواب کی باتیں

یاد کے قصے

سوچ کے پہلو

نیند کے لمحے

درد کے آنسو

چین کے نغمے

اڑتے وقت کے بہتے دھارے

روح کی آہٹ

جسم کی جنبش

خون کی گردش

سانس کی لرزش

آنکھ کا پانی

چاہت کے یہ عنوان سارے

آج یہ سب کچھ نام تمھارے

کسی پر نظم لکھنے سے

کسی پر نظم لکھنے سے

کوئی مِل تو نہیں جاتا

کوئی تعریف

بانہوں کے برابر تو نہیں ھوتی

کسی آواز کے پاوں

کبھی دل پر نہیں چلتے

کبھی کشکول میں

قوس و قزح اُتری نہیں دیکھی

صحیفہ رِحل پر رکھنے سے

قرآں تو نہیں بنتا

کسی نے آج تک

شاعر کے آنسو

خود نہیں پونچھے

دلاسہ ، لفظ کی حد تک ھی اپنا کام کرتا ھے

کسی خواھش کو

سینے سے لگانے

کی اجازت تک نہیں ھوتی

تمھاری ضد کو پُورا کر دیا دیکھو

ستارے ، چاند، سُورج ، روشنی، خوشبو،

تمھارے دَر پہ کیا کیا دھر دیا دیکھو

 گُلِ فردا !!

ابھی کِھل جاو ! کہنے سے

کوئی کِھل تو نہیں جاتا

کسی پر نظم لکھنے سے

کوئی مِل تو نہیں جاتا

ﻣﯿﺮﮮ ﮨﻤﺴﻔﺮ

ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﺳﺒﮭﯽ ﻣﻮﺳﻤﻮﮞ ﻣﯿﮟ ﺭﮨﺎ ﮐﺮﻭ
ﮐﺒﮭﯽ ﺩﮬﻮﺍﮞ ﺑﻦ ﮐﮯ ﺍﮌﺍ ﮐﺮﻭ
ﮐﺒﮭﯽ ﭘﮭﻮﻝ ﺑﻦ ﮐﮯ ﺍﮔﺎ ﮐﺮﻭ
ﮐﺒﮭﯽ ﺩﮬﻮﭖ ﺑﻦ ﮐﮯ ﮔﺮﺍ ﮐﺮﻭ
ﮐﺒﮭﯽ ﺷﺎﻡ ﺑﻦ ﮐﮯ ﭼﮭﺎﯾﺎ ﮐﺮﻭ
ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﮐﺒﮭﯽ ﭼﺎﻧﺪﺑﻦ ﮐﮯ ﺩﯾﮑﮭﺎ ﮐﺮﻭ
ﮐﺒﮭﯽ ﺗﺎﺭﻭﮞ ﻣﯿﮟ ﮨﻨﺴﺎ ﮐﺮﻭ
ﮐﺒﮭﯽ ﺳﺎﻧﺴﻮﮞ ﻣﯿﮟ ﺗﻢ ﺑﺴﺎ ﮐﺮﻭ
ﮐﺒﮭﯽ ﺁﻧﺴﻮ ﻣﯿﮟ ﺑﮩﺎ ﮐﺮﻭ
ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﮐﺒﮭﯽ ﺭﻧﮕﻮﮞ ﻣﯿﮟ ﺗﻢ ﺩﯾﮑﮭﺎ ﮐﺮﻭ
ﮐﺒﮭﯽ ﺧﻮﺷﺒﻮ ﺳﮯ ﭼﮭﻮﺍ ﮐﺮﻭ
ﮐﺒﮭﯽ ﻧﻈﺮﻭﮞ ﺳﮯ ﺗﻢ ﭼﮭﭙﺎ ﮐﺮﻭ
ﮐﺒﮭﯽ ﺳﭙﻨﻮﮞ ﻣﯿﮟ ﺑﮭﯽ ﻣﻼ ﮐﺮﻭ
ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﮐﺒﮭﯽ ﺁﺱ ﺑﻦ ﮐﮯ ﺩﻋﺎ ﮐﺮﻭ
ﮐﺒﮭﯽ ﺣﻮﺻﻠﮧ ﺑﮭﯽ ﺑﻨﺎ ﮐﺮﻭ
ﮐﺒﮭﯽ ﺍﻧﺘﻈﺎﺭ ﺑﮭﯽ ﺑﻨﺎ ﮐﺮﻭ
ﮐﺒﮭﯽ ﺳﺎﺗﮫ ﺳﺎﺗﮫ ﻣﯿﺮﮮ ﭼﻼ ﮐﺮﻭ
ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﮐﺒﮭﯽ ﺑﺎﺭﺷﻮﮞ ﻣﯿﮟ ﻣﻼ ﮐﺮﻭ
ﮐﺒﮭﯽ ﺑﺎﺩﻟﻮﮞ ﻣﯿﮟ ﭼﮭﭙﺎ ﮐﺮﻭ
ﮐﺒﮭﯽ ﮨﻢ ﺳﮯ ﺗﻢ ﮐﭽﮫ ﮔﻠﮧ ﮐﺮﻭ
ﮐﺒﮭﯽ ﺷﺮﻭﻉ ﺍﮎ ﻧﯿﺎ ﺳﻠﺴﻠﮧ ﮐﺮﻭ
ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﮐﺒﮭﯽ ﻟﮩﺮﻭﮞ ﻣﯿﮟ ﺑﮩﺎ ﮐﺮﻭ
ﮐﺒﮭﯽ ﺳﺎﺣﻠﻮﮞ ﭘﮧ ﻣﻼ ﮐﺮﻭ
ﮐﺒﮭﯽ ﯾﻮ ﮨﯽ ﯾﺎﺩ ﺁﯾﺎ ﮐﺮﻭ
ﮐﺒﮭﯽ ﺧﯿﺎﻟﻮﮞ ﺳﮯ ﻧﮧ ﺟﺎﯾﺎ ﮐﺮﻭ
ﻣﯿﺮﮮ ﮨﻤﺴﻔﺮ ﻣﯿﺮﮮ ﺳﺎﺗﮫ ﺗﻢ
ﺳﺒﮭﯽ ﻣﻮﺳﻤﻮﮞ ﻣﯿﮟ ﺭﮨﺎ ﮐﺮﻭ

Mein Ny Phoolon Se Bhara Dekha Hai Daman Apna

 

Mein Ny Phoolon Se Bhara Dekha Hai Daman Apna ...

Koe Khushboo Se Tabeer Bna  Dey Aa Kay....!!

Tumhen Malom Hai...

Tumhen Maloom hai ....

Hum ny  

Kise K hijar Mein

Ye Zindage Kesy Guzari hai 

Hr Ik Khushboo K Aahat Pr 

Guman Us kaGuzarta Tha 

Hr Ik Sat Pr Ye  Dil ......

Aankhon M ein Aa K Beth Jata Tha 

Kae Phelo Badelti Hue Khawishen Haton Ko Phelaey 

Dua'en Mangti Or Hanpti Dil Se 

Guzarti The 

Mager Jo Hijar Lahaq Hai 

Wo Jism-o-Jan K Dewaren Girata Hai

Umeed-o-phem Ke Ankhon Se 

Benaie K Sabhi Manzer

Khak Kerta Hai Or Mitata Hai

So Hum Bhe Khak Hain Or Khak Ke Taqdeer M likha ....!   

اگر کبھی میری یاد آئے

اگر کبھی میری یاد آئے

تو چاند راتوں کی نرم دل گیر روشنی میں 
کسی ستارے کو دیکھ لینا 
اگر وہ نخلِ فلک سے اُڑ کر تمہارے قدموں میں آگرے تو 
یہ جان لینا، وہ استعارہ تھا میرے دل کا، 
اگر نہ آئے۔۔۔۔۔۔۔۔۔ 
مگر یہ ممکن ہی کس طرح ہے کہ تم کسی پر نگاہ ڈالو 
تو اُس کی دیوارِ جاں نہ ٹوٹے 
وہ اپنی ہستی نہ بھول جائے 
اگر کبھی میری یاد آئے 
گریز کرتی ہوا کی لہروں پہ ہاتھ رکھنا 
میں خوشبوؤں میں تمہیں ملوں گا 
مجھے گلابوں کی پتیوں میں تلاش کرنا 
میں اوس قطروں کے آئنوں میں تمہیں ملوں گا 
اگر ستاروں میں،اوس قطروں میں، خوشبوؤں میں نہ پاؤ مجھ کو 
تو اپنے قدموں میں دیکھ لینا 
میں گرد ہوتی مسافتوں میں تمہیں ملوں گا 
کہیں پہ روشن چراغ دیکھوں تو جان لینا 
کہ ہر پتنگے کے ساتھ میں بھی بکھر چکا ہوں 
تم اپنے ہاتھوں سے اُن پتنگوں کی خاک دریا میں ڈال دینا 
میں خاک بن کر سمندروں میں سفر کروں گا 
کسی نہ دیکھے ہوئے جزیرے پہ رُک کے تم کو صدائیں دوں گا 
سمندروں کے سفر پہ نکلو تو اُس جزیرے پہ بھی اُترنا

Tujh se haaren ke tujhe maat karen تجھ سے ھاریں کہ تجھے مات کریں

تجھ سے ھاریں کہ تجھے مات کریں

تجھ سے خوشبو کے مراسم تجھے کیسے کہیں

میری سوچوں کا اُفق تیری محبت کا فسوں

میرے جذبوں کا دل تیری عنایت کی نظر

کیسے خوابوں کے جزیروں کو ہم تاراج کریں

تجھ کو بھولیں کہ تجھے یاد کریں

Hum bhi kya log hain khushbu ki riwayat se alag

Hum bhi kya log hain khushbu ki riwayat se alag_

Khud pe zahir na huey tujhko chupane ke liye___

Har shakhs pareshan sa hairan sa lage hai

ہرشخص پریشان سا حیراں سا لگے ہے

سائے کو بھی دیکھوں تو گریزاں سا لگے ہے

کیا آس تھی دل کو کہ ابھی تک نہیں ٹوٹی

جھونکا بھی ہوا کا ہمیں مہماں سا لگے ہے

خوشبو کا یہ انداز بہاروں میں نہیں تھا

پردے میں صبا کے کوئی ارماں سا لگے ہے

سونپی گئی ہر دولتِ بے دار اسی کو

یہ دل جو ہمیں آج بھی ناداں سا لگے ہے

آنچل کا جو تھا رنگ وہ پلکوں پہ رچا ہے

صحرا مری آنکھوں کو گلستاں سا لگے ہے

پندار نے ہر بار نیا دیپ جلایا

جو چوٹ بھی کھائی ہے وہ احساں سا لگے ہے

ہر عہد نے لکّھی ہے مرے غم کی کہانی

ہر شہر مرے خواب کا عنواں سا لگے ہے

تجھ کو بھی ادا جراؑتِ گفتار ملی ہے

تو بھی تو مجھے حرفِ پریشاں سا لگے ہے

Gaey mosam mein jo khiltey they gulabon ki tarha

گئے موسم میں جو کِھلتے تھے گلابوں کی طرح

دل پہ اُتریں گے وہی خواب عذابوں کی طرح

راکھ کے ڈھیر پہ اب رات بسر کرنی ہے

جل چکے ہیں مرے خیمے‘مرے خوابوں کی طرح

ساعتِ دید کے عارض ہیں گلابی اب تک

اولیں لمحوں کے گُلنار حجابوں کی طرح

وہ سمندر ہے تو پھر رُوح کو شاداب کرے

تشنگی کیوں مجھے دیتا ہے سرابوں کی طرح

غیر ممکن ہے ترے گھر کے گلابوں کا شمار

میرے رِستے ہُوئے زخموں کے حسابوں کی طرح

یاد تو ہوں گی وہ باتیں تجھے اب بھی لیکن

شیلف میں رکھی ہُوئی کتابوں کی طرح

کون جانے نئے سال میں تو کس کو پڑھے

تیرا معیار بدلتا ہے نصابوں کی طرح

شوخ ہوجاتی ہے اب بھی تری آنکھوں کی چمک

گاہے گاہے ‘ ترے دلچسپ جوابوں کی طرح

ہجر کی شب ‘ مری تنہائی پہ دستک دے گی

تیری خوشبو ‘مرے کھوئے ہوئے خوابوں کی طرح

Ik ik fard december tha

اکاک فرد دسمبر تھا

بس اک میری بات نہیں تھی سب کا درد دسمبر تھا

برف کے شہر میں رہنے والا اک اک فرد دسمبر تھا

پچھلے سال کے آخر میں بھی حیرت میں ہم تینوں تھے

اک میں تھا ، اک تنہائی تھی ، اک بے درد دسمبر تھا

اپنی اپنی ہمت تھی اور اپنی اپنی قسمت تھی

ھاتھ کسی کے نیلے تھے اور پیلا زرد دسمبر تھا

پھولوں پر تھا سکتہ طاری اور خوشبو سہمی سہمی تھی

خوفزدہ تھا گلشن سارا اور دہشت گرد دسمبر تھا

یہ جو تیری آنکھ میں پانی ، یہ جو تیری بات میں سردی

اتنا ہمیں بتاؤ تم ، کیا ہمدرد دسمبر تھا؟

ACHA NAHI LAGTA

"ACHA NAHI LAGTA"

Lafzun mein Aag lagana

Phool Khilana

Mein Janti Hun

Harfun sey Mehal bnana

Shehar sajana

Mujhey aata hay

Fiqrun sey Jazbay chalkaana

Raaz btana

Meri dastras mein hay

Jazbun ko hawa deney

AUR

Sulaa dene ka Hunar

mujhey aata hay

Mgr

Mujhay

Bin Hiddat kay Aag lagana

Bin Khushboo kay Phool Khilaana

Kachay Mehal Bnaa K Shehar Sjaana

Ksi Kay Jazbay

Pamaal krna

MUHABBATUN KAY RAAZ DAY K

mukar jana

ACHA NAHI LAGTA!!!!!!

Teri Yaad Ki Intahao'n Mein

Teri Yaad Ki Intahao'n Mein..

Aaj Phir Hy Dill Sazaao'n Mein..

Phool Toota Tu Bikhar Jaye Ga..

Khushboo Tu Urr Jaye Ge Fizao'n Mein..

Milla B Tu Gairon Ki Tarha Milla..

Manga Tha Jisy Me Ny Duao'n Mein..

Maal O Zar Ki Aseer Duniya Hy..

Kon Janky Ga Yahan Wafao'n Mein..

Hum Fakeero'n Ne Tu Koch Karna Hy..

Yaad Rakhna Ahel E Wafa Duao'n Mein..

Jany Wale Kahan Rukty Hain Amber..

Asar Rehta Hy Kahan Iltejao'n Mein..