ہر ایک خوابِ سفر آنسوؤں میں ڈھل جائے

ہر ایک خوابِ سفر آنسوؤں میں ڈھل جائے

میں جس کے ساتھ چلوں راستہ بدل جائے

عجیب رسم ہے دنیا میں آب و دانے کی

لگائے تخم کوئی اور کسی کو پھل جائے

وہ پھول خواب جنہیں دیکھنے میں عمر لگے

ذرا سی دیر کو آئے وہ اور مَسل جائے

عجب گھٹن سی تھی دل میں تو یہ خیال آیا

تھمے جو آج یہ دھڑکن تو جی سنبھل جائے

جو میرے ساتھ ہوا میں ہی جانتا ہوں عدیل

کسی کے ساتھ ہو یہ سب تو دم نکل جائے

خواب

صبح کے اجالوں میں ڈھونڈتا ھے تعبیریں

 دل کو کون سمجھاۓ خواب خواب ھوتے ھیں

یہ تھکا تھکا سا جو چاند ہے

 

یہ تھکا تھکا سا جو چاند ہے

 

یہ تو خواب ہے ، کسی آنکھ کا

 ،

جسے جاگنے کی سزا ملی

 ،

یہ جو چاند ہے ، یہ عذاب ہے

 ،

وہ عذاب

 ،

جس نے ملا دیا ہے گلاب لمحوں کو خاک میں

 ،

یہ جو چاند ہے ، یہ جواب ہے

 ،

کسی اس طرح کے سوال کا

 ،

کہ جو آج تک نا اٹھا کبھی کسی زہن میں

 ،

یہ جو چاند ہے

 ،

یہ تو باب ہے کسی درد کا

 ،

کسی حجر کا ، کسی وصل کا

 ،

کسی زرد زرد سی فصل کا

 ،

یہ تھکا تھکا سا جو چاند ہے

 ،

کبھی بن پڑے تو یہ اس سے پوچھ کے دیکھنا

 

اِسے گہری گہری سی نیند سے

 ،

بھلا کس نے آ کے جگا دیا ؟

 

اِسے روگ کس نے لگا دیا . . . ؟

تُو نے کہا تھا عشق ڈھونگ ہے

تُو نے کہا تھا عشق ڈھونگ ہے

 
تجھے عشق ہو خدا کرے

 
کوئی تجھ کو اُس سے جُدا کرے

 
تيرے ہونٹ ہنسنا بھول جائيں

 
تيری آنکھ پُرنم رہا کرے

 
تُو اسکی باتيں کيا کرے

 
تُو اُسکی باتيں سُنا کرے

 
اُسے ديکھ کر تُو رُک پڑے

 
وہ نظر جھکا کر چلا کرے

 
تُجھے ہجر کی وہ جھڑی لگے

 
تُو ملنے کی ہر پل دُعا کرے

 
تيرے خواب بکھريں ٹُوٹ کر

 
تُو کِرچی کِرچی چُنا کرے

 
تُو نگر نگر پھرا کرے

 
تُو گلی گلی صدا کرے

 
تُجھے عشق ہو پھر يقين ہو

 
اُسے تسبيعوں ميں پڑھا کرے

خواہش ہے کے اس طور سے جیون کو گزاروں

خواہش ہے کے اس طور سے جیون کو گزاروں
ہر عکس تیرے حسن کا آنکھوں میں اُتاروں
وہ تشنہ لبی ہے کے سمجھ کچھ نہیں آتا
دریا کو صدا دوں کے سمندر کو پُکاروں

جیون بھی تو الجھی ہوئی ڈوروں کی طرح ہے
اس سوچ میں گم ہوں کے اسے کیسے گزاروں ؟
اب اس کے سوا میرا کوئی خواب نہیں ہے
ہر سانس کو خوشنودی جاناں پہ میں واروں
بہتر ہے کے اب موت کو سینے سے لگا لوں
اس من کو تیرے ہجر میں اب کتنا میں ماروں
پہلے تو فقط حسرت دیدار تھی واثق
اب یہ بھی طلب ہے کے اسے جیت کے ہاروں

جو میری آنکھوں سے خواب دیکھو

جو میری آنکھوں سے خواب دیکھو

تو ایک شب بھی نا سو سکو گے

کے لاکھ چاہو نا ہنس سکو گے

ہزار چاہو نا رو سکو گے

کے خواب کیا ہیں عذاب ہیں یہ

میرے دکھوں کی کتاب ہیں یہ

رفاقتیں ان میں چھوٹی ہیں

محبتیں ان میں روٹھتی ہیں

اذیتیں ان میں پھوٹتی ہیں

انہی کے ڈر سے خزاں ہیں جذبے

انہی سے شاخیں سی ٹوٹتی ہیں

غموں کی بندش ہیں خواب میرے

دکھوں کی بارش ہیں خواب میرے

ابل رہا ہے دکھوں کا لاوا

رہیں آتَش ہیں خواب میرے

خیال سارے جھلس گئے ہیں

سلگتی خواہش ہیں خواب میرے

اکھڑتی سانسیں ہیں زندگی کی

لہو کی سازش ہیں خواب میرے

جو میری آنکھوں سے خواب دیکھو

تو ایک شب بھی نا سو سکو گے

Barka’ein Meri Piyaas Ko Aksar Teri Ankhein..!!

Barka’ein Meri Piyaas Ko Aksar Teri Ankhein..!!
Sehra Mera Chehra Hay, Samander Teri Ankhein..!!

Phir Kaun Bhala Daad-e-Tabassum Inhein Dega..!!
Roo’yein Ghi Buhat Mujse Bichar Kar Teri Ankhein..!!

Khali Jo Howi Shaam-e-Gharibaan Ki Hatheli ..!!
Kia Kia Na Lutaati Rahein Guhar Teri Ankhein..!!

Boojal Nazar Aati Hein Bazahir Muje Laikin..!!
Khulti Hein Buhat Dil Mein Uther Kar Teri Ankhein..!!

Ab Takh Meri Yadoon Say Mitaye Nahe Mitt’ta
Bheegi Howi Ek Shaam Ka Manzer, Teri Ankhein..!!

Mumkin Hoo Toa Ek Taza Ghazal Aur Bhi Keh Loon..!!
Phir Oarh Nah Lein Khuwaab Ki Chader, Teri Ankhein..!!

Mein Sang-e-Sift Eik Hi Rastey Mein Khara Hoon..!!
Shayid Muje Dekhein Ghi Palat Kat Teri Ankhein…!!

Yun Dekhtey Rehna Ussey Acha Nahe Mohsin..!!
Woh Kaanch Ka Pekar Hay Toa Pather Teri Ankhein..!!

وفا......Wafa

میں سارے جذبے

تمام وعدے

دعائیں ساری

سبھی ارادے

ہر اک تمنا

ہر ایک خواہش

خواب اپنا

خمار سارے

محبتوں کے نصاب سارے

جو تم کو دے دوں

تو اتنا کیہ دو

وفا کرو گے

ہم ترے خواب دیکھتے رہیں گے

سو رہیں گے کہ جاگتے رہیں گے

ہم ترے خواب دیکھتے رہیں گے

تو کہیں اور ڈھونڈتا رہے گا

ہم کہیں اور ہی کھلے رہیں گے

راہ گیروں نے رہ بدلنی ہے

پیڑ اپنی جگہ کھڑے رہیں گے

لوٹنا کب ہے تونے پر تجھ کو

عادتاَ ہی پکارتے رہیں گے

برف پگھلے گی اور پہاڑوں میں

سالہا سال راستے رہیں گے

تجھ کو چھونے کے بعد کیا ہوگا

دیر تک ہاتھ کانپتے رہیں گے

سبھی موسم ہیں دسترس میں تری

تو نے چاہا تو ہم ہرے رہیں گے

ایک مدت ہوئی ہے تجھ سے ملے

تو تو کہتا تھا رابطے رہیں گے

تجھ کو پانے میں مسئلہ یہ ہے

تجھ کو کھونے کے وسوسے رہیں گے

شکریہ مستقل مزاجی کا

ہم ترے ہیں تو ہم ترے رہیں گے

ادھر دیکھو میرے چہرے پہ پھیلے اِس کرب کو

ادھر دیکھو

 میرے چہرے پہ پھیلے ہر طرف
اِس کرب کو دیکھو
اندھیری رات کے غم کو
میں کیسے جھیل آئی ہوں
ہتھیلی کی لکیروں کو
ذرا پڑھ کر یہ بتلاؤ!
ابھی قسمت میں میری
اور کتنا صبر لکھا ہے
سنو.... اندر میرے
اِک گونجتی وحشت کا ڈیرہ ہے
مری سنسان آنکھوں پہ
ترے خوابوں کا پہرہ ہے
تمہارے وصل کی موہوم سی امید پر میری
ابھی تک سانس چلتی ہے
مری آنکھوں کے یہ آنسو
مری پلکوں پہ ڈھلنے کو
بہت بے تاب رہتے ہیں
کہو خاموش کیوں ہو تم؟
کیا اب خواہش نہیں باقی؟
یا سب افسانہ لگتا ہے؟
مجھے کیوں وہم ہوتا ہے؟
کہ مجھ سے کھو چکے ہو تم؟
بہت ہی بے وفا ہو تم
تمہیں واپس نہیں آنا!
مگر! "یہ جھوٹ ہے" کہہ دو
کہ یہ وقتی سا وقفہ ہے
بہت ہی جلد گزرے گا
تم اپنا نام لکھ دو گے
میرے اس نام کے آگے
کہو تم وقف کر دوگے
محبت ...نام پر میرے
کہو تم وقف کر دوگے
کہو تم وقف کر دوگے

مناہلؔ فاروقی

اب حرفِ تمنّا کو سماعت نہ مِلے گی

اب حرفِ تمنّا کو سماعت نہ مِلے گی

اب حرفِ تمنّا کو سماعت نہ مِلے گی
 

بیچو گے اگر خواب تو قیمت نہ مِلے گی

تشہیر کے بازار میں اے تازہ خریدار
 

زیبائشیں مِل جائیں گی قامت نہ مِلے گی

لمحوں کے تعاقب میں گُزر جائیں گی صدیاں
 

یُوں وقت تو مِل جائے گا مُہلت نہ مِلے گی

سوچا ہی نہ تھا یُوں بھی اُسے یاد رکھیں گے
 

جب اُس کو بُھلانے کی بھی فرصت نہ مِلے گی

تا عمر وہی کارِ زیاں عشق رہا یاد
 

حالانکہ یہ معلوم تھا اُجرت نہ مِلے گی

تعبِیر نظر آنے لگی خواب کی صُورت
 

اب خواب ہی دیکھو گے بشارت نہ مِلے گی

آئینہ صفت وقت! تِرا حُسن ہیں ہم لوگ
 

کل آئینے ترسیں گےتو صُورت نہ مِلے گی

آنکھیں

وہ آنکھیں
جھیل سی آنکھیں
بہت گہری ہیں
ان میں تیرتے آنسو
کئی مفہوم رکھتے ہیں
وہ آنکھیں
ایک مدت سے
بدلتے موسموں
بنتے،بگڑتے منظروں کی زد میں ہیں
لیکن
انہیں کچھ خواب
اپنے مخملیں احساس سے مسحور رکھتے ہیں
وہ آنکھیں
منتظر ہیں،کب کوئی آئے
حسیں خوابوں کو اپنے سحر سے
تعبیر میں بدلے
بہت سی ان کہی باتوں کے در کھولے
بہت سے بے نشاں جذبوں کو
آحساس شراکت دے

وہ گہری جھیل سی آنکھیں
کئی قصے سنانے کے لیے بے چین پھرتی ہیں
وہ گہری جھیل سی آنکھیں
کئی مفہوم رکھتی ہیں

 

اے اجنبی

سنو! 

اے اجنبی سے مہرباں 

 لیکن بہت اپنے
بہت دل کے سخی ہو تم
تمہاری آنکھ کے ہر رنگ میں
مرہم نما کچھ خواب بستے دیکھتی ہوں میں
تمہیں چھو کر نہیں دیکھا
مگر۔۔۔۔۔ میں اپنی سانسوں میں
عجب سی خوشبوئوں کے لمس پاتی ہوں
کبھی تم اپنے لہجے میں
کسی گزری مسافت کی تھکن جب گھولتے ہو تو۔!
میں اپنی خواہشوں کا ہر قدم بوجھل سا پاتی ہوں
تمہاری آنکھ میں کیسا انوکھا رنگ ہے پیارے؟
میرے خوابوں کے رنگوں سا
یا شائد پھر کوئی تعبیر لگتا ہے
تمہاری بات میں پھولوں سی کومل دلفریبی ہے
انہیں چن کر خیالوں میں کئی گجرے بناتی ہوں
انہیں جب دل میں دہرائوں۔۔۔
مہک تازہ ہی پاتی ہوں
مگر۔۔۔۔پیارے!
حقیقت.. زہر ہے پھر بھی حقیقت ہے
میرے دل کے کسی کونے میں۔۔۔
اِک لڑکی۔۔۔۔۔۔
بہت سہمی سی رہتی ہے
جسے بدلی رتوں کو دیکھنے سے خوف آتا ہے
کہ جسکے ذرد آنچل کے ۔ڈھلکتے ایک پلو میں
بندھی ہیں کرچیاں۔۔۔۔
یادوں کی۔۔۔خوابوں کی۔۔۔عذابوں کی
وہ یہ کہنے سے ڈرتی ہے
سنو !
اے اجنبی اپنے۔۔میرا آنچل نہیں اتنا
نئے خوابوں کی بکھری کرچیاں اس میں سمو پائیں
میری آنکھیں بہت بنجر۔۔
یہ اتنا رو نہ پائیں گی
کہ تازہ زخم دھو پائیں
مجھے تو راس ہے بس ایک ہی موسم
زیاں موسم۔۔۔خزاں موسم
۔یا شائد رائیگاں موسم

ﮐﺴﯽ ﺷﻤﻊ ﭘﮧ ﭘﺮﻭﺍﻧﮧ____ ﮐﻮﺋﯽ ﻗﺼﺪﺍً ﻧﮩﯿﮟ ﻣﺮﺗﺎ

ﮐﺴﯽ ﺷﻤﻊ ﭘﮧ ﭘﺮﻭﺍﻧﮧ____ ﮐﻮﺋﯽ ﻗﺼﺪﺍً ﻧﮩﯿﮟ ﻣﺮﺗﺎ ...
ﺍﺳﮯﺗﻮ ﻭﺻﻞ ﮐﮯﻟﻤﺤﻮﮞ ﮐﯽ ﺣﺴﺮﺕ ﻣﺎﺭ ﺩﯾﺘﯽ ﮬﮯ ...
ﯾﮧ ﺳﭻ ﮨﮯ ﮐﮧ،، ﺗُﻮ ﻟﻔﻈﻮﮞ ﮐﺎ ﺳﮩﺎﺭﺍ ﺗﻮ ﻧﮩﯿﮟ ﻟﯿﺘﺎ ...
ﺗﯿﺮﮮ ﺧﺎﻣﻮﺵ ﻟﮩﺠﮯ ﮐﯽ ﻓﺼﺎﺣﺖ ﻣﺎﺭ ﺩﯾﺘﯽ ﮬﮯ ...
ﻣﯿﺮﮮ ﭘﯿﻐﺎﻡ ﮐﺎ ﻣﻄﻠﺐ ﻭﮦ ﻧﮧ ﺳﻤﺠﮭﮯ ﺗﻮ ﭼﭗ ﺭﮨﻨﺎ ...
ﮐﮧ ﺍﮐﺜﺮ ﺍﯾﺴﮯ ﻣﻮﻗﻌﻮﮞ ﭘﺮ ﻭﺿﺎﺣﺖ ﻣﺎﺭ ﺩﯾﺘﯽ ﮬﮯ ...
ﺧﺪﺍ ﮐﺎ ﻧﺎﻡ ﺑﮭﯽ ﺍﻭﺭ ﻧﯿﮏ ﻧﺎﻣﯽ ﮐﯽ ﺗﻤﻨّﺎ ﺑﮭﯽ ...
ﺍﺭﮮ ﺯﺍﮨﺪ،،، ﺩﮐﮭﺎﻭﮮ ﮐﯽ ﻋﺒﺎﺩﺕ ﻣﺎﺭ ﺩﯾﺘﯽ ﮬﮯ ...
ﺗﻤﮩﯿﮟ ﻣﺮﺩﮦ ﺿﻤﯿﺮﻭﮞ ﭘﺮ ﺗﻌﺠﺐ ﮐﺲ ﻟﺌﮯ ﺍﺗﻨﺎ؟؟؟؟
ﯾﮧ ﺑﮯ ﻭﺟﮧ ﻧﮩﯿﮟ ﻣﺮﺗﮯ ﺿﺮﻭﺭﺕ ﻣﺎﺭ ﺩﯾﺘﯽ ﮬﮯ ...
ﺳﻨﻮ ﻋﮩﺪِ ﺷﺒﺎﺏ ﺁﯾﺎ ﮬﮯ،،،،،،،، ﺍﺏ ﻣﺤﺘﺎﻁ ﮨﻮ ﺟﺎﺅ ....
ﻧﺌﯽ ﮐﻠﯿﻮﮞ ﮐﻮ ﺑﻬﻨﻮﺭﻭﮞ ﮐﯽ ﺷﺮﺍﺭﺕ ﻣﺎﺭ ﺩﯾﺘﯽ ﮬﮯ ....
ﺍُﺳﮯﮐﮩﻨﺎ ﮐﮧ ﺩﻥ ﮈﮬﻠﻨﮯﮐﻮ ﮨﮯ ﺍﺏ ﮔﮭﺮﮐﻮ ﻟﻮﭦ ﺁﺋﮯ ....
ﺍﻧﺪﮬﯿﺮﯼ ﺭﺍﺕ ﻣﯿﮟ،،،، ﻟﻤﺒﯽ ﻣﺴﺎﻓﺖ ﻣﺎﺭ ﺩﯾﺘﯽ ﮬﮯ ...
ﺧﯿﺎﻟﻮﮞ ﻣﯿﮟ ﺳﮩﯽ ﻟﯿﮑﻦ،،، ﻭﮦ ﻣﯿﺮﮮ ﺳﺎﻣﻨﮯ ﺗﻮ ﮬﮯ ...
ﻣﺠﮭﮯ ﺧﻮﺍﺑﻮﮞ ﻣﯿﮟ ﺭﮨﻨﮯ ﺩﻭ ﺣﻘﯿﻘﺖ ﻣﺎﺭ ﺩﯾﺘﯽ ﮬﮯ ...
ﯾﮩﺎﮞ ﺩﻝ ﺑِﮏ ﺭﮨﮯﮨﯿﮟ ﺩﺭﮨﻢ ﻭﺩﯾﻨﺎﺭ ﮐﮯﻋِﻮَﺽ ...
ﻧﻔﻊ ﮨﻮ ﯾﺎ ﺧﺴﺎﺭﮦ ﯾﮧ ﺗﺠﺎﺭﺕ ﻣﺎﺭ ﺩﯾﺘﯽ ﮬﮯ ...
ﻣﯿﺮﮮ ﺷﺎﻧﮯ ﭘﮧ ﺳﺮ ﺭﮐﮫ ﮐﺮ ﮐﺒﮭﯽ ﺟﯽ ﺑﮭﺮ ﮐﮧ ﺭﻭﺩﯾﻨﺎ ...
ﮐﮧ ﺳﺐ ﮐﭽﮫ ﺿﺒﻂ ﮐﺮﻧﮯ ﮐﯽ ﯾﮧ ﻋﺎﺩﺕ ﻣﺎﺭ ﺩﯾﺘﯽ ﮬﮯ ....
ﺗﻢ ﺍﻧﺠﺎﻡِ ﻣﺤﺒﺖ ﮔﺮ ﮐﺴﯽ ﻋﺎﺭﻑ ﺳﮯ ﭘﻮﭼﮭﻮ ﮔﮯ ....
ﺗﻮ ﺗﻢ ﺑﮭﯽ ﺟﺎﻥ ﺟﺎﺅ ﮔﮯ،، ’ ﻣﺤﺒﺖ ﻣﺎﺭ ﺩﯾﺘﯽ ﻫﮯ

یاد

چناب ... تجھ کو یاد ہے.. ؟؟
کہ تیرے ساحلوں کی نرم ریت پر،
ہوئی تھیں مہرباں وہ انگلیاں ۔ ۔ ۔
انھی کی ایک پور نے جو رقص عشق میں کیا،
اک اسم پھر امر ہوا ۔ ۔ ۔
چناب ... تیری ریت پر ..

وہ اسم اب کہیں نہیں ۔۔۔
بتا ! وہ ہاتھ کیا ہوۓ.. ؟؟
وہ نقش سب ہوا ہوۓ
وہ خواب سب دھواں ہوۓ
نہیں نہیں، یہ جھوٹ ہے.. 

یہ خواب ہے عجیب سا
ابھی بھی کچھ نہیں گیا
میں چاہتا ہوں آنکھ جب کھلے تو
نرم ریت پر میرا ہی ایک نام ہو ...

سب کچھ نام تمھارے

آج یہ سب کچھ نام تمھارے

ساحل

ریت

سمندر

لہریں

بستی

دوستی

صحرا

دریا

خوشبو

موسم

پھول

دریچے

بادل

سورج

چاند

ستارے

آج یہ سب کچھ نام تمھارے

خواب کی باتیں

یاد کے قصے

سوچ کے پہلو

نیند کے لمحے

درد کے آنسو

چین کے نغمے

اڑتے وقت کے بہتے دھارے

روح کی آہٹ

جسم کی جنبش

خون کی گردش

سانس کی لرزش

آنکھ کا پانی

چاہت کے یہ عنوان سارے

آج یہ سب کچھ نام تمھارے

کہا نہ کچھ عرض مدعا پر، وہ لے رہے دم کو مسکرا کر

کہا نہ کچھ عرض مدعا پر، وہ لے رہے دم کو مسکرا کر
سنا کئے حال چپکے چپکے، نظر اُٹھائی نہ سر اُٹھا کر
نہ طور دیکھے، نہ رنگ برتے غضب میں آیا ہوں دل لگا کر
وگر نہ دیتا ہے دل زمانہ یہ آزما کر، وہ آزما کر
تری محبت نے مار ڈالا ہزار ایذا سے مجھ کو ظالم
رُلا رُلا کر، گھلا گھلا کر، جلا جلا کر، مٹا مٹا کر
تمہیں تو ہو جو کہ خواب میں ہو، تمہیں تو ہو جو خیال میں ہو
کہاں چلے آنکھ میں سما کر، کدھر کو جاتے ہو دل میں آکر
ستم کہ جو لذت آشنا ہوں، کرم سے بے لطف، بے مزا ہوں
جو تو وفا بھی کرے تو ظالم یہ ہو تقاضا کہ پھر جفا کر
شراب خانہ ہے یہ تو زاہد، طلسم خانہ نہیں جو ٹوٹے
کہ توبہ کر لی گئی ہے توبہ ابھی یہاں سے شکست پاکر
نگہ کو بیباکیاں سکھاؤ، حجاب شرم و حیا اُٹھاؤ
بھلا کے مارا تو خاک مارا، لگاؤ چوٹیں جتا جتا کر
نہ ہر بشر کا جمال ایسا، نہ ہر فرشتے کا حال ایسا
کچھ اور سے اور ہو گیا تو مری نظر میں سما سما کر
خدا کا ملنا بہت ہے آساں، بتوں کا ملنا ہے سخت مشکل
یقیں نہیں‌ گر کسی کو ہمدم تو کوئی لائے اُسے منا کر
الہٰی قاصد کی خیر گذرے کہ آج کوچہ سے فتنہ گر کے
صبا نکلتی ہے لڑکھڑا کر، نسیم چلتی ہے تھرتھرا کر
جناب! سلطانِ عشق وہ ہے کرے جو اے داغ اک اشارہ
فرشتے حاضر ہوں دست بستہ ادب سے گردن جھکا جھکا کر —

محبت کیا ھے؟

محبت کیا ھے؟

محبت کیسی ھوتی ھے؟

سنتے آئے ھیں کہ

محبت

گلاب پہ شبنم کے جیسی ھوتی ھے.

محبت ٹوٹے دلوں پہ مرہم لگاتی ھے..

محبت غیروں کو اپنا بناتی ھے..

محبت چٹانوں کو بھی

موم کی طرح پگھلاتی ھے.

یہ صحراؤں کو گلستان بناتی ھے.

محبت پت جھڑ میں نویدِ بہار لاتی ھے..

محبت چکور کو حد پرواز سے گزرنے پر ُاُکساتی ھے ..

یہ پروانے کو شمع پہ مٹنا سکھاتی ھے..

محبت سادہ سی آنکھوں کو

حسین خوابوں سے سجاتی ھے...

محبت عام سے چہرے کو

اپنا نور بخشتی ھے...

"""لیکن"""

چلو دیکھیں ھم آج اسکا روپ دوسرا....

::::محبت.::::

گلاب سے چہرے سے شبنم

اک پل میں نچوڑ لیتی ھے.

یہ خوش باش سے دل کو

زخمِ ناسُور سا دیتی ھے.

محبت پل بھر میں اپنوں سے

کسی کو باغی کرتی ھے.

کبھی یہ موم سے دل کو

پتھر کا بناتی ھے.

یہ اپنی سے کرنے پہ اگر آجائے تو

بہارِ رُت میں بھی جھڑی ساون کی لگاتی ھے.

محبت دیوانگی میں اُڑتے چکور کو...

بے دم کر کے گراتی ھے..

محبت پروانے کی معصومیت کو.

ھر شمع پہ لُٹاتی ھے...

یہ سادہ آنکھوں کو حسین خوابوں سے سجا کر..

پھر ھر اک خواب کو نُوچ لیتی ھے..

محبت پُرنُور چہروں کے دیپ بُجھاتی ھے..

محبت ایسی بھی تو ھوتی ھے...

یہ کیوں دل کو ویران کرتی ھے...

کیونکر برباد کرتی ھے...

کسی کی یوں نھیں سنتی....

کیوں ھر بار اپنی سی کرتی ھے...

Ek Khawab Ajab Sa Dekha Hai

Ek khwab ajab sa dekha tha
Hum us Din se bezaar Piya

Ab nend bhi Hum se rooth gai
Phir kaise ho Didaar Piya

Ab keh dalo to behtar hai

Jo krna hai Iqrar Piya

Dil Ghum se hi phatt jae ga
Kr dena na Inkar Piya

In ashkon ko in Ankhon ki
Na rok sake Diwaar Piya

Agr raste seedhe sadhay hen
To chalna kyun Dushwar Piya

Haan Jism to apna laut aya
Pr bhatke Rooh us paar Piya!!!

Hum Aksar Sab Se Kehte hain

Hum Aksar Sab Se Kehte hain
Q Khwab Adhore Rehte Hain .?
Q Yaad Kisi Ki Ati Hay ?
Q Dard Jigar Mein Hota Hy?
Q Qadam Behkne Lagte Hain?
Ham Jab B Chalne Lagte Hain
Q Palken Num Ho Jati Hain?
Ham Jab B Hansne Lagte Hain
Aksr Raaton Ki Tareeki.
Yaadon K Zeher Ugalti Hy.
Q Hijar Ka Mosam Ata Hy ?
Jab Wasal Ki Batain Hoti Hain..
Q Log Deewane Hote Hain?
Q Dard Hazaron Sehte Hain?

Hum Aksar Sab Se Kehte Hain.
Q Khwab Adhore Rehte Hain........!!