دُشمنِ جاں کئی قبیلے ہُوئے

دُشمنِ جاں کئی قبیلے ہُوئے
پھر بھی خُوشبو کے ہاتھ پِیلے ہُوئے
بد گُمانی کے سَرد موسم میں
میری گُڑیا کے ہاتھ نِیلے ہُوئے

جب زمیں کی زباں چٹخنے لگی
تب کہیں بارشوں کے حیلے ہُوئے
وقت نے خاک وہ اُڑائی ہے
شہر آباد تھے جو ٹِیلے ہُوئے
جب پرندوں کی سانس رُکنے لگی
تب ہواؤں کے کُچھ وسیلے ہُوئے
کوئی بارش تھی بد گُمانی کی
سارے کاغذ ہی دِل کے گَیلے ہُوئے
- نوشی گیلانی

جو اس کے چہرے پہ رنگ حیا ٹھہر جائے

جو اس کے چہرے پہ رنگ حیا ٹھہر جائے

تو سانس، وقت، سمندر، ہوا ٹھہر جائے

وہ مسکرائے تو ہنس ہنس پڑیں کئی موسم

وہ گنگنائے تو باد صبا ٹھہر جائے

سبک خرام صبا چال چل پڑے جب بھی

ہزار پھول سر راہ آ ٹھہر جائے

وہ ہونٹ ہونٹوں پہ رکھ دے اگر دم آخر

مجھے گماں ہے کہ آئی قضا ٹھہر جائے

میں اس کی آنکھوں میں جھانکوں تو جیسے جم جاؤں

وہ آنکھ جھپکے تو چاہوں ذرا ٹھہر جائے

اب حرفِ تمنّا کو سماعت نہ مِلے گی

اب حرفِ تمنّا کو سماعت نہ مِلے گی

اب حرفِ تمنّا کو سماعت نہ مِلے گی
 

بیچو گے اگر خواب تو قیمت نہ مِلے گی

تشہیر کے بازار میں اے تازہ خریدار
 

زیبائشیں مِل جائیں گی قامت نہ مِلے گی

لمحوں کے تعاقب میں گُزر جائیں گی صدیاں
 

یُوں وقت تو مِل جائے گا مُہلت نہ مِلے گی

سوچا ہی نہ تھا یُوں بھی اُسے یاد رکھیں گے
 

جب اُس کو بُھلانے کی بھی فرصت نہ مِلے گی

تا عمر وہی کارِ زیاں عشق رہا یاد
 

حالانکہ یہ معلوم تھا اُجرت نہ مِلے گی

تعبِیر نظر آنے لگی خواب کی صُورت
 

اب خواب ہی دیکھو گے بشارت نہ مِلے گی

آئینہ صفت وقت! تِرا حُسن ہیں ہم لوگ
 

کل آئینے ترسیں گےتو صُورت نہ مِلے گی

Toot Jaey Ge Teri Chup K Aadat Us Waqt

Toot Jaey Ge Teri Chup K Aadat Us Waqt....

Jub Mily Ge Khaber K Tujh Ko Yaad Kerny Waly Jhan Chor Gaey....!!