محبت وہ آسمانوں پر رقم احساس ہے جاناں

محبت وہ آسمانوں پر رقم احساس ہے جاناں

 کہ جس کی روشنی سےیہ زمیں بے حد منور ہے

 کہ جسکی ضوفشانی سے یہاں ہر احساس جھلمل ہے..
محبت بحر باراں اور قلزم کو لہر دیتی ..
صحرا دلوں پہ یہ معصوم جب اپنا نقش دھرتی ہے
تو بنجر رہگزر بھی آنکھ کھولے کسمساتی ہے 
 کوئ آہٹ جامد دل کی ساعت گدگداتی ہے
 محبت
 دعا کی چلمن میں مقدس سی چمکتی ہے.
 کبھی چپ میں مچلتی سی ..
اشکوں میں دمکتی ہے..
محبت یاد کا قصہ
 .. خلوت جلوت بناتا ہے..
محبت آس کا حصہ..
 سکینت گدگداتا ہے ..
محبت آنکھ میں خاموش سلگی چپ اگر ہے تو..
محبت ہر صدا کی خامشی سی بھی ابھرتی ہے..
محبت خود میں مرتی اور جیتی زندگی سی ہے..
محبت کیف میں سمٹی کبھی اک بندگی سی ہے..
محبت ہے آس کا آنچل..
 محبت احساس میں صندل ..
محبت ہی تو تپتی راہ میں کندن بناتی ہے..
محبت ہے عطا پر ہاں محبت آزماتی ہے..
اگر یہ آزماتی ہے اور سچ کو تم وفا کر دو
تو یہی وہ ساتھ ہے جاناں جو ہر دم نبھاتی ہے..

حیا ایشم

کبھی ناراض مت ہونا

کبھی ناراض مت ہونا 

کبھی ناراض مت ہونا 
گلے چاہے بہت کرنا
رلانا اور بہت لڑنا

سنو ناراض مت ہونا
کبھی ایسا جو ہو جائے
کے تیری یاد سے غافل کسی ! لمحے جو ہو جاؤں
بنا دیکھے تیری صورت
کسی شب میں جو سو جاؤں
تو سپنوں میں چلے آنا
مجھے احساس دلا جانا

" سنو ناراض مت ہونا "
کبھی ایسا جو ہو جائے
جنہیں کہنا ضروری ہو
وہ مجھ سے لفظ کھو جائیں
انا کو بیچ مت لانا
میری آواز بن جانا
" کبھی ناراض مت ہونا

پُھول تھے رنگ تھے ،لمحوں کی صباحت ہم تھے

پُھول تھے رنگ تھے ،لمحوں کی صباحت ہم تھے

ایسے زندہ تھے کہ جینے کی علامت ہم تھے

سب خِرَد مند بنے پھرتے تھے

بس تِرے شہر میں اِک صاحبِ وحشت ہم تھے

نام بخشا ہے تجھے کِس کے وفُورِ غم نے

گر کوئی تھا تو تِرے مُجرمِ شُہرت ہم تھے

رَتجگوں میں تِری یاد آئی تو احساس ہُوا

اِک زمانے میں تِری نیند کی راحت ہم تھے

اب تو خود کو بھی ضرُورت نہیں باقی اپنی

وہ بھی دِن تھے کہ رہے تیری ضرورت ہم تھے

دھُوپ کے دشت میں کتنا وہ ہمَیں ڈھونڈتا تھا

اعتبار اُس کے لئے ابْر کی صُورت ہم تھے

اعتبارساجد ​

وقت کے الجھے الجھے دھاگے

وقت کے الجھے الجھے دھاگے

 جب دل توڑ کے چل دیں گے
پگڈنڈی پر پیلے پتے تم کو تنہا دیکھیں گے
پیڑوں کے سینے پر لکھے، نام بھی ہو جائیں تحلیل،
اور ہوا بھی سمت کو اپنی کر جائے تبدیل
بھینی بھینی خوشبو ہم کو، ہر اک گام پکارے گی،
کرکے یخ بستہ جب ہم کو، برف اس پار سدھارے گی
دھوپ صداؤں کے سکے،
جب کانوں میں کھنکائے گی،
بارش، مسکانوں کے موتی،

 پتھر پر جب پھوڑے گی
اور برستی بوندوں کے دھاروں پر دھارے جوڑے گی
گرم گرم، انگاروں جیسے، آنسو آنکھ سے ابلیں گے،
دل کے ارماں، اک مدت کے بعد تڑپ کر نکلیں گے
جب احساس کی دنیا میں پھر، اور نہ گھنگھرو چھنکیں گے
صرف خموشی گونجے گی تب؟
آنے والے موسم کی،
کھڑکی پر دستک بھی نہ ہوگی،
کوئی سریلی رم جھم کی
شام کے سناٹے میں بدن پر،
عکس تمہارا جھولے گا
یادوں کا لمس ٹٹولے گا،
گھور اداسی چُھو لے گا
اونچی اونچی باتوں سے تم، 

خاموشی میں شور کرو گے
گیت پرانے سن کر،

 ٹھنڈی سانسیں بھر کر، بور کرو گے
اس پل شب کی تنہائی میں۔۔۔
اپنے دل کو شاد کرو گے
بولو۔۔۔

مجھ کو یاد کرو گے؟؟؟

محبّت آزمانے دو

ابھی کچھ دن مجھے
میری محبّت آزمانے دو ..
مجھے خاموش رہنے دو ..
سنا ہے عشق سچا ہو تو
خاموشی لہو بن کر ..
رگوں میں ناچ اٹھتی ہے ..
ذرا اس کی رگوں میں
خاموشی کو جھوم جانے دو ..
ابھی کچھ دن مجھے
میری محبّت آزمانے دو ..
اسے میں کیوں بتاؤں
میں نے اس کو کتنا چاہا ہے .. .
بتایا جھوٹ جاتا ہے ..
کہ سچی بات کی خوشبو تو
خود محسوس ہوتی ہے ..
میری باتیں ..
میری سوچیں ..
اسے خود جان جانے دو ..
ابھی کچھ دن مجھے
میری محبّت آزمانے دو ..
اگر وہ عشق کے احساس کو
پہچان نہ پائے..!
مجھے بھی جان نہ پائے..
تو پھر ایسا کرو اے دل ..
خود ہی گمنام ہوجاؤ ..
مگر اس بےخبر کو زندگی بھر مسکرانے دو

کبھی مجھ کو ساتھ لے کر، کبھی میرے ساتھ چل کے

کبھی مجھ کو ساتھ لے کر، کبھی میرے ساتھ چل کے
وہ بدل گیا اچانک، --!! -----میری زندگی بدل کے

ہوئے جس پہ مہرباں تم، کوئی خوش نصیب ہو گا
میری حسرتیں تو نکلیں میرے آنسوئوں میں ڈھل کے

تیری زلف و رخ کے قرباں، دلِ زار ڈھونڈتا ہے
وہی چمپئی اجالے، وہی سرمئی دھندلکے

کوئی پھول بن گیا ہے، کوئی چاند کوئی تارا
جو چراغ بجھ گیا ہے، تیری انجمن میں جل کے

میرے دوستو خدارا میرے ساتھ تم بھی ڈھونڈو
وہ یہیں کہیں چھپا ہے، میرے غم کا رخ بدل کے

تیری بے جھجھک ہنسی سے، نہ کسی کا دل ہو میلا
یہ نگر ہے آئینوں کا، یہاں سانس لے سنبھل کے

رفاقت

رفاقت چار دن کی ہو
رفاقت عمر بھر کی ہو
فقط احساس بچتا ہے !
یہی احساس سب کچھ ہے
کسی کا نام لینے سے
کسی کو یاد کرنے سے عجب اک لہر سی سارے بدن میں پھیل جاتی ہے
جو منظر سامنے ہوتا ہے
وہ منظر نہیں رہتا
ہر اک شے جیسے رک جاتی ہے
رستہ چھوڑ دیتی ہے
نیا منظر ابھرتا ہے
جو ماہ و سال گزرے ہیں
وہ لمحوں میں سمٹ کر
روح کی بے انت وادی میں
تخیل کو نئے انداز میں مہمیز کرتے ہیں
عجب ہلچل مچاتے ہیں
گئی رت کے تقاضے روح کو بے چین رکھتے ہیں
یہ کیا ہے؟
کیوں ہے،کیسے ہے ؟
کسی کو کچھ نہیں معلوم ..

آنکھیں

وہ آنکھیں
جھیل سی آنکھیں
بہت گہری ہیں
ان میں تیرتے آنسو
کئی مفہوم رکھتے ہیں
وہ آنکھیں
ایک مدت سے
بدلتے موسموں
بنتے،بگڑتے منظروں کی زد میں ہیں
لیکن
انہیں کچھ خواب
اپنے مخملیں احساس سے مسحور رکھتے ہیں
وہ آنکھیں
منتظر ہیں،کب کوئی آئے
حسیں خوابوں کو اپنے سحر سے
تعبیر میں بدلے
بہت سی ان کہی باتوں کے در کھولے
بہت سے بے نشاں جذبوں کو
آحساس شراکت دے

وہ گہری جھیل سی آنکھیں
کئی قصے سنانے کے لیے بے چین پھرتی ہیں
وہ گہری جھیل سی آنکھیں
کئی مفہوم رکھتی ہیں

 

الفاظ کے جھوٹے بندھن میں

الفاظ کے جھوٹے بندھن میں

اغراض کے گہرے پردوں میں

ہر شخص محبت کرتا ہے

حالانکہ محبت کچھ بھی نہیں

سب جھوٹے رشتے ناتے ہیں

سب دِل رکھنے کی باتیں ہیں

کب کون کسی کا ہوتا ہے

سب اصلی روپ چھُپاتے ہیں

احساس سے خالی لوگ یہاں

لفظوں کے تیر چلاتے ہیں

ایک بار نظر میں آکر وہ

پھر ساری عمر رُلاتے ہیں

یہ عشق و محبّت مہر و وفا

یہ سب کہنے کی باتیں ہیں

ہر شخص خود ہی کی مستی میں

بس اپنی خاطر جیتا ہے

کہو ، وہ چاند کیسا تھا ؟

کہو ، وہ چاند کیسا تھا ؟
کہو ، وہ دَشت کیسا تھا ؟
جِدھر سب کچھ لُٹا آئے
جِدھر آنکھیں گنوا آئے
کہا ، سیلاب جیسا تھا،
بہت چاہا کہ بچ نکلیں مگر سب کچھ بہا آئے
کہو ، وہ ہجر کیسا تھا ؟
کبھی چُھو کر اسے دیکھا
تو تُم نے کیا بھلا پایا
کہا ، بس آگ جیسا تھا ، اسے چُھو کر تو اپنی رُوح یہ تن من جلا آئے
کہو ، وہ وصل کیسا تھا ؟
تمہیں جب چُھو لیا اُس نے
تو کیا احساس جاگا تھا ؟
کہا ، اِک راستے جیسا ،جدھر سے بس گزرنا تھا ، مکاں لیکن بنا آئے
کہو ، وہ چاند کیسا تھا ؟
فلک سے جو اُتر آیا !
تمھاری آنکھ میں بسنے
کہا ، وہ خواب جیسا تھا ، نہیں تعبیر تھی اسکی ،
اسے اِک شب سُلا آئے
کہو ، وہ عشق کیسا تھا ؟
بِنا سوچے بِنا سمجھے ،
بِنا پرکھے کیا تُم نے
کہا ، تتلی کے رنگ جیسا ،
بہت کچا انوکھا سا ،
جبھی اس کو بُھلا آئے
کہو ، وہ نام کیسا تھا ؟
جِسے صحراؤں اور چنچل ،
ہواؤں پر لکھا تُم نے
کہا ، بس موسموں جیسا ،
ناجانے کس طرح کس پل کسی رو میں مِٹا آئے

چوڑیاں اور لڑکیاں

اک جیسی لگتی ہیں 
چوڑیاں بھی لڑکیاں بھی
ہنستی ہیں کبنکتی ہیں
چوڑیاں بھی لڑکیاں بھی
نازک انتہا کی 
اک ذرا سی ٹھیس سے بکھرتی ہیں
چوڑیاں بھی لڑکیاں بھی
ان کے توڑنے والوں کو 
احساس تک نہیں ہوتا
بکھر کے کب سنبھلتی ہیں
چوڑیاں بھی لڑکیاں بھی
زندگی کی دھڑکن کو
اک ردھم سا دیتی ہیں
چوڑیاں بھی لڑکیاں بھی

اپنے دکھ کو اپنے اندر
رکھ کے بھول جاتی ہیں
باہر سے چمکتی ہیں
چوڑیاں بھی لڑکیاں بھی​

 

Mein shayed tum ko yaksar bhoolney wala hon

میں شاید تم کو یکسر بھولنے والا ہوں

شاید، جان جاں شاید

کہ اب تم مجھ کو پہلے سے زیادہ یاد آتی ہو

ہے دل غمگیں، بہت غمگیں

کہ اب تم یاد دل وارانہ آتی ہو

شمیم دور ماندہ ہو

بہت رنجیدہ ہو مجھ سے

مگر پھر بھی

مشام جاں میں میرے آشتی مندانہ آتی ہو

جدائی میں بلا کا التفات محرمانہ ہے

قیامت کی خبر گیری ہے

بےحد ناز برداری کا عالم ہے

تمہارے رنگ مجھ میں اور گہرے ہوتے جاتے ہیں

میں ڈرتا ہوں

میرے احساس کے اس خواب کا انجام کیا ہوگا

یہ میرے اندرون ذات کے تاراج گر

جذبوں کے بیری وقت کی سازش نہ ہو کوئی

تمہارے اس طرح ہر لمحہ یاد آنے سے

دل سہما ہوا سا ہے

تو پھر تم کم ہی یاد آؤ

متاع دل، متاع جاں تو پھر تم کم ہی یاد آؤ

بہت کچھ بہہ گیا ہے سیل ماہ و سال میں اب تک

سبھی کچھ تو نہ بہہ جائے

کہ میرے پاس رہ بھی کیا گیا ہے

کچھ تو رہ جائے

اب نہ فرصت ہے نہ احساس ہے غم سے اپنے Ab na fursat hay na ehsas hay gham se apne

اب نہ فرصت ہے نہ احساس ہے غم سے اپنے
ورنہ ہم روز ہی ملتے تھے صنم سے اپنے

دل نہ مانا کہ کسی اور کے رستے پہ چلیں
لاکھ گمراہ ہُوئے نقشِ قدم سے اپنے

جی چکے ہم جو یہی شوق کی رسوائی ہے
تم سے بیگانے ہُوئے جاتے ہیں ہم سے اپنے

ہم نہیں پھر بھی تو آباد ہے محفل اُن کی
ہم سمجھتے تھے کہ رونق ہے تو دم سے اپنے

میرے دامن کے مقدّر میں ہے خالی رہنا
آپ شرمندہ نہ ہوں دستِ کرم سے اپنے

رہ چکے مرگِ تمنّا پہ بھی اک عمر فراز
اب جو زندہ ہیں تو شعروں کے بھرم سے اپنے

Jis ko chaho ussey ehsaas e Khudai de do

جس کو چاہو اسے احساس خدائی دے دو

سلسلہ محبت کا رکھو تو عبادت جیسا

Nahin Darti Main Kaanton Sy

Nahin Darti Main Kaanton Sy,Magar Phoolon Sy Darti Hoon.,

Chubhan Dy Jaen Jo Dil Ko

Main Un Baaton Sy Darti Hoon..

Mujhy Tou Neend Bhi Achi

Nhn Lagti Haqeeqat Mein.,

Dikhaaen Khuwab Jo Jhooty, Main Un Neendon Sy Darti Hoon..

Anaa Ki Main Nahi Qail,

Mohabat Hy Mujhy Sab Sy.,

Jo Dil Mn Bughz Rakhty Hon, Main Un Apnon Sy Darti Hoon..

Mujhy Ehsas Hy Sab Ka,

Main Sb K Kaam Aati Hoon.

Magar Jo Keena Rakhty Hoon,, Main Un Rishton

Sy Darti Hoon.

Main Bandi Hoon Khuda Ki Aur Khuda Ka Khof Hy Mujh Ko.

Jo Darty Hi Nhn Rab Sy

Main Un Bandon Sy Darti Hoon...