کبھی ناراض مت ہونا

کبھی ناراض مت ہونا 

کبھی ناراض مت ہونا 
گلے چاہے بہت کرنا
رلانا اور بہت لڑنا

سنو ناراض مت ہونا
کبھی ایسا جو ہو جائے
کے تیری یاد سے غافل کسی ! لمحے جو ہو جاؤں
بنا دیکھے تیری صورت
کسی شب میں جو سو جاؤں
تو سپنوں میں چلے آنا
مجھے احساس دلا جانا

" سنو ناراض مت ہونا "
کبھی ایسا جو ہو جائے
جنہیں کہنا ضروری ہو
وہ مجھ سے لفظ کھو جائیں
انا کو بیچ مت لانا
میری آواز بن جانا
" کبھی ناراض مت ہونا

جانے وہ کیسے لوگ تھے

جانے وہ کیسے لوگ تھے

جانے وہ کیسے لوگ تھے جن کے پیار کو پیار ملا

ہم نے تو جب کلیاں‌مانگیں، کانٹوں‌کا ہار ملا

خوشیوں‌کی منزل ڈھونڈی تو غم کی گرد ملی

چاہت کے نغمے چاہے تو آہِ سرد ملی

دل کے بوجھ کو دونا کر گیا جو غم خوار ملا

بچھڑ گیا ہر ساتھی دے کر پل دو پل کا ساتھ

کس کو فرصت ہے جو تھامے دیوانوں کا ہاتھ

ہم کو اپنا سایہ تک اکثر بیزار ملا

اس کو ہی جینا کہتے ہیں تو یوں ہی جی لیں گے

اُف نہ کریں‌گے، لب سی لیں‌گے، آنسو پی لیں‌گے

غم سے اب گھبرانا کیسا، غم سو بار ملا

​

ﺍﮮ ﺭﺍﺕ ﮐﮯ ﺭﺍﮬﯽ ﭼﺎﻧﺪ ﺳﻨﻮ

ﺍﮮ ﺭﺍﺕ ﮐﮯ ﺭﺍﮬﯽ ﭼﺎﻧﺪ ﺳﻨﻮ

 
ﻣﯿﺮﺍ ﺍﯾﮏ ﺿﺮﻭﺭﯼ ﮐﺎﻡ ﮐﺮﻭ

 
ﻣﻦ ﻣﯿﺖ ﮐﮯ ﺷﮩﺮ ﻣﯿﮟ ﺟﺎﻧﺎ ﺗﻢ

 
ﺍﺳﮯ ﻣﯿﺮﺍ ﺣﺎﻝ ﺳﻨﺎﻧﺎ ﺗﻢ

 
ﻣﯿﮟ ﮬﺮ ﺷﺐ ﺗﻢ ﮐﻮ ﺗﮑﺘﯽ ﮬﻮﮞ

 
ﮐﯿﺎ ﻭﮦ ﺑﮭﯽ ﺭﺍﺕ ﮐﻮ ﺳﻮﺗﮯ ﻭﻗﺖ

 
ﮐﭽﮫ ﺗﻢ ﺳﮯ ﺑﺎﺗﯿﮟ ﮐﺮﺗﺎ ﮬﮯ......؟؟

 
ﮐﯿﺎ ﻣﯿﺮﯼ ﺳﻮﻧﯽ ﺁﻧﮑﮭﻮﮞ ﮐﮯ

 
ﭘﯿﻐﺎﻡ ﮐﺒﮭﯽ ﻭﮦ ﭘﮍﮬﺘﺎ ﮬﮯ.......؟؟

 
ﺍﮮ ﺭﺍﺕ ﮐﮯ ﺭﺍﮬﯽ ﺍﺱ ﺳﮯ ﮐﮩﻮ کہ

 
ﯾﺎﺩ ﺗﻤﮭﺎﺭﯼ ﺁﺗﯽ ﮬﮯ

،
ﺍﺱ ﺩﻝ ﮐﻮ ﺍﮎ ﭘﻞﭼﯿﻦ نہیں

 
ﮐﯿﻮﮞ ﭘﺮﯾﺖ ﮐﮯ ﺑﻨﺪﮬﻦ ﺑﺎﻧﺪﮬﮯ ﺗﮭﮯ......؟؟

 
ﮐﯿﻮﮞ ﺁﺱ ﮐﮯ ﭘﮭﻮﻝ ﺗﮭﻤﺎﺋﮯ ﺗﮭﮯ......؟؟

 
ﻭﮦ ﻗﺴﻤﯿﮟ ﻭﻋﺪﮮ ﺑﮭﻮﻝ ﮔﺌﮯ......؟؟

 
ﮐﯿﻮﮞ ﺳﺎﺟﻦ ﮬﻢ ﺳﮯ ﺭﻭﭨﮫ ﮔﺌﮯ......؟؟

 
ﮬﻢ ﺗﻢ ﺑﻦ ﺟﯽ ﻧﮧ ﭘﺎﺋﯿﻨﮕﮯ

 
ﯾﮧ ﺭﺷﺘﮯ ﺗﻮﮌ ﻧﮧ ﭘﺎﺋﯿﻨﮕﮯ

 
ﺍﮮ ﭼﺎﻧﺪ ﺍﺳﮯ ﯾﮧ ﮐﮩﻨﺎ ﺗﻢ

 
ﮐﮧ ﺁﻧﮑﮭﯿﮟ ﺍﺷﮏ ﺑﮩﺎﺗﯽ ﮬﯿﮟ

 
ﯾﮧ ﮬﺠﺮ ﮬﺮﺍﺳﺎﮞ ﮐﺮﺗﺎ ﮬﮯ

 
ﻣﯿﮟ ﺭﺍﮦ ﺗﻤﮭﺎﺭﯼ ﺗﮑﺘﯽ ﮬﻮﮞ

 
ﺍﻭﺭ ﺑﮯ ﮐﻞ ﺑﮯﮐﻞ ﭘﮭﺮﺗﯽ ﮬﻮﮞ

 
ﮬﺮ ﮬﺮ ﺩﻥ ﺟﯿﺘﯽ ﻣﺮﺗﯽ ﮬﻮﮞ

 
ﺍﮮ ﭼﺎﻧﺪ ﺟﺐ ﻟﻮﭦ ﮐﮯ ﺁﻧﺎ ﺗﻢ

 
ﺍﺳﮯ ﻣﯿﺮ ﮮ ﭘﺎﺱ ﻟﮯ ﺁﻧﺎ ﺗﻢ.

موج خوشــــبو کی طرح،، بات اُڑانے والے

موج خوشــــبو کی طرح،، بات اُڑانے والے
تُجھ میں پہلے تو نہ تھے رنگ زمانے والے
،
کتنے ہیرے میری آنکھون سے چُرائے تو نے
چَند پتھر،،،، میری جھولی میں گِرانے والے
،
خوں بہا اگلی بہاروں کا تیرے سر تو نہیں
خُشک ٹہنی پہ،،،،،،، نیا پُھول کِھلانے والے
،
آ تجھے نظر کروں اَپنی ہی شہہ رگ کا لہو
میرے دُشــــمں ،،،، میری توقیر بڑھانے والے
،
آستینوں میں چھپائے ہوئے،،،، خنجر آئے
مجھ سے یاروں کی طرح ہاتھ مِلانے والے
،
ظلمتِ شب سے شکایت اُنہیں کیسی محسنؔ
وہ تو سُورج کو تھے،،۔۔۔، آئینہ دکھانے والے

مرے ہمدم، مرے ساتھی

•  

  مرے ہمدم، مرے ساتھی

  تمہیں تو یاد ہی ہو گا
  وہ دن کیا خاص تھا جب تم مرے جیون میں آئی تھیں
  مری بے رنگ دنیا کو
  تمہاری مسکراہٹ نے ہزاروں رنگ بخشے تھے
  اسے کیسے سجایا تھا 
  تمہیں تو یاد ہی ہو گا
  تمہیں میں نے بتایا تھا
  کہ میں خوابوں میں رہتا ہوں مگر تم اک حقیقت ہو
  محبت ہی محبت ہو
  پھر اس کے بعد جیون کے سبھی موسم، سبھی منظر تمہاری آنکھ سے دیکھے
  تمہارے ساتھ جو گذرے، وہی پل زندگی ٹھہرے
  تمہیں تو یاد ہی ہو گا، مجھے کب یاد رہتا تھا
  مجھے کیا کام کرنے ہیں
  مجھے کس کس سے ملنا ہے
  کہاں جانا ضروری ہے
  خفا کوئی ہے کیوں مجھ سے
  کسے جا کر منانا ہے
  مجھے کب یاد رہتا تھا
  مرا معمول تو تم تھیں
  تمہی سب یاد رکھتی تھیں
  میں اپنے دل کی سب باتیں فقط تم سے ہی کرتا تھا
  تمہاری بھی یہ عادت تھی
  تمہیں تو یاد ہی ہو گا، میں اکثر تم سے کہتا تھا
  ابھی اس زندگی کے ساتھ کتنے روگ لپٹے ہیں
  مجھے تم سے محبت کی ذرا فرصت نہیں ملتی
  ذرا وہ وقت آنے دو، ذرا فرصت ملے مجھ کو
  بٹھا کر سامنے تم کو، تمہیں جی بھر کے دیکھوں گا
  بتاؤں گا مجھے تم سے محبت سی محبت ہے
  مجھے اس دم ملی فرصت
  کہ جب یہ بات سننے کو نہیں تم سامنے میرے
  مری جاں تم وہاں پر ہو، 
  جہاں سے لوٹ کر واپس کبھی کوئی نہیں آتا
  تمہیں کیوں اتنی جلدی تھی؟
  مرا اقرار سن لیتیں، مرا اظہار سن لیتیں
  کہ اب فرصت ہی فرصت ہے
  کہ اب معمول میں میرے، فقط تم سے محبت ہے
  مگر یہ بھی حقیقت ہے
  کہ میں تاخیر سے پہنچا،
  تمہیں جانے کی جلدی تھی.

• عاطفؔ سعید

وقت کے الجھے الجھے دھاگے

وقت کے الجھے الجھے دھاگے

 جب دل توڑ کے چل دیں گے
پگڈنڈی پر پیلے پتے تم کو تنہا دیکھیں گے
پیڑوں کے سینے پر لکھے، نام بھی ہو جائیں تحلیل،
اور ہوا بھی سمت کو اپنی کر جائے تبدیل
بھینی بھینی خوشبو ہم کو، ہر اک گام پکارے گی،
کرکے یخ بستہ جب ہم کو، برف اس پار سدھارے گی
دھوپ صداؤں کے سکے،
جب کانوں میں کھنکائے گی،
بارش، مسکانوں کے موتی،

 پتھر پر جب پھوڑے گی
اور برستی بوندوں کے دھاروں پر دھارے جوڑے گی
گرم گرم، انگاروں جیسے، آنسو آنکھ سے ابلیں گے،
دل کے ارماں، اک مدت کے بعد تڑپ کر نکلیں گے
جب احساس کی دنیا میں پھر، اور نہ گھنگھرو چھنکیں گے
صرف خموشی گونجے گی تب؟
آنے والے موسم کی،
کھڑکی پر دستک بھی نہ ہوگی،
کوئی سریلی رم جھم کی
شام کے سناٹے میں بدن پر،
عکس تمہارا جھولے گا
یادوں کا لمس ٹٹولے گا،
گھور اداسی چُھو لے گا
اونچی اونچی باتوں سے تم، 

خاموشی میں شور کرو گے
گیت پرانے سن کر،

 ٹھنڈی سانسیں بھر کر، بور کرو گے
اس پل شب کی تنہائی میں۔۔۔
اپنے دل کو شاد کرو گے
بولو۔۔۔

مجھ کو یاد کرو گے؟؟؟

تجھے خبر ہے تجھے سوچنے کی خاطر ہم

تجھے خبر ہے تجھے سوچنے کی خاطر ہم
بہت سے کام مقدر پہ ٹال رکھتے ہیں
کوئی بھی فیصلہ ہم سوچ کر نہیں کرتے
تمہارے نام کا سکہ اچھال رکھتے ہیں

تمہارے بعد یہ عادت سی ہو گئی اپنی
بکھرتے سوکھتے پتے سنبھال رکھتے ہیں
خوشی سی ملتی ہے خود کو اذیتیں دے کر
سو جان بوجھ کے دل کو نڈھال رکھتے ہیں
کبھی کبھی وہ مجھے ہنس کے دیکھ لیتے ہیں
کبھی کبھی مرا بے حد خیال رکھتے ہیں
تمہارے ہجر میں یہ حال ہو گیا اپنا
کسی کا خط ہو اسے بھی سنبھال رکھتے ہیں
خوشی ملے تو ترے بعد خوش نہیں ہوتے
ہم اپنی آنکھ میں ہر دم ملال رکھتے ہیں
زمانے بھر سے چھپا کر وہ اپنے آنچل میں
مرے وجود کے ٹکڑے سنبھال رکھتے ہیں
کچھ اس لئے بھی تو بے حال ہو گئے ہم لوگ
تمہاری یاد کا بے حد خیال رکھتے ہیں...
- وصی شاہ

کبھی جورتجگے برتو

کبھی جورتجگے برتو

کبھی جوکروٹیں بدلو

کبھی جوکروٹوں کہ درمیاں تم جھنجھلاؤ یا

یونہی بےساختہ آنکھیں تمہاری ڈبڈبا جائیں

جو آنکھیں ڈبڈبا جائیں جو تکیہ بھیگ جائے تو

یا سانسیں اپنے سینے میں تمہیں نشتر لگیں دیکھو

تو جاناں مجھکو ایسے میں ذرا بھی یاد مت کرنا

کہ یادیں ایسے لمحوں میں بہت جاںکن سی ہوتی ہیں

مجھے معلوم ہے کیونکہ

میں بهی ہر شب ایسے مرتا ہوں

میں بهی ہر شب ایسے جیتا ہوں

ادھر دیکھو میرے چہرے پہ پھیلے اِس کرب کو

ادھر دیکھو

 میرے چہرے پہ پھیلے ہر طرف
اِس کرب کو دیکھو
اندھیری رات کے غم کو
میں کیسے جھیل آئی ہوں
ہتھیلی کی لکیروں کو
ذرا پڑھ کر یہ بتلاؤ!
ابھی قسمت میں میری
اور کتنا صبر لکھا ہے
سنو.... اندر میرے
اِک گونجتی وحشت کا ڈیرہ ہے
مری سنسان آنکھوں پہ
ترے خوابوں کا پہرہ ہے
تمہارے وصل کی موہوم سی امید پر میری
ابھی تک سانس چلتی ہے
مری آنکھوں کے یہ آنسو
مری پلکوں پہ ڈھلنے کو
بہت بے تاب رہتے ہیں
کہو خاموش کیوں ہو تم؟
کیا اب خواہش نہیں باقی؟
یا سب افسانہ لگتا ہے؟
مجھے کیوں وہم ہوتا ہے؟
کہ مجھ سے کھو چکے ہو تم؟
بہت ہی بے وفا ہو تم
تمہیں واپس نہیں آنا!
مگر! "یہ جھوٹ ہے" کہہ دو
کہ یہ وقتی سا وقفہ ہے
بہت ہی جلد گزرے گا
تم اپنا نام لکھ دو گے
میرے اس نام کے آگے
کہو تم وقف کر دوگے
محبت ...نام پر میرے
کہو تم وقف کر دوگے
کہو تم وقف کر دوگے

مناہلؔ فاروقی

آنکھیں

وہ آنکھیں
جھیل سی آنکھیں
بہت گہری ہیں
ان میں تیرتے آنسو
کئی مفہوم رکھتے ہیں
وہ آنکھیں
ایک مدت سے
بدلتے موسموں
بنتے،بگڑتے منظروں کی زد میں ہیں
لیکن
انہیں کچھ خواب
اپنے مخملیں احساس سے مسحور رکھتے ہیں
وہ آنکھیں
منتظر ہیں،کب کوئی آئے
حسیں خوابوں کو اپنے سحر سے
تعبیر میں بدلے
بہت سی ان کہی باتوں کے در کھولے
بہت سے بے نشاں جذبوں کو
آحساس شراکت دے

وہ گہری جھیل سی آنکھیں
کئی قصے سنانے کے لیے بے چین پھرتی ہیں
وہ گہری جھیل سی آنکھیں
کئی مفہوم رکھتی ہیں

 

مَیں ماٹی کے مول بِکی

مَیں ماٹی کے مول بِکی
بول کے بس دو بول بِکی
سَیّاں کو تب پیار آیا
زہر تھی جب وہ گھول چکی
بک گئی ایک رُوپلی میں
میری اک اَن مول سَکھی
جال میں اُس کے پاؤں پھنسے
چڑیا جب پَر کھول چکی
چال میں کب ہے فرق پڑا
من میں لیکن ڈول چکی
میں نے کہہ دی بِپتا سب
تُو بھی تو اب بول سَکھی !
آ برسات کی رُت آئی
ڈال گلے میں ڈھول سَکھی !
آنکھ کی سِیپ کے موتی کو
ماٹی میں نہ رول سکھی !
کہنے کی ہمّت نہ ہوئی
بات تھی لیکن تول چکی
یہ تو کہانی ٹھیک نہیں
اِس میں ہے کچھ جھول سَکھی !
ساجن سے نہ نظر ملے
کھل گئے سارے پول سَکھی !

سب کچھ نام تمھارے

آج یہ سب کچھ نام تمھارے

ساحل

ریت

سمندر

لہریں

بستی

دوستی

صحرا

دریا

خوشبو

موسم

پھول

دریچے

بادل

سورج

چاند

ستارے

آج یہ سب کچھ نام تمھارے

خواب کی باتیں

یاد کے قصے

سوچ کے پہلو

نیند کے لمحے

درد کے آنسو

چین کے نغمے

اڑتے وقت کے بہتے دھارے

روح کی آہٹ

جسم کی جنبش

خون کی گردش

سانس کی لرزش

آنکھ کا پانی

چاہت کے یہ عنوان سارے

آج یہ سب کچھ نام تمھارے

ﻣُﺤﺒّﺖ

ﺑﮩﺖ ﺁﺳﺎﻥ ﮨﮯ ﮐَﮩﻨﺎ،

  ﻣُﺤﺒّﺖ ﮨَﻢ ﺑﮭﯽ ﮐَﺮﺗﮯ ﮨﯿﮟ ...!
ﻣَﮕﺮ ﻣَﻄﻠَﺐ ﻣُﺤﺒّﺖ ﮐﺎ،
ﺳَﻤﺠﮫ ﻟَﯿﻨﺎ ﻧَﮩﯿﮟ ﺁﺳﺎﻥ،
ﻣُﺤﺒّﺖ ﭘﺎ ﮐﮯ ﮐَﮭﻮ ﺩَﯾﻨﺎ،
ﻣُﺤﺒّﺖ ﮐَﮭﻮ ﮐﮯ ﭘﺎ ﻟَﯿﻨﺎ،
ﯾﮧ ﺍُﻥ ﻟَﻮﮔُﻮﮞ ﮐﮯ ﻗِﺼّﮯ ﮨﯿﮟ،
ﻣُﺤﺒّﺖ ﮐﮯ ﺟَﻮ ﻣُﺠﺮِﻡ ﮨﯿﮟ،
ﺟَﻮ ﻣِﻞ ﺟﺎﻧﮯ ﭘﮧ ﮨَﻨﺴﺘﮯ ﮨﯿﮟ،
ﺑِﭽَﮭﮍ ﺟﺎﻧﮯ ﭘﮧ ﺭَﻭﺗﮯ ﮨﯿﮟ،
!.............! ﺳُﻨﻮ !.............!
ﻣُﺤﺒّﺖ ﮐَﺮﻧﮯ ﻭﺍﻟﮯ ﺗَﻮ،
ﺑﮩﺖ ﺧﺎﻣَﻮﺵ ﮨَﻮﺗﮯ ﮨﯿﮟ،
ﺟَﻮ ﻗُﺮﺑَﺖ ﻣﯿﮟ ﺑﮭﯽ ﺟِﯿﺘﮯ ﮨﯿﮟ،
ﺟَﻮ ﻓُﺮﻗَﺖ ﻣﯿﮟ ﺑﮭﯽ ﺟِﯿﺘﮯ ﮨﯿﮟ،
ﻧﮧ ﻭﮦ ﻓَﺮﯾﺎﺩ ﮐَﺮﺗﮯ ﮨﯿﮟ،
ﻧﮧ ﻭﮦ ﺍَﺷﮑُﻮﮞ ﮐَﻮ ﭘِﯿﺘﮯ ﮨﯿﮟ،
ﻣُﺤﺒّﺖ ﮐﮯ ﮐِﺴﯽ ﺑﮭﯽ ﻟَﻔﻆ ﮐﺎ،
ﭼَﺮﭼﺎ ﻧَﮩﯿﮟ ﮐَﺮﺗﮯ،
ﻭﮦ ﻣَﺮ ﮐﮯ ﺑﮭﯽ ﺍَﭘﻨﯽ ﭼﺎﮨَﺖ ﮐَﻮ،
ﮐَﺒﮭﯽ ﺭُﺳﻮﺍ ﻧَﮩﯿﮟ ﮐَﺮﺗﮯ،
ﺑﮩﺖ ﺁﺳﺎﻥ ﮨﮯ ﮐَﮩﻨﺎ،
ﻣُﺤﺒّﺖ ﮨَﻢ ﺑﮭﯽ ﮐَﺮﺗﮯ ﮨﯿﮟ

مُسافر ھوں ۔۔۔۔۔۔۔۔۔۔

مُسافر ھوں ۔۔۔۔۔۔۔۔۔

 تیرے شہر مُحبت میں ذرا سی دیر ٹھہروں گا
چلا جاؤں گا اپنے راستے پر
زندگی کی رات ڈھلنے دے، بدن کو مات ھونے دے
رُکی ھے جو لبوں پر بات، ھونے دے
تیرا شہر محبت خُوب ھے لیکن اسیری کا بہانہ ھے
ازل کی اولیں ساعت، ابد کا آخری لمحہ
یہیں پر مرتکز سارا زمانہ ھے
مگر مُجھ کو ۔۔ دور آگے
لاجوردی روشنی سے پیار کرنا ھے
ترا شہرِ مُحبت تو میرا ۔۔۔۔۔۔۔۔
فصیلِ وقت کے ٹھہرے ھوئے اُس دائرے کو پار کرنا ھے
ابد کی سرحدوں سےپہلا پڑاؤ ہے
جسے تو آخری منزل سمجھتی ھے
دِلوں کے راستوں پر وہ فقط اک نیم روشن
سا الاؤ ھے
بڑی لمبی مُسافت ھے، بڑا گہرا یہ گھاؤ ھے
ابد کے اُس طرف بھی راستے ھی راستے ھیں
فاصلوں کا ایک نادیدہ بہاؤ ھے
جِسے میں دیکھ سکتا ھوں
جِسے میں چھو بھی سکتا ھوں
مگر میں تو مُسافر ھوں
تیرے شہر مُحبت میں ذرا سی دیر ٹھہروں گا
چلا جاوْں گا اپنے رستے پر

مجھے محبت سے ہو گئی ہے

---

 

 

کٹھن اندھیروں کی راہ گزر پہ

چراغِ صبح جلا جلا کے
قسم سے آنکھیں بھی تھک گئیں ہیں
تمہارے آنسو چھپا چھپا کے
کیا خبر تھی کہ اک چہرے سے
کتنے چہرے کشید ہوں گے
میں تھک گیا ہوں تمہارے چہروں کو
آئینے میں سجا سجا کے
ہم اتنے سادہ مزاج کب تھے
مگر سرابوں کی رہ گزر پہ
فریب دیتا رہا زمانہ
تمہاری صورت دکھا دکھا کے
عجب تناسب سے ذہن و دل میں
خیال تقسیم ہو رہے ہیں
مجھے محبت سے ہو گئی ہے

تمہیں محبت سکھا سکھا کے

ﺍﮮﮔﺮﺩشِ ﺩﻭﺭﺍﮞ، اے ﻋُﻤﺮ ﺭﻭﺍﮞ

ﺍﮮﮔﺮﺩشِ ﺩﻭﺭﺍﮞ، اے ﻋُﻤﺮ ﺭﻭﺍﮞ

  ﮐﭽﮫ ﭘَﻞ ﮐﮯ لیۓ ﺳَﺴﺘﺎﻧﮯ ﺩﮮ
ﯾﮧ ﻧﺎﺗﮯ، ﺭﯾﺖ، ﯾﮧ ﺭﺳﻢ ﻭ ﺭﻭﺍﮦ
ﺍِﻥ ﺳﺐ ﺳﮯ ﺁﻧﮑﮫ ﭼُﺮﺍﻧﮯ ﺩﮮ
ﯾﮧ ﺟﺒﺮِ ﻣُﺴﻠﺴﻞ رِﺷﺘﻮﮞ ﮐﮯ
ﯾﮧ ﺑﻨﺪﮬﻦ ﺁﻧﺴﻮ ﺁھﻮﮞ ﮐﮯ
ﺍﺏ ﺯﻧﻨﺠﯿﺮﯾﮟ ﺳﯽ ﻟﮕﺘﯽ ھﯿﮟ
ﺍِﻥ ﺯﻧﺠﯿﺮﻭﮞ ﺳﮯ ﭘَﻞ ﺩﻭ ﭘَﻞ
ﺗﮭﻮﮌﯼ ﺳﯽ ﻣﺠﮭﮯ ﺁﺯﺍﺩﯼ ﺩﮮ
ﺍﮮ ﻋُﻤﺮ ﺭﻭﺍﮞ ﮐﭽﮫ ﭨﮭﮩﺮ ﺯﺭﺍ
ﺍﮮ ﺩﻝ ﮐﯽ ﺧﻠِﺶ ﮐﭽﮫ ﭼﯿﻦ ﺗﻮ ﻟﮯ
ﺍِﺱ ﺩﺷﺖِ ﺍﻟﻢ ﻣﯿﮟ ﺩﯾﺪﺋﮧ ﻧﻢ
ﮐُﭽﮫ ﺧﻮﺍﺏ ﺳﮯ ﺩﯾﮑﮭﺎ ﮐﺮﺗﯽ ھﯿﮟ
ﺧﻮﺵ فہمی ﮐﮯ ﺑﮩﻼﻭﻭﮞ ﺳﮯ
ﮐﭽﮫ ﺣﺮﻑِ ﺗﺴﻠّﯽ ﺩﯾﺘﯽ ھﯿﮟ
ﺍﮮ ﻋُﻤﺮ ﺭﻭﺍﮞ ﮐُﭽﮫ ﭘَﻞ ﮐﮯلیۓ
ﺁﺳﻮﺩﮦ ﻧﮕﺮ ﻣﯿﮟ ﺟﺎ ﻧﮯ ﺩﮮ
ﺍِﺱ ﺷﻮﺥ ﻧﻈﺮ ﺳﮯ ﭘﻮﭼﮫ ﺗﻮ ﻟﯿﮟ
ﺍِﺱ ﺭﺍﮦ ﭘﮧ ﮐﯿﻮﮞ یہ ﭘﺎﮔﻞ ﺩﻝ
ﺍﻧﺠﺎﻧﯽ ﻟﮯ ﭘﮧ ﺩﮬﮍﮐﺎ ھﮯ
ﺍﺱ ﻣﻮﮌ ﭘﮧ ﮐﯿﻮﮞ ﯾﮧ ﺩﺍﻣﻦ ﺩﻝ
ﭘﮭﺮﮐﺲ ﮐﮯﺁ ﮔﮯ ﭘﮭﯿﻼ ھﮯ
ﯾﮧ ﻧﻈﺮﯾﮟ ﺍُﻧﮑﯽ ﺭﺍھﻮﮞ ﻣﯿﮟ
ﮐﯿﻮﮞ ﺳﺠﺪﮦ ﺭﯾﺰﯼ ﮐﺮﺗﯽ ھﯿﮟ
ﺍﮮﮔﺮﺩﺵ ﺩﻭﺭﺍﮞ ﺗﻮ ھﯽ ﺑﺘﺎ
ﺍﺱ ﺩﺭﺩ ﮐﺎﺣﺎﺻِﻞ ھﺠﺮ ھﮯ ﮐﯿﺎ....... ؟؟؟

کسی پر نظم لکھنے سے

کسی پر نظم لکھنے سے

کوئی مِل تو نہیں جاتا

کوئی تعریف

بانہوں کے برابر تو نہیں ھوتی

کسی آواز کے پاوں

کبھی دل پر نہیں چلتے

کبھی کشکول میں

قوس و قزح اُتری نہیں دیکھی

صحیفہ رِحل پر رکھنے سے

قرآں تو نہیں بنتا

کسی نے آج تک

شاعر کے آنسو

خود نہیں پونچھے

دلاسہ ، لفظ کی حد تک ھی اپنا کام کرتا ھے

کسی خواھش کو

سینے سے لگانے

کی اجازت تک نہیں ھوتی

تمھاری ضد کو پُورا کر دیا دیکھو

ستارے ، چاند، سُورج ، روشنی، خوشبو،

تمھارے دَر پہ کیا کیا دھر دیا دیکھو

 گُلِ فردا !!

ابھی کِھل جاو ! کہنے سے

کوئی کِھل تو نہیں جاتا

کسی پر نظم لکھنے سے

کوئی مِل تو نہیں جاتا