Musafir

چلے جانے کی عُجلت میں
دِلوں پر جو گُزرتی ہے....
مُسافِر کب سمجھتے ہیں
اُنہیں احساس کب ہوتا ہے
زادِ رہ سمیٹیں تو کسی کا
دل سِمٹتا ہے ...........
رَگوں میں خُون جَمتا ہے...
کسی کے الوداعی ہاتھ ہِلتے ہیں
مگر دل ڈوب جاتا ہے
مگر جانے کی عُجلت میں مُسافِر
کب سمجھتے ہیں....!!!

اب مسافت کیسے طے ہو اے دل تو ہی بتا

اب یہ مسافت کیسےطے ہو اے دل تو ہی بتا

کٹتی عمر اور گھٹتے فاصلے پھر بھی وہی صحرا

شیشے کی دیوار زمانہ، آمنے سامنے ہم

نظروں سے نظروں کا بندھن، جسم سے جسم جُدا

اب گرد اب اپنے آپ میں گھلتی سوچ بھلی

کس کے دوست اور کیسے دشمن، سب کو دیکھ لیا

راہیں دھڑکیں، شاخیں کھڑکیں، اک اک ٹھیس اٹل

کتنی تیز چلی ہے اب کے دھول بھری دَکھنا

دکھڑے کہتے لاکھں مُکھڑے، کس کس کے سینے

بولی تو اک اک کی ویسی، بانی سب کی جدا

یُوں تِری یاد

یُوں تِری یاد، دِل میں اُتری ہے
جیسے جُگنو ہَوا میں کھو جائے
جیسے"روہی" کے سرد ٹیلوں میں
اِک مُسافر کو رات ہو جائے

اہل وفا

دن رات کے آنے جانے میں

  دنیا کے عجائب خانے میں
کبھی شیشے دھندلے ہوتے ہیں،
کبھی منظر صاف نہیں ہوتے
کبھی سورج بات نہیں کرتا
کبھی تارے آنکھ بدلتے ہیں
کبھی منزل پیچھے رہتی ہے
کبھی رستے آگے چلتے ہیں
کبھی آسیں توڑ نہیں چڑھتیں
کبھی خدشے پورے ہوتے ہیں
کبھی آنکھیں دیکھ نہیں سکتیں
کبھی خواب ادھورے ہوتے ہیں
یہ تو سب صحیح ہے لیکن
اس آشوب کے منظر نامے میں
دن رات کے آنے جانے میں
دنیا کے عجائب خانے میں
کچھ سایہ کرتی آنکھوں کے ، پیماں تو دکھائی دیتے ہیں!
ہاتھوں سے اگرچہ دور سہی، امکاں تو دکھائی دیتے ہیں!
ہاں، ریت کے اس دریا سے ادھر
اک پیڑوں والی بستی کے
عنواں تو دکھائی دیتے ہیں!
منزل سے کوسوں دور سہی
پردرد سہی، رنجور سہی
زخموں سے مسافر چور سہی
پر کس سے کہیں اے جان وفا
کچھ ایسے گھاؤ بھی ہوتے ہیں جنہیں زخمی آپ نہیں دھوتے
بن روئے ہوئے آنسو کی طرح سینے میں چھپا کر رکھتے ہیں
اور ساری عمر نہیں روتے
نیندیں بھی مہیا ہوتی، سپنے بھی دور نہیں ہوتے
کیوں پھر بھی جاگتے رہتے ہیں! کیوں ساری رات نہیں سوتے!
اب کس سے کہیں اے جان وفا
یہ اہل وفا
کس آگ میں جلتے رہتے ہیں، کیوں بجھ کر راکھ نہیں ہوتے

ﺟﺐ ﻣﯿﮟ ﻣﺮ جاؤں

ﺍﻭﺭ ﺟﺐ ﻣﯿﮟ ﻣﺮ جاؤں
 ﺗﻮ
ﻣﺠﮭﮯ ﮐﺴﯽ ﺧﺸﮏ ﭘﮭﻮﻝ ﮐﯽ ﻣﺎﻧﻨﺪ
ﻣﺤﺒﺖ ﮐﯽ ﮐﺴﯽ ﮐﺘﺎﺏ ﻣﯿﮟ ﻗﯿﺪ ﮐﺮ ﻟﯿﻨﺎ۔
ﺟﺐ ﺯﻧﺪﮔﯽ ﻣﯿﮟ ﮐﺒﮭﯽ ﻓﺮﺍﻏﺖ پاؤ ﺗﻮ
 ﺍﺱ ﮐﺘﺎﺏ ﮐﮯ ﺑﻮﺳﯿﺪﮦ ﺍﻭﺭﺍﻕ ﻣﯿﮟ ﺑﺴﯽ اﺱ ﺧﻮﺷﺒﻮ ﮐﻮ
 ﺍﭘﻨﯽ ﺳﺎﻧﺴﻮﮞ ﻣﯿﮟ ﺍﺗﺎﺭﺗﮯ ﮨﻮﺋﮯ ﻣﺠﮭﮯ ﯾﺎﺩ ﮐﺮﻧﺎ۔
ﯾﺎ ﭘﮭﺮ ﻣﺠﮭﮯ ﮐﺴﯽ ﺍﯾﺴﯽ ﺟﮕﮧ ﺩﻓﻦ ﮐﺮﻧﺎ
ﺟﮩﺎﮞ ﭼﺎﺭﻭﮞ ﻃﺮﻑ ﭘﮩﺎﮌ ﮨﻮﮞ۔
ﺟﮩﺎﮞ ﺭﺍﺗﻮﮞ ﮐﻮ جگنوؤں ﮐﮯ ﻗﺎﻓﻠﮯ
ﺍﻭﺭ ﺩﻥ ﮐﮯ ﻭﻗﺖ ﺗﺘﻠﯿﺎﮞ ﻣﺤﻮِ ﺭﻗﺺ ﮨﻮﮞ۔
ﺟﮩﺎﮞ ﮐﺴﯽ ﻣﻨﮧ ﺯﻭﺭ ﭘﮩﺎﮌﯼ ﭼﺸﻤﮯ ﮐﯽ ﺁﻭﺍﺯ
 ﺳﻤﺎﻋﺘﻮﮞ ﮐﻮ ﺧﻮﺑﺼﻮﺭﺕ ﺍﺣﺴﺎﺱ ﺑﺨﺸﺘﯽ ﮨﻮ۔
ﺟﮩﺎﮞ ﻣﻮﺕ ﮐﺎ ﺑﺪﺻﻮﺭﺕ ﺍﺣﺴﺎﺱ ﮈﯾﺮﮮ ﮈﺍﻝ ﮐﺮ ﻧﮧ ﺑﯿﭩﮭﺎ ﮨﻮ۔
ﺍﮔﺮ ﺍﯾﺴﺎ ﻧﮧ ﮐﺮ ﺳﮑﻮ ﺗﻮ ﻣﺠﮭﮯ ﮐﮩﯿﮟ ﮔﮭﻨﮯ ﺟﻨﮕﻠﻮﮞ ﻣﯿﮟ ﺩﻓﻦ ﮐﺮ آنا
ﺟﮩﺎﮞ ﮐﺴﯽ ﭘﯿﮍ ﮐﮯ ﻧﯿﭽﮯ ﻣﺴﺎﻓﺮ ﺭﺍﺳﺘﮧ ﺑﮭﻮﻝ ﮐﺮ ﺁﻥ ﭘﮩﻨﭽﯿﮟ
ﺍﻭﺭ ﻣﯿﺮﯼ ﻗﺒﺮ ﭘﺮ ﺍﻧﺠﺎﻧﮯ ﮨﺎﺗﮫ دعاؤں ﮐﮯ
ﻟﺌَﮯ ﺍﭨﮭﺘﮯ ﺭﮨﯿﮟ۔
ﺍﮔﺮ ﺍﯾﺴﺎ ﺑﮭﯽ ﻧﮧ ﮐﺮ ﺳﮑﻮ ﺗﻮ
 مجھے ﻣﺤﺒﺖ ﮐﯽ ﮐﺴﯽ ﮐﮩﺎﻧﯽ ﻣﯿﮟ ﺩﻓﻦ ﮐﺮ ﺁﻧﺎ 
ﺟﺲ ﮐﮯ ﮐﺮﺩﺍﺭ مر جائیں لیکن محبت ہمیشہ زندہ رﮨﮯ۔
ﺍﮔﺮ ﺍﯾﺴﺎ ﺑﮭﯽ ﻧﮧ ﮐﺮ ﺳﮑﻮ ﺗﻮ ﻣﺠﮭﮯ ﺑﺲ ﺍﭘﻨﮯ ﺩﻝ ﻣﯿﮟ ﺩﻓﻦ ﮐﺮ لینا
ﮐﯿﻮﻧﮑﮧ ﺗﻤﮩﺎﺭﺍ ﺩﻝ ﺩﻧﯿﺎ ﮐﯽ ﻭﺍﺣﺪ ﺟﮕﮧ ﮨﻮ ﮔﯽ
 ﺟﮩﺎﮞ ﻣﺮﻧﮯ ﮐﮯ بعد ﺑﮭﯽ ﻣﯿﮟ
 ﯾﺎﺩﻭﮞ ﮐﯽ ﺻﻮﺭﺕ ﻣﯿﮟ ﮨﻤﯿﺸﮧ ﺯﻧﺪﮦ ﺭﮨﻮﮞ گا۔۔

مُسافر ھوں ۔۔۔۔۔۔۔۔۔۔

مُسافر ھوں ۔۔۔۔۔۔۔۔۔

 تیرے شہر مُحبت میں ذرا سی دیر ٹھہروں گا
چلا جاؤں گا اپنے راستے پر
زندگی کی رات ڈھلنے دے، بدن کو مات ھونے دے
رُکی ھے جو لبوں پر بات، ھونے دے
تیرا شہر محبت خُوب ھے لیکن اسیری کا بہانہ ھے
ازل کی اولیں ساعت، ابد کا آخری لمحہ
یہیں پر مرتکز سارا زمانہ ھے
مگر مُجھ کو ۔۔ دور آگے
لاجوردی روشنی سے پیار کرنا ھے
ترا شہرِ مُحبت تو میرا ۔۔۔۔۔۔۔۔
فصیلِ وقت کے ٹھہرے ھوئے اُس دائرے کو پار کرنا ھے
ابد کی سرحدوں سےپہلا پڑاؤ ہے
جسے تو آخری منزل سمجھتی ھے
دِلوں کے راستوں پر وہ فقط اک نیم روشن
سا الاؤ ھے
بڑی لمبی مُسافت ھے، بڑا گہرا یہ گھاؤ ھے
ابد کے اُس طرف بھی راستے ھی راستے ھیں
فاصلوں کا ایک نادیدہ بہاؤ ھے
جِسے میں دیکھ سکتا ھوں
جِسے میں چھو بھی سکتا ھوں
مگر میں تو مُسافر ھوں
تیرے شہر مُحبت میں ذرا سی دیر ٹھہروں گا
چلا جاوْں گا اپنے رستے پر

ﭘﯿﺎﺭ ﮐﮯ ﺳﻤﻨﺪﺭ ﻣﯿﮟ

ﭘﯿﺎﺭ ﮐﮯ ﺳﻤﻨﺪﺭ ﻣﯿﮟ

ﭘﯿﺎﺭ ﮐﮯ ﺳﻤﻨﺪﺭ ﻣﯿﮟ
ﮨﺮ ﺍﺗﺮﻧﮯ ﻭﺍﻟﮯ ﮐﻮ
ﮐﺸﯿﺎﮞ ﻧﮩﯿﮟ ﻣﻠﺘﯿﮟ
ﺩﻭﺭ ﺩﻭﺭ ﺗﮏ ﺟﺎﻧﺎﮞ
ﺩﮬﻮﭖ ﮐﯽ ﻣﺴﺎﻓﺖ ﮨﮯ
ﺍﻭﺭ ﮐﮩﯿﮟ ﺑﮭﯽ ﭘﻞ ﺑﮭﺮ ﮐﻮ
ﺩﮬﻮﭖ ﮐﮯ ﻣﺴﺎﻓﺮ ﭘﺮ
ﺳﺎﺋﺒﺎﮞ ﻧﮩﯿﮟ ﮐﮭﻠﺘﮯ
ﺍﺱ ﻋﺠﺐ ﺳﻤﻨﺪﺭ ﻣﯿﮟ
ﻋﻤﺮﮐﯽ ﺭﯾﺎﺿﺖ ﮐﮯ
ﺑﻌﺪ ﮨﻢ ﻧﮯ ﺟﺎﻧﺎ ﮨﮯ
ﺟﺲ ﻃﺮﺡ ﻓﻀﺎﺅﮞ ﻣﯿﮟ
ﺍﮌﻧﮯ ﻭﺍﻟﮯ ﭘﻨﭽﮭﯽ ﭘﺮ
ﺑﺮﺱ ﮨﺎ ﺑﺮﺱ ﻣﯿﮟ ﺑﮭﯽ
ﺁﺳﻤﺎﮞ ﻧﮩﯿﮟ ﮐﮭﻠﺘﮯ
ﺑﺤﺮِ ﺑﯿﮑﺮﺍﮞ ﻣﯿﮟ ﺑﮭﯽ
ﺑﮭﯿﺪ ﺑﮭﯿﺪ ﺭﮨﺘﺎ ﮨﮯ
ﺭﺍﺯﺩﺍﮞ ﻧﮩﯿﮟ ﮐﮭﻠﺘﮯ
ﺑﺎﻡ ﻭ ﺩﺭ ﻧﮩﯿﮟ ﻣﻠﺘﮯ
ﺁﺳﺘﺎﮞ ﻧﮩﯿﮟ ﮐﮭﻠﺘﮯ
ﮨﺮ ﺍﺗﺮﻧﮯ ﻭﺍﻟﮯ ﮐﻮ
ﮐﺸﺘﯿﺎﮞ ﻧﮩﯿﮟ ﻣﻠﺘﯿﮟ
ﺍﻭﺭ ﻣﻞ ﺑﮭﯽ ﺟﺎﺋﯿﮟ ﺗﻮ
ﺑﺎﺩﺑﺎﮞ ﻧﮩﯿﮟ ﮐﮭﻠﺘﮯ
ﭘﯿﺎﺭ ﮐﮯ ﺳﻤﻨﺪﺭ ﻣﯿﮟ