تم بہت خاص ہو

 

تم میری روح کی آواز ہو

 
تم بہت خاص ہو

______
جستجو میں تھی تیری تمنا کب سے

 
اک خوشبو میں لپٹا راز ہو

 
تم بہت خاص ہو

_______
تیری ہر بات پہ دل دھڑک جاتا ہے

 
تم میری ذات کا آغاز ہو

 
تم بہت خاص ہو

_______
تمہارے دم سے ہے ستاروں میں گردشوں کو دوام

 
کہکشاؤں کا اک انداز ہو

 
تم بہت خاص ہو

________
تمہارے لفظ میری سوچ میں سمائے ہیں

 
روح کا دلفریب ساز ہو

 
تم بہت خاص ہو

________
ماورا ماورا ہو پھر بھی دل میں بستے ہو

 
اک حقیقت بھرا مجاز ہو

کسی کے چھوڑ جانے سے

کسی کے چھوڑ جانے سے

کسی کے بھول جانے سے

ہماری ذات مرتی ہے

ہماری روح روتی ہے

کہ ہم زندہ توہوتے ہیں

مگر دھڑکن کی نگری سے

کوسوں دور ہوتے ہیں

کبھی سانسوں کی گردش کو

پامال کرتے ہیں

کبھی خوشیوں کی دستک کو

تیرگی خیال کرتے ہیں

مگر کوئی پوچھے یہ ہم سے

کسی کے چھوڑ جانے سے

کسی کے بھول جانے سے

تمھاراحال کیسا ہے؟

تو ادائے دلبری سے ہم

ہنس کر اس سے کہتے ہیں

کسی کے چھوڑ جانے سے

کسی کے بھول جانے سے

بھلا کون مرتاہے

ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ

ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ
ﮐﮧ ﻣﯿﺮﯼ ﺫﺍﺕ ﮐﮯ ﺍﻧﺪﺭ
ﺗﯿﺮﯼ ﭼﺎﮨﺖ ﺑﮭﺮﮮ ﻣﻮﺳﻢ ﮐﯽ
ﺑﮩﺖ ﻣﻌﺼﻮﻡ ﺧﻮﺍﮨﺶ ﺗﮭﯽ
ﺟﺴﮯ ﺑﺲ ﯾﮧ ﺗﻤﻨﺎ ﺗﮭﯽ
ﮐﮧ ﺗﯿﺮﮮ ﻧﺮﻡ ﺣﺮﻓﻮﮞ ﮐﯽ ﻣﻼﺣﺖ
ﺗﯿﺮﮮ ﻟﮩﺠﮯ ﮐﻮ ﺑﮭﯽ ﭼﮭﻮ ﻟﮯ
ﺍﺳﮯ ﺑﺲ ﯾﮧ ﺗﻤﻨﺎ ﺗﮭﯽ
ﻣﺠﮭﮯ ﺑﺲ ﺍﺗﻨﯽ ﺣﺴﺮﺕ ﺗﮭﯽ
ﺗﻤﮩﺎﺭﺍ ﮨﺎﺗﮫ ﻣﯿﺮﮮ ﮨﺎﺗﮭﻮﮞ ﻣﯿﮟ
ﮨﻤﯿﺸﮧ ﻧﮧ ﺭﮨﮯ ۔۔۔ ﺯﻧﺠﯿﺮ ﮐﯽ ﺻﻮﺭﺕ
ﻣﮕﺮ ﺍﺱ ﻭﻗﺖ ﺗﻮ ﮨﻮ
ﮐﮧ ﺟﺐ ﻣﯿﺮﺍ ﺍﺣﺴﺎﺱ ﺗﻨﮩﺎ ﮨﻮ
ﺍﻭﺭ ﻣﯿﺮﺍ ﮨﺎﺗﮫ ﺧﺎﻟﯽ ﮨﻮ !
ﻣﺠﮭﮯ ﻣﺤﺴﻮﺱ ﮨﻮﺗﺎ ﮨﮯ ﮐﮧ ﻣﯿﺮﯼ ﺫﺍﺕ ﮐﮯ ﺍﻧﺪﺭ
ﺗﯿﺮﯼ ﭼﺎﮨﺖ ﺑﮭﺮﮮ ﻣﻮﺳﻢ ﮐﯽ ﺑﮩﺖ ﻣﻌﺼﻮﻡ
ﺧﻮﺍﮨﺶ ﺗﮭﯽ
ﺟﺴﮯ ﺑﺲ ﺍﺗﻨﺎ ﺳﺎ ﺩﮐﮫ ﮨﮯ
ﺗﻤﮩﺎﺭﺍ ﮨﺎﺗﮫ ﻣﻞ ﺟﺎﺗﺎ..!!!

محبت ہے

محبت ہے 

جبھی تو کچھ بھی کہتے ہو
تمہاری سرد مہری کے سمندر میں پڑے
چپ چاپ سہتے ہیں
محبت ہے

 جبھی تو ہم پرندوں کی طرح سے لوٹ آتے ہیں
تمہاری ذات کے گنجان برگد میں
جہاں پر کوئی ٹہنی بھی
ہماری خواہشوں کو گھونسلا رکھنے نہیں دیتی
محبت ہے 

جبھی تو ہم نے تیری یاد کا جگنو حسیں ،
روپہلے چہروں کی ضیاء میں آج تک کھویا نہیں
جبھی تو ہم دیے کی طرح جلتے ہیں سلگتے ہیں
تمھارے ہجر کی تاریک راتوں میں
ہماری خاک کو گر ہواؤں میں اڑاؤ گے
تو واپس لوٹ آئیں گے
ہمیں تو راکھ ہو کر بھی" تیرے قدموں میں رہنا ہے"
محبت ہے.

لیکن جب تم تھک جاؤ تو.......

 

لیکن جب تم تھک جاؤ تو

جاگتے جاگتے تھک جاؤ تو ،
ایسا کرنا
آدھی راتیں مجھ کو دینا
تم کو پورے خواب ملیں گے
تم کیا جانو
درد حدوں کو چھو آئے تو
آنکھ میں آنسو جم جاتے ھیں
تم چاھو تو
ایسا کرنا
درد کی شدت میں سہ لوں گی
درد کا حاصل تم رکھ لینا
تم کیا جانو
ذات ادھوری ھو جائے تو
رشتہ آدھا رہ جاتا ھے
آدھارشتہ مجھ کو دے کر
پوری ہستی لے سکتے ھو ۔ ۔ ۔
کیا سودا ھے!
تم کیا جانو
آدھا رستہ کھو جائے تو
منزل یاس دیا کرتی ھے
تم چاھو تو
ایسا کرنا
آدھا رستہ میں رکھ لوں گی
پوری منزل تم لے لینا۔

لیکن جب تم تھک جاؤ تو ____!!!!

Umar bhar ishq kisi tor na kam ho Aameen

!! ____  عُمر بھر عشق کسی طور نہ کم ھو ، آمین

دل کو ہر روز عطا نعمتِ غم ھو ، آمین ____ !!

میرے کاسے کو ھے بس چار ہی سکّوں کی طلب

عشق ھو ، وقت ھو ، کاغذ ھو ، قلم ھو ، آمین ___ !! 

حجرۂ ذات میں یا محفلِ یاراں میں رھوں ____ !

فکر دنیا کی مجھے ھو بھی تو کم ھو ، آمین ____ !! 

جب میں خاموش رھوں ، رونقِ محفل ٹھہروں

اور جب بات کروں ، بات میں دَم ھو ، آمین ____ !! 

لوگ چاہیں بھی تو ھم کو نہ جدا کر پائیں

یوں مری ذات تری ذات میں ضم ھو ، آمین ___ !! 

عشق میں ڈوب کے جو کچھ بھی لکھوں کاغذ پر

خود بخود لوحِ زمانہ پہ رقم ھو ، آمین ____ !! 

نہ ڈرا پائے مجھے تیرگیءدشتِ فراق

ہر طرف روشنیءدیدۂ نم ھو ، آمین ___ !! 

مِیر کے صدقے مرے حرف کو درویشی ملے

دور مجھ سے ھوسِ دام و درم ھو ، آمین ____!! 

میرے کانوں نے سُنا ہے ترے بارے میں بہت

میری آنکھوں پہ بھی تھوڑا سا کرم ہو ، آمین ____ !! 

جب زمیں آخری حدّت سے پگھلنے لگ جائے

عشق کی چھاؤں مرے سرکو بہم ہو ، آمین ____ !! 

Judai phail sakti hai

جدا ہونا ہی ٹھہرا تو

گلے کیسے شکایت کیا

جدا ہوجائیں چپکے سے

نہ تم بولو نہ میں بولوں

ہمارے بول پڑھنے سے

جدائی پھیل سکتی ہے

ہواؤں میں

فضاؤں میں

جدائی ذات میں بھر لیں

چلو ہم اس طرح کر لیں

کسی سنسان رستے کے

کسی بھی موڑ پر دونوں

جدا ہوجائیں چپکے سے

نہ تم بولو نہ میں بولوں

ہمارے بول پڑھنے سے

جدائی پھیل سکتی ہے