Main ne theek kiya naa?

Main ne theek kiya naa?
Kehte hain jab ghar mai achanak
Aisi aag bharak uthay
Jo chashm.e.zan mai
Har ik shay ko apni
Lapait mai le lay
Aag bujhana mushkil ho…
Aur
Ghar ka asaasa us se bachna namumkin ho
To
Aik hi rastaa reh jata hai…!

Ghar ki sab se qeemti chezain haath mai lo
Aur
Us se dur nikal jaao!
Mere dil mai bhi aisi hi aag lagi thi
Main ne jaldi jaldi Ankh mai tere
Bujhty khawab samaitey
Teri yaad kay tukray
Chun kar dehaan mai rakhey
Aur
Us aag mai …
Dil ko jaltaa chor ke
Duur nikal aya…

Main ne Theek Kiya Na ?