Be-wafa Koi Sitamger Bhi To Ho Sakta Hai,
Mera Qatil Mera Rehber Bhi To Ho Sakta Hai..!
Ek Mudat Se Tuje Wird Mein Rakha Jis Ne,
Wo Muhbbat Mein Qalandar Bhi to Ho Sakta Hai..!
Tere Koochy Mein Jo Aya Hai Ghulamon Ki Tarha,
Apni Basti Ka Sikandar Bhi To Ho Sakta Hai..!
Silsilawar Agar Ashak Bhi Giray Jaein,
Yeh Jo Sehra Hai Samandar Bhi To Ho Sakta Hai..!
Kab Talak Tere Khyalon K Sahary Jiye Jaein Mohsin,
Dil Teri Yaad Se Munkar Bhi To Ho Sakta Hai !
No comments:
Post a Comment