Uth fareeda vekh ty sahi by Usman Ramzan

(اُٹھ فریداؒ ،اُٹھ ویکھ تے سیئی)

عمران جلسے کیتی جاندا
نواز ریلیاں کڈی جاندا
زرداری مُکاسیاست دیتی
بلاول نوں پیا اے اَگّے کیتی
شہباز تے خٹک لڑدے مر گئے
قائم،مراد،وی دونوں ٹھر گئے
جمائمہ،ریحام دویں گئیاں
عائشہ دونوں روندیاں پئیاں
لے کہ بہ گئی اے گلالئی
اُٹھ فریداؒ ،اُٹھ ویکھ تے سیئی
۔۔۔۔۔۔۔۔۔
روز نواں کنٹینر سجاون
گلالئی نوں میسج آون
عائشہ احد سی چُکی گئی
مریم وچاری پُکھی جئی
بھرا ،وی دویں بڑے سیانے
ارباں دے مالک،کل دے نیانے
جے،آئی،ٹی نے بنائی رپورٹ
نااہل سی کیتا سپریم کورٹ
فیر وی گڈی لاہور نوں پئی
اُٹھ فریداؒ ،اُٹھ ویکھ تے سیئی
۔۔۔۔۔۔۔۔۔
عورت نوں کیہن ٹریکٹر ٹرالی
آصف تے سعد عقلوں خالی
نام نال لان دویں خواجہ
ایہناں توں چنگا اے پنڈ دا ماجھا
عاشق فردوس تے ریاض راجا
ہر کوئی وجائے پٹھا ای باجا
کھولے سب نے اپنے محاذ
جہانگیر ترین دا اپنا جہاز
انّی تے ایتھے لٹ آپئی
اُٹھ فریداؒ ،اُٹھ ویکھ تے سیئی
۔۔۔۔۔۔۔۔۔
سیاست رہ گئی،اشراف دِی مستی
تاہیؤں آئی اے افلاس تے پستی
جینا مہنگا،موت اے سستی
لُٹی گئی اے دِین دِی بستی
پناہ خدا دِی،پارلان نوں کَشتی
لیڈاآئے رشید تے دستی
ایس عثمان رمضان دی کی اے ہستی
ہر کوئی کرے نفس پرستی
کِسے نوں حیا،تمیز نہ شرم جئی
اُٹھ فریداؒ ،اُٹھ ویکھ تے سیئی
۔۔۔۔۔۔۔۔۔
متحد ہونا ای چنگا ہوندا
دادی کو سُن کے میں سی سوندا
آج جیہناں دانام متحدہ
سب توں بھیڑہ اُنہاں دا،دھندہ
چوری،ڈکیتی تے قتل آبھائی
ہرپاسے بس ایہو دُھائی
قائدؒ ،پنگھوڑا تے قبر وی پائی
کراچی،رونقاں دِی ہوئی صفائی
ایدھی دے پچھے، رتھ فاؤ وی گئی
اُٹھ فریداؒ ،اُٹھ ویکھ تے سیئی
۔۔۔۔۔۔۔۔۔
توںؒ ،پتن نوں پاک بنایا
قائدؒ ،وطن نوں پاک بنایا
دوہاں کام اِکّو ای کیتا
توں ہیں جاگیں،میں ہاں سُتا
مُرشد سایئاں،توں ہیں سُچا
میں ہاں نیواں،توں ہیں اُچّا
داتاؒ ،بَریؒ ،تے مہرعلیؒ
ساریاں تے رحمت ریئی
ہن اَجل احمد پور نوں سیک کے گیئی
اُٹھ فریداؒ ،اُٹھ ویکھ تے سیئی
۔۔۔۔۔۔۔۔۔
پاک زمین تے رہے،رحمت رَب دِی
تاقیامت رہیں توں وَسدی
وانگ قلکاری رہیں توں ہَسدی
آواز رہے تیری دنیا وچ گجدی
خوشحالی رہیں توں ہرویلے جَمدی
تھک جائے خلقت نعرے وجدی
معدنیات کوکھ بھری اے سَنگ دِی
گیس وی ویکھو،نَکّے سوئی چوں لبدی
حیرت نال تَکّے ،اے آسمان سرمئی
اُٹھ فریداؒ ،اُٹھ ویکھ تے سیئی

(عثمان رمضان)
(usmanramzan171@gmail.com)