December ja raha hai by Mrs Qamar Shehzad Shah

 

///////////////// دسمبر جا رہا ہے ////////////////////

دسمبر جا رہا ہے آ ج پھر۔

اپنی سرد شاموں کی یاد دے کر۔

نئ خوشیوں کا سراغ دے کر۔

میری آ نکھوں کو منزلوں کے خواب دے کر۔

نئ امنگوں کی تلاش دے کر۔

اچھے دنوں کی آس دے کر۔

اپنوں کا احساس دے کر۔

دسمبر جا رہا ہے آ ج پھر۔

ہاں دسمبر جا رہا ہے آ ج پھر۔

///////////////// مسز قمر شہزاد شاہ//////////////////

*************

December bheega nahi by Mrs Qamar Shehzad Shah

:::::::::::::::::::: دسمبر بھیگا نہیں ::::::::::::::::::::::::::

دسمبر اب بھی وہی ہے۔

وہی سرد ہوائیں،وہی ٹھنڈی آہیں۔

وہی چڑیوں کی چہکار۔

وہی کوئل کی میٹھی آواز۔

وہی سردی کی سرسراہٹ۔

وہی پتوں کی چرچراہٹ۔

وہی ہر طرف گہری خاموشی۔

وہی پرانی باتیں اور دسمبر کی سونی راتیں۔

دسمبر اب بھی وہی ہے۔

وہی سورج کی آنکھ مچولی۔

وہی چاند کی دلفریب چاندنی۔

مگر اس بار دسمبر میں کچھ کمی ہے۔

اسکی آنکھوں میں آئی ہلکی سی نمی ہے۔

کیونکہ اس بار دسمبر بھیگا نہیں ہے۔

دسمبر بھیگا نہیں ہے۔

:::::::::::::::::::::مسز قمر شہزاد شاہ:::::::::::::::::::::::

Aa jao by Mrs Qamar Shehzad Shah

،،،،،،،،،،،،،،،،،،،،،،،،،،،، آ جاؤ ،،،،،،،،،،،،،،،،،،،،،،،،،،،،،،،،،‎‎

 

آ جاؤ کہ زندگی ڈھونڈ رہی ہے تجھ کو۔

کتنے سنگدل ہو جو تم بھی گئے مجھ کو۔

بڑی مدت سے میری آ نکھیں ترستی ہیں۔

کبھی ہنستی ہیں تو کبھی برستی ہیں۔

آ جاؤ کہ یہ دل بے ایمان سا لگتا ہے۔

کبھی کبھی تو بلکل نادان سا لگتا ہے۔

آ جاؤ کہ دل میں تیرے لیے ارمان بہت ہیں۔

چاروں طرف خوشیوں کے سامان بہت ہیں۔

آ جاؤ کہ اب انتظار نہیں ہوتا۔

دنیا والوں پہ اب اور اعتبار نہیں ہوتا۔

,,,,,,,,,,,,,,,,مسز قمر شہزاد شاہ،،،،،،،،،،،،،،،،،،،،

Suno naraz mat hona by Mrs Qamar Shehzad Shah

:::::::::::::::::::: سنو ناراض مت ہونا :::::::::::::::::::

 

سنو ناراض مت ہونا۔

کسی اپنے سے بے نیاز مت ہونا۔

سنا ھے ناراض ہونے سے۔

غلط فہمیاں بڑھ جاتی ہیں۔

آ نکھیں بھر آ تی ہیں۔

رشتے چھوٹ جاتے ہیں۔

بندھن ٹوٹ جاتے ہیں۔

خواب بکھر جاتے ہیں۔

دوست بچھڑ جاتے ہیں۔

صرف درد رہ جاتے ہیں۔

بس اتنی سی گزارش ہے۔

میرا یہ مان رکھ لینا۔

اس لیے ناراض مت ہونا۔

کسی اپنے سے بے نیاز مت ہونا۔

::::::::::::::::::: مسز قمر شہزاد شاہ :::::::::::::::::::::

December jab bhi ata hai by Mrs Qamar Shehzad Shah

دسمبر جب بھی آ تا ہے

دسمبر جب بھی آ تا ہے۔

بڑا اداس ہوتا ہے۔

غموں کی پیاس ہوتا ہے۔

خوشیوں کی آس ہوتا ہے۔

وچھوڑوں کا احساس ہوتا ہے۔

دسمبر بڑا بے رحم ہوتا ہے۔

دکھوں کے ہار دیتا ہے۔

غموں کی مار دیتا ہے۔

تنہائیوں کے درد دیتا ہے۔

بہت بے چین کرتا ہے۔

دسمبر جب بھی آ تا ہے۔

بھیگے ہوئے موسم اور سونی راتیں۔

کچھ خوشیوں کی کچھ غموں کی باتیں۔

یہ سب دسمبر کی ہیں سوغاتیں۔

دسمبر جب بھی آ تا ہے۔

بہت کچھ ساتھ لاتا ہے۔

بہت کچھ لے کے جاتا ہے۔

دسمبر جب بھی آ تا ہے۔                                       ,,,,,,,,,,,,,,,,,,,,,

مسز قمر شہزاد شاہ،،،،،،،،،،،،،،،،،،

**********************

December by Mrs Qamar Shehzad Shah

بہت حسین یہ دسمبر ہے۔

ٹھنڈی ہواؤں کا مکین یہ دسمبر ہے۔

غموں کا درد یہ دسمبر ہے۔

خوشیوں کی آس یہ دسمبر ہے۔

روتا بھی رولاتا بھی یہ دسمبر ہے۔

ہنستا بھی ہنساتا بھی یہ دسمبر ہے۔

خزاں کا تاج یہ دسمبر ہے۔

بارشوں کی معراج یہ دسمبر ہے۔

کتنا پیارا تیرا امتزاج یہ دسمبر ہے۔

!!!!!!!!!!!!مسز قمر شہزاد شاہ۔ !!!!!!!!!!!!!!!!

Aye meri pyari maa by Mrs Qamar Shehzad Shah

"""""""""""""اے میری پیاری ماں"""""""""""""

تو محبتوں کی بہار ہے۔

تو دلوں کا قرار ہے۔

تو اس چمن کا نکھار ہے۔

تو چاہتوں کی سر زمیں۔

تو دلربا تو دلنیش۔

تو دنیا میں سب سے حسین۔

میں تیرے دل کی مکین۔

اے میری پیاری ماں۔

تو میرا گلستاں۔

تو عظمتوں کا نشاں۔

تو قربانیوں کی داستاں۔

تو میرا آسمان۔

تو میرا آشیاں۔

تو مجھ پہ مہرباں۔

تو میرا سارا جہاں۔

اے میری پیاری ماں۔

تو ہے جنت میری۔

میں  آرزو تیری۔

میں ہر خوشی تیری۔

تو میری ھم دم۔

تو میری ھم راز۔

تو میرا انجام۔

تو میرا آغاز۔

تو میری ہر سانس۔

تو میرا سب سے بڑا انعام۔

تو مرکز ہے دعاؤں کا۔

تو گلشن ہے ٹھنڈی ہواؤں کا۔

تو پیکر ہے وفاؤں کا۔

اے میری پیاری ماں۔

اے میری پیاری ماں۔

/////////////

مسز قمر شہزاد شاہ

 ////////////

Dar lagta hai by Mrs Qamar Shehzad Shah

ڈر لگتا ہے

مجھے ان رسوائیوں سے ڈر لگتا ہے

اس دل کی تنہائیوں سے ڈر لگتا ہے

ہر طرف ہو کا سا عالم ہے یہاں

اب تو اپنی ہی پرچھائیوں سے ڈر لگتا ہے

محبتوں سے بھی کوئی غرض نہیں رہی

اے زندگی تیری ان رعنائیوں سے ڈر لگتا ہے

کہاں سے ڈھونڈ کہ لاؤں نئے ہمسفر دل ویراں

ابھی تک تو پرانی جدائیوں سے ڈر لگتا ہے

کوئی حسرت نہیں رہی روشنیوں کی مجھے

اب تو ان شہنائیوں سے بھی ڈر لگتا ہے

میرا کیا کام ان حسن والوں کی محفل میں

مجھے ان حسن کے شیدائیوں سے ڈر لگتا ہے

اے عشق تجھ سے کوئی تعلق نہیں رہا میرا

مجھے تیری ان کج ادائیوں سے ڈر لگتا ہے

اب کیوں دیکھوں کسی کو پیار کی نظر سے

غیر تو غیر اپنوں کی کرم فرمائیاں سے ڈر لگتا ہے

اب تو اپنی بھی کچھ خبر نہیں رہتی دن رات

اےدل تیری ان بے پروائیوں سے ڈر لگتا ہے

کوئی بھروسہ بھی تو نہیں رہا اس دنیا والوں پہ

مجھے تو اب ان ہرجائیوں سے ڈر لگتا ہے                 !!!!!!!!!!!!!!!!!

مسز قمر شہزاد شاہ!!!!!!!!!!!!!!!!!!!!!!!

٭٭٭٭٭٭٭٭٭٭

Chalo aaj us nagar chalen by Mrs Qamar Shehzad Shah

چلو آج اس نگر چلیں

چلو آج اس نگر چلیں

جس نگر پھول خوشی کے کھلتے ہوں۔

اور چاہنے والے ملتے ہوں۔

جہاں محبتیں بے شمار ہوں۔

اور دولت کے انبار نہ ہوں۔

چلو آج اس نگر چلیں۔

جہاں جھوٹ کا کاروبار نہ ہو۔

اور کوئی دشمن دار نہ ہو۔

جہاں بنت حوا رسوا سربازار نہ ہو۔

اور کوئی بھی بے بس اور لاچار نہ ہو۔

چلو آج اس نگر چلیں۔

جہاں نھنے پھول کلیاں ہنستے ہوں۔

اور گیت خوشی کے گاتے ہوں۔

سب خوشیاں مناتے ہوں۔

جہاں غم کے آثار نہ ہوں۔

چلو آج اس نگر چلیں۔

جہاں کوئی نہ تیرا میرا ہو۔

اور چاروں طرف سویرا ہو۔

خوشیوں نے ڈالا ڈھیرا ہو۔

جہاں محبتوں کا میلہ ہو۔

چلو آج اس نگر چلیں۔

چلو آج اس نگر چلیں۔

؛؛؛::::::::::؛؛؛ مسز قمر شہزاد شاہ؛؛؛:::::::::::::::::::؛؛؛

Lamhy by Mrs Qamar Shehzad Shah

لمحے

وہ گزرے ہوئے ماہ و سال کےلمحے

              ابھی تک یاد ہیں اس وقت بے مثال کے لمحے

لوگ پوچھتے ہیں کہ نادان بتا ذرا

      کہاں گئے وہ تیرے عشق لازوال کےلمحے

              کیا بتاؤں میں اپنے درد دل کی شدت

                   جواب کہاں تھا اس کربناک سوال کے لمحے

           آنکھیں اب بھی نم ہو جاتی ہیں اکثر

             اے میرے یار تیرے اس خوبصورت خیال کےلمحے

  تم ہی کوئی مشورہ دو میرے مخلص دوست

          کیسے بھلا دوں دیدہ زیب حسن وجمال کے لمحے

   ٹوٹ کر ایسی بکھری ہوں کہ آ ج تک

    میری آنکھوں میں نقش ہیں وہ ہجرووصال کے لمحے

                                            ۔۔۔۔۔۔۔۔۔۔،،،،،،،،،،،،مسز قمر شہزاد شاہ،،،،،،،،،،،،۔۔۔۔۔۔۔۔ ۔۔۔

Sitam by Mrs Qamar Shehzad Shah

 

ستم

کیسا ستم یہ میرے پروردگار ہے۔                         

زندگی زندگی سے بیزار ہے۔              

                     آ ندھیوں کے دیس میں۔                                      خواہشوں کے بھیس میں۔                                     بے حسی کی گرد ہے۔                                           بےبسی کا درد ہے۔                                               

زندگی کی ہر سانس مبتلائے کرب ہے۔                   

ہر ہونٹ ہے خاموش تماشائی۔                      

ہر جذبہ یہاں سرد ہے۔                               

          کیسا ستم یہ میرے پروردگار ہے۔                      

   زندگی زندگی سے بیزار ہے۔                                 

حسد کی تلوار ہے۔                        

                       نفرتوں کا بازار ہے۔                  

                            آنسوؤں کی یلغار ہے۔                  

                         حسرتوں کا انبار ہے۔                                 

          محبت فقط ایک کاروبار ہے۔                          

       جینا دشوار ہے۔                                 

                  کیسا ستم یہ میرے پروردگار ہے۔                        

زندگی زندگی سے بیزار ہے۔                                 

پھولوں اور کلیوں پہ زوال ہے۔   

                 کھویا ہم نے اپنا ماضی اور حال ہے۔         

             ہر طرف سازشوں کا جال ہے۔                          

    کم ہی یہاں کوئی خوشحال ہے۔                           

کہیں ملن تو کہیں ہجرووصال ہے۔        

               وہی پرانے زخم کریدنے آتا ہرنیا سال ہے۔                 

زندگی تولگتی جیسے وبال ہے۔                             

کیا خوب دشمنوں کی چال ہے۔                          

کیسا ستم یہ میرے پروردگار ہے۔                        

زندگی زندگی سے بیزار ہے۔                                   

خزاؤں کاراج ہے۔                              

                   بنت حوا رسوا سرعام آ ج ہے۔                             

ظلم وجبر کی زنجیریں ہیں۔                                

فاصلوں کی لکیریں ہیں۔                                     

نہ کوئی آشنا نہ کوئی ھمراز ہے۔                  

         روٹھی ہوئی جیسے رنگ بہار ہے۔                           

خوشیوں اور اجالوں کاہر آنکھ کو انتظار ہے۔

         کیسا ستم یہ میرے پروردگار ہے۔                     

  زندگی زندگی سے بیزار ہے۔۔۔۔۔۔۔۔۔۔۔،

،،،،،،،،،،،،،،،،،،،،،،،،،،۔  ۔۔۔۔۔۔،،،،،،،،۔۔۔۔۔۔۔۔

مسز قمر شہزاد شاہ۔۔۔۔۔۔۔،،،،،،،،۔۔۔۔۔۔۔