December aakhri ho ga.

December aakhri ho ga.
December mujh se bola tha.
Ab k jab min aon ga.
Tujhe phir se pukaron ga.
Use min sath laon ga.
Jo tujh ko bhool betha he.
K jis k hijar ka lawa.
Tera tan man jalata he.
K jis ki yad ki jheelon min.
Tum aksar doob jate ho.
K jis k waste bethe.
Yahan tum geet gate ho.
December mujh se bola tha.
Suno tum bhool na jana.
Jo yaden us ne sonpi hen.
Jo lamhe us ne bakhshe hen.
Chahe ye zakham sare.
Rooh ka nasoor ban jaen.
Inhen bharne nhi dena.
Inhen marne nhi dena.
K in zakhmon pe marham.
Aik din us ne hi rakhna he.
December a gaya lekin.
December wo nhi aya.
K jis ne mujh se bola tha.
Use wo sath lae ga.
Mujhe phir se pukare ga.
December! ghor se sun lo.
Use bhi tum bata dena.
Ye sansen machli bethi hen.
Ab rukhsat pe jane ko.
Ye ankhen bhi barasti hen.
Use wapas bulane ko.
Magr ye jante hen hum.
humen wo bhool betha he.
December aye jo ab ho.
To itna yad rakh lena.
December aur hi tha wo.
K jis ne mujh se bola tha.
Mujhe umiden bakhshi thin.
Mujhe jeena sikhaya tha.
Bht masoom the hum to.
Jo itna bhi nhi samjhe.
December to December he.
Sab hi ko rulata he.
Hamesha der karta he.
Sanam k taur rakhta he.
Sada akhir min ata he.
December us se keh dena.
Mujhe jitna bhi tarpa le.
K tujh se haar mani he.
Ab hum ne ye hi thani he.
Yon us se door jana he.
Kabhi wapas na ana he.
Chalo choro ab jane do.
December kuch bhi na kehna.
Koi shikwa nhi karna.
K jis se ye guman guzre.
Use hum yad karte hen.
Usi ki raah takte hen.
K apni zindagani ka.
Is sari kahani ka.
Ye manzar akkhri hoga.
December aakhri ho ga.
December aakhri ho ga.