Kuch Deewani Pagal Lagti Hey

Kia Tum Bhi Meri Terha Chalti Hawaon Ko
Choney Ki Koshish Kartey Ho
In Fizaon Main Jesey Main
Tumhari Mehak Mehsos Karti Hoon
Weseyhi Mujhko Kia Tum Bhi
Apney Gird Youn Patey Ho

Kia Tum Bhi Shabb Ki Tanhai Main
Meri Terah Jaggte Rehtey Ho
Aur Jesey Main Tumhari Yaad Ke Diye Se
Roshni Bakhairti Rehti Hoon
Ossi Terah Kia Tum Bhi
Apney Andheron Ko Roshan Kartey Ho

Kia Tum Bhi Chatt Pe Ja Ke
Aftab Ko Pehroon Taktey Ho
Yeh Sochtey Ho Kia Meri Terha
Ke Aaj Tumharey Haan Bhi Chand Nikla Hoga
Chand Kia Tumhey Bhi Kia
Kuch Kuch Mujhsa Dikhta Hey
Jesey Tum Mujhko Falak Ka
Woh Pyara Chanda Lagtey Ho

Kia Tumhari Aankhain Bhi Yaqdamm
Kisi Ikk Kheyal Se Chamak Uthti Hain
Aur Tum Bhi Akeley Kharey Muskatey Ho
Kehti Hain Sabhi Sahelian Meri Mujhe
Meri Yeh Aankhain Tak Ke
Main Soi Nahi Kuch Raaton Se
Tumharey Dost Bhi Kia Tumko
Aisa Hi Kuch Kehtey Hain

Kia Tumhara Dil Bhi Har Pall
Beychain Tarapta Rehta Hey
Tum Bhi Kia Agli Molaqat Tak
Har Pall Gharian Gintey Rehtey Ho
Sabbar Tumse Bhi Kia Nahi Hota
Inteezar Meri Terah Kia Tumko Bhi
Moushkil Aur Kathin Sa Lagta Hey

Kia Tanha Rah Main Chaltey Chaltey
Tumharey Kadam Bhi Roktey Hain
Tum Bhi Kia Yeh Sochtey Ho
Ke Meri Aur Tumhari Rahain
Kabh Hounge Aik
Jabh Tum Ho Gey Humsafar Merey
Aur Hathon Main Hardam Hounge Haath
Raston Per Chaltey Aisey Kheyal
Atey Hain Kia Tumko Bhi

Kia Tum Bhi Behayalli Main
Naam Mera Dohratey Ho
Kia Tumhara Mann Bhi Mujhko
Pukarta Hey Bolata Hey
Jesey Mera Mann Tumhey Sadain Daita Hey
Kagaz Pe Kia Tum Bhi Meri Terah
Apna Aur Mera Naam Likhtey Rehtey Ho

Kia Tum Bhi Apney Hathon Main Mujhe
Dhondtey Ho Talash Kartey Ho
Muqaddar Apna Meri Terah Kia Tum Bhi
Sirf Mujhko Hi Mantey Ho
Apni Aankhon Main Kia Tum Bhi
Meri Hi Tasveer Bas Patey Ho
Har Shaks Jesey Mujhko Tumsa Dikhta Hey
Tumhey Bhi Kia In Logon Main
Main Hi Main Sirf Dikhti Hoon

Kia Tum Meri Awaz Son Kar Ghabratey Ho
Jesey Main Tumhey Sun Kar Sharmati Hoon
Tumhari Ikk Ikk Ahat Per
Dil Taiz Taiz Dharakta Hey
Kia Mujhko Ata Dekh Kar
Tumhari Sansain Bhi Barti Hain

Kia Tumhey Bhi Koi Aur Nahi Bhata
Mera Hi Kheyal Tumhey Kia Sirf Ata Hey
In Pholon Main In Kalliyon Main
In Rangbarange Haseen Nazaron Main
Jesey Mujhe Tumhari Jhalak Dikhti Hey
Mujhe Onh Main Kia Tum Bhi Patey Ho

Kia Tum Bhi Younhi Bethey Bethey
Khwabon Ki Duniya Main Kho Jatey Ho
Khuli Aankhon Se Main Tu Aey Dost
Tumharey Sapney Dekhti Hoon
Tum Bhi Kia Meri Duniya
Basatey Aur Sawartey Ho

Kia Tum Bhi Aisi Shairana Baatain Kartey Ho
Kia Tumhey Bhi Pyar Mohabbat Ke Afsaney
Sabh Sachey Achey Lagtey Hain

Kia Tumhey Meri Yeh Sabh Baatain
Karna Achi Lagti Hain
Kia Tumhey Mera Pyar Sacha Lagta Hey

Kia Tum Do Gey Jawab Merey Sawalon Ka
Kia Tum Mujhe Sabh Sach Sach Batlao Gey

Kia Tumhey Tumhari Aafi
Kuch Deewani Pagal Lagti Hey