Mohabbat Hum Nahin Krtay

Tumhen aisa kyun lgta hai ..?
. . .
k Hum khud dhoondtay
hain apnay Rishton ko,
. . .
Suno jana !!
kabhi aisa nahin
hota,
. . .
Tumharay or Mere chahnay
se kuch nahin hota,
. . .
kay sab rishtay, sabhi
bandhan kahin pehlay se
rakhay hain,
. . .
woh saaray aanay walay pal
jo aakhir beet jatay hain,
. . .
jo hum se jeet jatay hain,
. . .
woh sab pehlay se rakhay
hain,
. . .
samjh kar soch kar rakhay
hain saray pal,
. . .
sabhi
rishtay,sabhi mosam,
. . .
Mohabbat bhi to lamha hai,
. . .
Mohabbat bhi to mosam hai,
. . .
yeh kis ke dil pay utray gi ..?
. . .
kahan par kab khileygi,
. . .
konsi galiyon main mehkay
gi ..?
. . .
najanay konsa Dil iskay
rangon main fana hoga ..?
. . .
najanay konsa Dil is lamhay
ko patay he ghani tareekh
galiyon ki musafat say raha
hoga ..?
. . .
wazahat Hum nhin kartay,
. . .
Mohabbat hum nhin krtay,
. . .
kay yeh to jadugarni hai jo
humko dhoond leti hai,
. . .
Humen pehchan leti hai,
. . .
kisi masroof kamray main
pari beekaar chezon say
yeh humko cheen leti hai,
. . .
kabhi jab zakhm khalta hai,
. . .
bason or daftaron ki bheer
main bhi yeh Hamaray sath
chalti hai,
. . .
lahu ki dhoop main chup
chaap jalti hai,
. . .
Hina ki khusbuon main jab
utri hai Hamari jaan leti hai,
. . .
yeh Humain bandh deti hai
. . .
Naye mosam, naye soraj,
naye tare or khusboo,
yeh Hum ko sonp deti hai
. . .
koi aizaaz jiska Maan rakhna
Farz hota hai,
. . .
yeh Hum par bojh banti hai,
. . .
yeh Hum par Qarz hota hai,
. . .
kahan, kis par nichawar jaan
krni hai ..?
. . .
yeh Chahat Hum nahin
kartay,
. . .
Suno Jana !!
..
Mohabbat Hum
Nahin Krtay.!