Rasty mein by Tehseen Ali Naqvi

حساب لینے لگے وہ بُلا کے رستے میں

کیا زلیل مُجھے یوں بٹھا کے رستے میں

 

مرے رفیق سبھی خوش ہیں یوں کہ میں جانوں

مجھے ہی خار ملے ہیں وفا کے رستے میں

 

شراب چھوڑ کے تُو راہِ حق پہ چل کے تو دیکھ

دعائیں دیں گے فرشتے بھی آ کے رستے میں

 

کہاں سلام جوابِ سلام تک نہ دیا

گزر گئے وہ مرا دل جلا کے رستے میں

 

میں وہ ہوں جسکو ہر اک شخص ہی بُرا جانے

کوئی مُجھے نہ مِلا مُسکرا کے رستے میں

 

کہا بھی میں نے چلیں گھر ہے پاس میں ہی مرا

وہ بس کھڑے ہی رہے منہ بنا کے رستے میں

 

تحسین علی نقوی