Meri Zindagi Ki Hikayatain

میں کتنی وارفتگی سے اُسے سنا رہا تھا۔۔۔۔۔۔
وہ ساری باتیں وہ سارے قصے
جو اُس سے ملنے سے بیشتر
میری زندگی کی حکائیتیں تھیں

میں کہہ رہا تھا۔۔۔۔!!!
کہ اور بھی لوگ تھے
جنہیں میری آرزو تھی میری طلب تھی
کہ جن سے میری محبتوں کا رہا تعلق
کہ جن کی مجھ پر عنائیتیں تھیں


میں کہہ رہا تھا۔۔۔۔۔!!!
کہ اُن میں کچھ کو تو میں نے
جان سے عزیز جانا
مگر اُنہی میں سے بعض کو
میری بے دلی سے شکائیتیں تھی
میں ایک ایک بات
ایک ایک جرم کی کہانی
دھڑکتے دل کانپتے بدن سے سنا رہا تھا
مگر وہ پتھر بنی۔۔۔۔۔۔۔۔۔۔
مجھے اس طرح سے سنتی رہی
کہ جیسے میرے لبوں پر
کسی مقدس ترین' صحیفے' کی حکائیتیں تھیں