Naya ek rishta paida kyun karein hum نیا اک رشتہ پیدا کیوں کریں ہم

نیا اک رشتہ پیدا کیوں کریں ہم

بچھڑنا ہے تو جھگڑا کیوں کریں ہم

خموشی سے ادا ہو رسمِ دوری

کوئی ہنگامہ برپا کیوں کریں ہم

یہ کافی ہے کہ ہم دشمن نہیں ہیں

وفاداری کا دعویٰ کیوں کریں ہم

وفا، اخلاص، قربانی،مرو ّت

اب ان لفظوں کا پیچھا کیوں کریں ہم

سنا دیں عصمتِ مریم کا قصّہ؟

پر اب اس باب کو وا کیوں کریں ہم

زلیخائے عزیزاں بات یہ ہے

بھلا گھاٹے کا سودا کیوں کری ہم

ہماری ہی تمنّا کیوں کرو تم

تمہاری ہی تمنا کیوں کریں ہم

کیا تھا عہد جب لحموں میں ہم نے

تو ساری عمر ایفا کیوں کریں ہم

اُٹھا کر کیوں نہ پھینکیں ساری چیزیں

فقط کمروں میں ٹہلا کیوں کریں ہم

جو اک نسل فرومایہ کو پہنچے

وہ سرمایہ اکٹھا کیوں کریں ہم

نہیں دُنیا کو جب پرواہ ہماری

تو پھر دُنیا کی پرواہ کیوں کریں ہم

برہنہ ہیں سرِبازار تو کیا

بھلا اندھوں سے پردا کیوں کریں ہم

ہیں باشندے اسی بستی کے ہم بھی

سو خود پر بھی بھروسہ کیوں کریں ہم

پڑی رہنے دو انسانوں کی لاشیں

زمیں کا بوجھ ہلکا کیوں کریں ہم

یہ بستی ہے مسلمانوں کی بستی

یہاں کارِ مسیحا کیوں کریں ہم

Naya ek rishta paida kyun karein hum

Bicharna hai to jhhagra kyon karain hum

Khamoshi se ada ho rasm.E.Duri

Koi humgama barpa kyon karain hum

Ye kafi hai k hum dushman nahi hain

Wafa-Dari ka da’awa kyon karain hum

Wafa, ikhlaas, qurbani, mohabbat

Ab inn lafzon ka peecha kyon karain hum

Suna dain ismat.E.Maryam ka qissa?

Par ab iss baab ko waa kyon karain hum

Zulekhaa.E.Azeezaan baat ye hai

Bhala ghaatay ka sauda kyon karain hum

Hamari hee tamanna kyon karo tum

Tumhari hee tamanna kyon karain hum

Kia tha e’had jab lamhon mein hum nay

To saari umar iifa kyon karain hum

Nahi dunya ko jab parwah hamari

To phir dunya ki parwah kyon karain hum

Barehna hain sar.E.Bazaar to kia

Bhala andhon se pardah kyon karain hum

Hain baashinday issi basti k hum bhi

So khud par bhi bharosa kyon karain hum

Pari rehnay do insaanon ki laashain

Zameen ka bojh halka kyon karain hum

Ye basti hai muslamaanon ki basti

Yahan kar.E.Maseeha kyon karain hum