Aankhon Me Aansuon ki Rawani Liye Huwy,
Sehra M Chal Raha Hon Main Pani Liye Huwy.
Roodaad Apni kis ko Sunaaon k Sab Yahan,
Bethy Hain Apni Apni Kahani Liye Huwy.
Guzry Dinon ki Soch Me Rehta Hai Dil Abas,
Ek Aarzoo-e-Ahd-e-Jawani Liye Huwy.
Phir Aa Gaya Hai Laot k Mosam Bahaar ka,
Ek Dil'kharaash Yad Dihaani Liye Huwy.
Chehry Badalty Rehty Hain Aksar Yahan Py Log,
Main khush Hun DAAS Shakl Purani Liye Huwy.
No comments:
Post a Comment