Tujh Se Juda Howay Na Teri Zaat Me Rahe.
Hum Youn hi sham-e-gham ki hawalaat me rahay.
Kis arsa-e-fareb ki wehsat me thay k hum,
Din me hi reh sakay na kahin raat me rahay.
Ik shehr-e-khwaab hum ne basaya tha or phir,
Us me rahay na uskay muzafaat me rahay.
Kyun cheen'ta hai mujh se mera saya-e-wajood,
Sooraj se koi keh do k auqaat me rahay.
Main jis k roz-o-shab k zamaano me qaid hun,
Mar jaye agar wo mere halaat me rahay.
Har baar koi baat adhori raha karay,
Har baar tishnagi C mulaqat me rahay.
No comments:
Post a Comment